<font color='#000000'><font color=#0000ff size=5>السلام عليكم ورحمة الله وبركاته
</font>
<font color=#ff0033 size=4>اشكر أخي لماح على هذا الموضوع الشيق</font>
<font color=#990099 size=4>وصدقت اخويه الكريم في الي قلته عن الوافدين بالذات الانجليز
اما عن الهنود الصراحة ما نقدر ننكر فضل الله ثم فضلهم علينا
لانه لو تلاحظ يا أخويه الكريم هاي البنايات في دبي والعماير والسناتر هل المواطن هو بيبنيها بإيده
لا ... لانه المواطن المفروض يمسك مكتب او شغلة تليق فيه كمواطن
بس الشغل في كل الحلات مب عيب
وبعد ترى الشغل درجات
والمواطن يستحق درجة مرموقه في الشغل لكن في حالة وحدة انه تكون عنده شهادة معتمدة او الخبرة الكافية لأداء الوظيفة
اما عند الهنود بس العيب فيهم شي واحد
انه الهندي يوم يستلم منصب معين
يستوي شخص ثاني
ما يستوي هاك الهندي الطيب الي على نياته
والمشكلة الاكبر
يوم يعين مواطن عنده تحت إدارته ما يتنزل يعلمه شي من الي يعرفه عشان محد ياخذ منصبه
...
واخس شي يوم تمشي في الشارع على الخط السريع
اتحص واحد هندي يمشيلك على ريس المكينه ويرمس تيلفون وطابور وراه من السياير
شو بنقول ... ترى 2 يرفعون الضغط
الملح والهندي <img src="http://oasis.bindubai.com/emoticons/wink.gif" border=0>
....
بس سالفة الانجليز سالفة
قبل فترة دخلنا وكالة من الوكالات في شارع زايد في دبي
وكنا نتريا قطعة توصل من الخارج لهاي السيارة
فيوم يينا نسأل عن هاي القطعه
حصلنا واحد انجليزي
مافيه ولا ذرة احترام
يكلمنا من خشمه ويضارب
انا قلت احينه هذا اخاف انرد عليه يسشجنونا<img src="http://oasis.bindubai.com/emoticons/oo.gif" border=0><img src="http://oasis.bindubai.com/emoticons/wink.gif" border=0>
ترى الانجليزي سلطته اكثر عن المواطن هاي الايام<img src="http://oasis.bindubai.com/emoticons/sad.gif" border=0>
....
وسبحان الله عقب فترة بعد سرنا
نفس الوكالة فحصلنا واحد ألماني لكن سبحان الله
فرق عن الانجليزي فرق السما والارض
قمة الاخلاق
وسولنا ألف حساب
....
وعلى طاري مردف والانجليز الي عايشين هناك
بخبركم سالفة اتضحك
ترى بيت يدتي هناك والمشكلة في فريج الانجليز
فيوم من الايام طلع الله يعزكم ( كلب ) يرانهم من البيت ودخل بيت يدتي وذبحله كم من ديايه وشرد<img src="http://oasis.bindubai.com/emoticons/biggrin.gif" border=0>
عقب اشوية اندور يدتي مانحصلها وينها
انشوفها عند بيت الاجانب الي شرد من عندهم (الكلب) الله يعزكم
ويوم ظهر الريال
تمت تهزبه هزاب
واستلمته عدل
ونحن من زود ما فينا ضحك ورمنا نتدخل حتى<img src="http://oasis.bindubai.com/emoticons/biggrin.gif" border=0>
وآخر شي الريال من الزياغ قال بعطيكم تعويض....
المشكلة مب بالتعويض
المشكلة انه قيمنا راحت من يوم هايييله دخلو علينا البلاد ونشرو الفساد فيها
مثل ما قال اخويه لماح
انه يسهرون ويسكرون
ومحد كفو يوقفهم عند حدهم<img src="http://oasis.bindubai.com/emoticons/sad.gif" border=0>
لي متى بنعيش في عصر الجهل هذا ...
واشكركم عالموضوع القيم
اخوكم المحاق
</font></font>
رد مع اقتباس
مواقع النشر (المفضلة)