<font color='#000000'><p align=center>
<font color=#0000cc size=3>الأخ / لمـــاح ،،، أشكرك على طرح هالموضوع واعتبره من احلى المواضيع واقواها طرحا في هذه الواحات
ماشالله الجميع شارك وكل شخص كان له دور وتكلم من وجهة نظره
وخلونا لاننسى ياجماعة انه لما تكلم الجميع فهو من باب الغيرة على دولتنا الحبيبة وكل واحد منا مايرضى انه يوصل حالنا لهالدرجة
لذلك ياجماعة أنا معاكم في كل اللي قلتوه وأشكر الأخ ( بن دبي ) عالتوضيح للجميع بعد اشكر الجميع على كل ملاحظة ترى ياجماعة نحن هنيه نمثل دولتنا لأنه الواحات يصل صداها الى أبعد من دولة الإمارات والخليج ولاتنسوا اننا في موقع من مواقع الإنترنت الكثيرة ولكي نصل بهالمنتدى للنجاح والتوفوق والجماهيرية الكبيرة يجب علينا التعاون وأهم شي المصداقية في نقل الكلمة للجميع
ماعندي كلام اكثر من اللي قلتوه طبعا الأجانب بشكل عام بدولتنا يتمتعوا تقريبا بكل الخدمات من الدولة الله يطول بعمر شيوخنا مامقصرين بشي عكس الدول الأجنبية الثانية ومثال دولهم بروحهم تسير هناك ولاتنعطى ويه بس الحمدلله دولتنا بخير وعندنا خير بس بنفس الوقت مفروض من شبابنا يعملوا ويجدوا علشان ياخذوا مكان هالنوعية من الناس وياجماعة شوفوا احلى مثال سلطنة عمان الشقيقة انا صراحة لما أسير صلاصلة او اي منطقة في عمان ماشالله دائما اشوف هناك تغيير عندهم نسبة عالية من التوطين اكثر منا بكثير
السبب عندنا معروف مافي شخص يحب يكون بائع جرايد لأنه على قولته مواطن ولأنه مواطن مابسوق تاكسي ولأنه مواطن مابيسوي ....... الخ
اسمحولي طولت بس الموضوع شيق بس نسيت شي وحبيت اقوله للجميع
دولتنا مستحيل تسمح لشخص اجنبي يدخل بالسياسة يعني يستلم منصب سياسي لاتنسوها كل هالمناصب والمواقع المهمة وغيرها باقية حق شبابنا اللي هم عماد هالدولة
وسلامتكم</font></p></font>
رد مع اقتباس
مواقع النشر (المفضلة)