امشي على البحر

[نبراس الليل]

<font color='#000000'><img src="http://oasis.bindubai.com/emoticons/glare.gif" border=0>بدايه اتحسبت قصة حقيقية قلت جي الدنيا فوضى

بس الصراحه دام انها مالفه وانتي اللي الفتيها احييج عليها واقولج تراها حلوة

<img src="http://oasis.bindubai.com/emoticons/biggrin.gif" border=0>فلم عربي مب هندي لان مافي مشاكل صارت


السموحه ننتظر جديدج

طارق</font>

[شماسي]

<font color='#F660AB'><font face="tahoma, arial, helvetica, sans-serif" color=#ff0066>مشكووره اختي ع القصه الحلوووه هههههههههههههههه تسلمين<img src="http://oasis.bindubai.com/emoticons/laugh.gif" border=0><img src="http://oasis.bindubai.com/emoticons/laugh.gif" border=0></font></font>

[بن دبي]

<font color='#000000'>السلام عليج
مرحبا الساع مونامور..
ههههههههههه
اشكر فنج حسبتها قصه صجيه ..

مشكورة</font>

[الغزاله العيناويه]

<font color='#8D38C9'>مرحبا والله ..

الصراحه انتي لي راحه كخ كخ كخ

واااااااااااااااااااااااا ااااااااااااااااااااااااا ااااااااااااايد وااااااااااايد واااايد حلوه القصه .. وجان اتحسبج انتي وجان اقول هاي ماتستحي ولا تخيل ولا مابتقول عنها جيه خخخخخخخخخخخخخخخخخخخخخخخخ قويه ..

ممممممم صراحه عشره على عشره حبيبي معجبني كخ كخ .. عشره على عشره .. سلامي عليج جانج انتي اللي مالفتنها ..


تسلمين حبوبتي على هالموضوع .. الحلووووو


<img src="http://oasis.bindubai.com/emoticons/cool.gif" border="0" valign="absmiddle" alt=''> حياكووو</font>

[مونامور]

<font color='#728FCE'>مرحبا

شكرا على حضورك ...... وبصراحه القصه من تأليفي<img src="http://oasis.bindubai.com/emoticons/laugh.gif" border=0>


تحياتي..


مونامور
</font>

[شجن الروح]

<font color='#000080'>هل هاي قصه حقيقيه؟؟</font>

[المنفية]

<font color='#000000'>شووو هااا فيلم هندي ؟؟ &#33;&#33;&#33; <img src="http://oasis.bindubai.com/emoticons/rock.gif" border=0></font>

[مونامور]

<font color='#728FCE'>

<font color=#000099 size=3><strong>أكيد كل واحد فيكم حس باللي احسه.... الاحاسيس اللي تكون موجوده اصلا في داخل الانسان بس يتريا موقف او منظر معين علشان يطلع اللي بداخله.... وأكيد كل واحد فيكم يلس عالبحر أو مشى عالسيفه...

هذا الموقف اللي صار......

كنت أمشي عالسيف واتقرب شوي من الماي يوم يتقرب مني ابتعد عنه ويوم يبعد اتقرب منه..... وأنا حاطه شريط علي بحر....(أكيد كلكم تعرفونه) واسمع اغنية مريت على بابكم مره... وخذني الشوق بإيديني وبإيدينك

وفجأه اشوف ذاك اللي مر صوبي وضحكلي وهو مروح.... كان يتريض... انا استحيت <img src="http://oasis.bindubai.com/emoticons/down.gif" border=0>&nbsp;واحمر ويهي... ومشيت انا بعد بحال سبيلي ورجعت البيت وانا افكر في شكله...... وكنت اتريا باكر يجي بسرعه علشان اشوفه

وبنفس المكان اللي شفته اول مره شفته المره الثانية وبعد ضحكلي بس هالمره وقف وسلم..... وقال كلام&nbsp;خلاني اسكت وما اقدر ارد.....قالي: بعد نص ساعه تعالي عند الكاسر.....

وبالفعل بعد نص ساعه سرت عند الكاسر بس خليت عمري اني امشي وريلي ودتني عنده........ واول ما شافني اتقرب ولا تكلم ...... تم يشوف عيوني...... وانا من الدهشه سكت وخليت عيونه ترد على عيوني.. مسك ايدي وقال انا ما ابغي منج شي... بس تعالي كل يوم نفس المكان وبشوف عيونج.... ممكن...... رديت عليه بإبتسامه... ورحت عنه....... طول الليل ما نمت.....اتخيل عيونه وكلامه..... وطلعت الصبح وسرت الدوام ورجعت وانا كلي لهفة اني اشوفه..... وصلت قبل الموعد 10 دقايق وتفاجأت انه هو موجود هناك..... تقربت منه وسألته : من متى انته هني..... قالي: من ساعه... كنت حاب اني ارجع ذكرى البارحه.... نزلت راسي واستحيت..... وبكل جراءة مسكني وحظني وقالي : احس انج قطعه مني....ومابفرط فيج....... قمنا نمشي ونحن ايدنا مشبوكه ببعض.... وقالي وقت الغروب قرب وابغيج تكونين وياي..... استغلابت من كلامه وما عرفت شو اللي يبغيه بالضبط.... سحبني من ايدي ويلسني على صخره من صخور الكاسر ووقف وراي وهو حاضنني ويلعب بشعري ويهمس في اذني ويقول: شوفي الشمس وهي تغيب محلاها...... حسيت انه قلبي بيطلع من مكانه... وقلت له: انا ما اتحمل هالكلام... انا ما ابغي اعيش بوهم كذاب....اذا كنت تلعب خلني بحالي.....دخيلك......قالي: لو تبين عيوني اعطيج اياها... بس انتي آمري..... ولا تحاتين انا اخاف عليج اكثر من نفسج...... عشت وياي احلى ايامي ...كل يوم اشوفه عالبحر ونتكلم ويقولي كلام ولا كلام العشاق...... تعودت عليه وقمت اتوله عليه كل يوم اكثر من اليوم اللي قبله..... وفي يوم شفته مضايج وسألته وش فيك مضايج....أكيد في شي...قالي بسافر الوالده تعبانه ولازم اسافر معاها.....سكت وبدون ما استأذن ركضت ورحت البيت وانا اصيح.... وكل يوم اسير ايلس نفس المكان اللي نيلس فيه....لكني ما اشوفه....وتميت على هالحال شهر .... ايلس من العصر لين الليل....افكر فيه واصيح

وبعد الشهر وفي يوم شفت واحد قرب صوبي ولان الدنيا ظلمه ما عرفت منو..... سألت: منو....... ورد عليه حبي: أنا ...... وبدون ما احس شفت عمري حاضنتنه واصيح واطلع اللي بداخلي كله.... وقلت كلام اول مره اقوله ومستغربه انه كان مكبوت في قلبي...... صحت وانا حاطه راسي على حظنه ..... وفجأه شفت عمري ركضت ورحت البيت....... وبعد ايام تجيني الوالده وتقول في واحد خطبج ونحن موافقين بس بيجي مع اهله علشان تشوفينه...... قلت: لا دخيلج امي ما ابي اعرس.... خليني ما ابغي...... وحاولت معاي بس انا رفضت...ورحت البحر على امل اني اشوفه بس اترييته وماشفته......رجعت البيت وانا جناحيني مكسرات....ووافقت لاني فقدت الامل.......وبعد يومين شفت اهل الريال اللي خطبني ويوم دخلت المجلس عند الرياييل كنت منزله راسي.... ولا فكرت اني اشوفه.... بس سمعت صوت الخطيب وهو يقول ارفعي راسج.... ورفعت راسي لاني اعرف الصوت.... يوم شفته صحت....وبدون ما احس قلت له انته وين.....حرام عليك مخلني بروحي..... استغربوا اهله واهلي وفي عيونهم نظرة استغراب <img src="http://oasis.bindubai.com/emoticons/suspect.gif" border=0><img src="http://oasis.bindubai.com/emoticons/notify.gif" border=0>.... وطلب منهم انهم يجلسون علشان يقولهم السالفه .....وقال السالفه كلها...... واهلي قدروا انه كان محافظ عليه واهله طبعا ما قدروا يقولون شي لانه مب هو اللي يباني..... قلبه اللي يباني......


وسلامتكم




تحياتي</strong></font>



<font color=#cc0000><img src="http://oasis.bindubai.com/ubbc/smileys/0088.gif" align=absmiddle border=0><font size=4><strong>مــونـــامــــور</strong></font> <img src="http://oasis.bindubai.com/ubbc/smileys/0088.gif" align=absmiddle border=0></font></p></font>