الله باسمه

ساهر حبيبي انا مانسيت التخبط الاداري اللي تعاني منه ادارات اتحاداتنا وانديتنا بعد
لكن اللاعب الاجنبي له ضلع في تراجع المنتخب بهذا الشكل فالتخبط الاداري كان موجود من البدايه تاره لقلة الخبره وتاره لاعطى المناصب لغير اهلها ولكن مع ذلك كانت اجتهادات اللاعبين اتغطي على ذلك وكان اللي يخربه الاتحاد اتصلحه الانديه واللي تخربه الانديه ايصلحه الاتحاد اما مع عودة اللاعب الاجنبي اصبح الكل منصب اهتمامه في هذا اللاعب والله لو المبالغ اللي ترصفها الانديه على اللاعب الاجنبي استثمرت كان بامكانها استقطاب المدربين الكبار اللي بامكانهم سقل مهارة اللاعبين من الاشبال حتى لاعبين الدرجه الاولى ويصير اللاعب المحلي هو بمستوى يكون احسن عن الاجنبي
وعن الدوري السعودي اعتقد انه هناك في الحسبه فرق واحد ولكنه جوهري ان كل اللي ذكرتهم لاعبين محترفين ولاعبينا الصبح في الدوام العصر تمرين ولاعبين الامارات الشماليه لا عصر ولاهم يحزنون الله وكيلك دوامه في ابوظبي واخر الاسبوع يسير البلاد يتمرن تقسيمه قبل المباراه ويالله مش حالك فوز خساره انته وحظك
والسموحه