صفحة البوح..

[بنت ناس و عرب]

<font color='#8D38C9'><div align="center">
السلام عليكم و الرحمه ..

هلا اختي فتاة من الشرق..

يالغاليه .. من ماتيه هذي الحالات .. و يحس انه ما يعرف يذاكر حتى ما يعرف يحفظ.. و يحس بشبه الإحباط.. و انتي قلتيلي &nbsp;أكثر من يوم انج تنقلين الأجوبه من زميلتج.. جطي نفسج في موقفها .. لو كنتي انتي مذاكره و ربيعتج اللي تنقل .. صح بتقبلينه أول شي عقب بتقولين شو هذا استغلال..

فكره ثانيه .. يمكن مليتي من المذاكره ما شي يديد.. بس بتخبرج .. انتي كيف تذاكرين .. حطيتي جدول ترتبين فيه يومج.. سويتي شي حاولتي انج تصرين على عمرج والذاكرين..

خلينا من كلمة مذاكره ادري محد يحب هالكلمه.. بس شرايج لو انج تيبين ورقه و قلم و تكتبين شو اللي ما يخليج تذاكرين.. وشو اللي يخليج تذاكرين.. وبعد هذا جوفي انتي الأشياء اللي تعرقلج .. و حاولي تخوزينها..

طريقه غير ايلسي افتحي الكتاب .. و خلاص خططي انه اليوم بتذاكرين صدق ترجعين من المدرسه الساعه 2 تغدين تخلصين تدشين الحجره .. تفتحين الكتاب.. و عندج ورقه و الليت مشغل.. يالله اول درس شو اكتبي عنه .. لخصي الدرس.. شو المهم في الدرس.. النقاط اللي انتي لازم تحفظينها.. كلها كتبيها في اوراق و هذي الأوراق بتبقى كمراجعه.. مالازم اتخلصين الكتاب في يوم واحد .. لو في اليوم تاخذين درسين عربي.. درس فيزيا او علوم.. بس تفهمينهم.. و تحطين في بالج .. انج انتي بتحلين و كل .. هذا ما بيطول معاج أكثر من ساعتين 3 .. بعدين تفظين للنت أي شي ترفيهي.. حتى تتصلين في ربيعتج.. تفرجين عن عمرج..

شو رايج..

اختي فتاة من الشرق قولي كل اللي تبين تقولينه ..

و نحنا عند حسن ظنج.. وان شاء الله بتكونين أحسن وحده..


</div></font>