<font color='#736AFF'>المزوحي..
يالخواف .. من شو تخاف.. يالمزوحي.. انت مخلي الدنيا هي اللي تشغلك .. تقولك روح هناك رحت .. سوى جيه سوي.. خاف من هذا خفت .. لا يابوي.. انت دير الدنيا .. انت قولها انا أصلاً فوق هذا كله .. انا من من المتوى اللي الدنيا اديرني انا .. اعط نفسك الثقه .. و الثقه هذي مب نازله من السما .. الثقه هذي تكوين انت تكونها بنفسك .. تبدأ بالخطوات.. عمره الشي ما يبدأ فنص الطريج..
انت تحس نفسك انك وحيد و كل شي فوق راسك و الهم و الحزن .. هذا لنقص الأصدقاء اللي عندك .. مب معنى انت ما عندك أصدقاء.. لا انت عندك .. بس تعرف شو .. الأصدقاء اللي عندك انت ما تفضفض لهم ما تقول لهم شو اللي في بالك شو اللي في خاطرك.. و هذا كله بسبب الكتمان اللي صاير فيك ..
هالأشخاص اللي ينعزلون عن الدنيا و بلاويها و مثل ما يسون يقعدون فبيوتهم .. و ما يظهرون الا عند الظروروه و لا ظهراتهم نادره .. و دومهم مكبوتين يحسون بالوحده و النقص... و انا من قرآئاتي لفضفضات اللي تقولها .. حسيت شي واحد .. انك انت شخص.. تريد انسان تفضض فض له .. تقوله شو اللي في داخلك .. يواسيك في كل الأوقات .. يسأل عنك .. موجود كل ما تريده .. شخص ما يكون بينك و بينه اي حواجز او اي معيقات .. شخص انت راظي عنه و هو راظي عنك و حاطين ايدك في ايده..
صدقني ما فيه انسان على هذي الأرض ما يقول انه الحب من طرف واحد يكفيه ..لأنه ما يحمد ربه.. او لأنه ينتظرالأشياء هي تيله ما هو يسير يدور عنها .. يبحث يشوف.. ليش محطي في بالك انه بيكون في يوم كل شي بيوقف .. انت خايف من المجهول.. لو درينا شو اللي بيصير.. شو بقى من هذي الدنيا .. كلنا منكون مترقبين و عارفين شو بيصير و شو بيدور في هذي الدنيا .. و آخر شي .. شنو الفايده .. و لا شي.. خلك انت شجاع.. و صير انت اللي تبغي تعرف شو في المجهول .. لأنك لو قعدت و تنتظر الأشايء تيك و تتخبى منها.. كل شي بيطيح فوقك و بيهدمك.. بتكون شرات العماره اللي يهدمونه .. و تريد احد يسيسها من اول ويديد.. خلك انت الأذكى و انت دوم الأشطر و اللي تريد تكسب الناموس.. و الأعلى ..
مثل ما قال اخويه المنحوس.. محد يدري باجر بنحيا و لا نموت .. و لا الثواني اليايه ما ندري شو بيصير.. بس انت فوق هذا كله خلا ايمانك بالله قوي.. و اتشاهد .. و لا يهزك من طاف صوبك .. انت هزه .. و خلاه يعرف انك انت عالي فوق الثرى و تحت الثريا..
(( أدريبك انت ما تقتنع برمستنا نحن الأعضاء .. الا برمسة الناس اللي اكبر منا المشرفين و اللي مشاركاتهم تارسه الواحات.. بس قلنا خلينا نرد يمكن نفك العقده))

ميثاني بنت ثاني آل ثاني..</font>