مـــــليت من الدوام !

[كنت احبك]

<font color='#000080'>هلا أخوي المزوحي..


أنا بعد اتيني فترات ملل رهيبة في الدوام .. وهالشي ساعات يخليني أتعايز اني أنش و أداوم.. بس بقولك شو تسوي اختك لاتلوميني واللي انت تقدر اتسويه حسب ما يعيبك و يناسبك&#33;&#33;

1. أيود لي مسباحي و أيلس اسبَح و أقرا قرآن (و هالشي علمتني اياه وحدة من الموظفات يزاها الله خير و توني بادية أطبقه)..
2. تقدر ترمس ويا ربعك في التيلفون و اتحشون في خلق الله (و هاي هي هوايتي اليومية ويا وحدة من رباعتي من أيام الثانوية و تشتغل في شركة خاصة <img src="http://oasis.bindubai.com/emoticons/tounge.gif" border="0" valign="absmiddle" alt=':p'> ).. و الا يوَد الجريدة و نزل في هالرنات والا اللوجوز اللي 4/3 أرباحهم اتيي مني خخخخخخخخ
3. اطلب Training Courses على حسب درجتك الوظيفية .. ع الأقل اتغير جو و تتعرف على موظفين من أقسام ثانية..
4. اتعلم شغل موظفين ثانيين و اتحاول اتساعدهم.. بس هااه.. لا تعودهم و الا بيفرون الشغل كله على راسك&#33;&#33;
5. حاول انك تكتشف الكمبيوتر اللي تشتغل عليه.. يعني فتشه فايل فايل و فولدر فولدر &#33;&#33;&#33; بصراحة أنا حافظة شو في كمبيوتري و الفايلات اللي فيه و أستانس لما أحصل فايلات اللي قبلي و أقعد أقراهم خخخخخخخخ&#33;&#33;&#33;
6. ناقش هالموضوع ويا مديرك و اطلب زيادة مسؤوليات أو تغيير طبيعة الشغل (طبعا يعتمد اذا كان مديرك مفتح والا دقة قديمة)..&#33;&#33;
7. يوم اتنش الصبح حاول انك تقنع نفسك انه شي حلو بيصير لك اليوم.. تفائلوا بالخير تجدوه..
8. شي فكرة طبقتها على موظفين الفرع.. و ان شاالله اتعيبك و اتطبقها اذا حبيت.. بين فترة لفترة.. أحاول اني أييب لهم أسئلة مسلية و أطرشلهم مسجات على كمبيوتراتهم و أعطيهم Deadline لين نهاية الدوام عسب يحلون هالأسئلة... نوعية الأسئلة تقريبا مثل اللي موجودة في هالموضوع..
مثال
طبعاً ما أكون جادة بخصوص تسليم الإجابات لأنه غرضي من هالشي تسلية الموظفين و تجديد نشاطهم و ابعاد الروتين عنهم.. ساعات اذا ما اقتنعوا باجابة سؤال تلقاهم يتيمعون كلهم عند مكتبي و يناقشوني لين ما أطفر&#33;&#33; تخيل ست هنود يزنون على راسك&#33;&#33;&#33;


هاي هي اقتراحاتي لك ياخوي.. وصدقني ترا الروتين و الملل شي يتعرضون له أكثر من 90% من الموظفين.. كل اللي أقدر أقوله انك اتحاول اتعرف شو هو الشي اللي بيحببك في الدوام و بيخيليك تتحمس له.. و من عقبها حاول انك اتحقق هالشي..


الله ايحفظك اخوي و ان شاالله ما أكون ثقلت عليك <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>