<font color='#736AFF'>فرح..
اختي فرح من منا ما يحزن و من منا ما يفرح .. انتي الفرح .. انتي الحزن و انتي السعاده و انتي و انتي.. كل شخص و تيه مثل ما يقولون هالأيام (( حالات )) يتغير .. و يصير حزين لدرجه يوصل هالحزن الى هم .. و من ثم من هم الى كآبه .. و من الكآبه الله لا يوصلنا لهذي الدرجه الى الكفر.. لأنه بيقعد ويقول ليش يا ربي انت ما تسويلي جذه .. ليش يربي انا حزينه .. و ليش وليش.. فمن يقعد و يوسوس.. و يقعد يحطي عمره كأنه هو حزين .. او فيه حزن و ما رايم يتغلب عليه .. يلجأء لصديقه .. يلجأ لربه .. و هو على كل شي قدير.. الصبر مفتاح الفرج.. يمكن حزينه اليوم باجر .. شهر شهرين .. ثلاثه او اربعه.. بس هالتتوقعين انه هالحزن بيدوم.. لا طبعاً.. مستحيل يدوم .. صح انه فيه حزن يمكن الشخص ما يروم ينساه.. اذا امه متوفيه لاقدر الله ابوه متوفي.. شي بس كلحد يعيش الحمدلله .. ليش انتي حزينه .. أكيد في شي يايب لج احباط.. شي مكدرنج .. الانسان ما ينولد و هو حزين .. و هو ايده عى خده .. لا يفرح خلينا نشوف الفرح منج .. انتي علميني كيف افرح .. كيف ابتسم .. معنى الفرح و الابتسامه انا وثاقه انه هذا كله عندج انتي.. فرح انتي الفرح شيلي الحزن .. و لا تتفكرين فيه .. خليه كله على صوب .. و انتي على صوب.. صيري مثلي.. اول ما أشوف الحزن .. أحاول احله .. أحاول اشغل عمري بشي ثاني.. صح بين فتره و فتره بيعاود .. لأنه في هذي الفترات فيه شي متغير.. و من ما يتغير له الأشياء كل حد يتغير.. بس خلي ايمانج بالله قوي و لا يفرق بيننا شيطان مرجومي.. و شيلي الحزن ما بقول من قلبج .. بقول من عقلج .. لانه اذا انتي بغيتي تسوي شي .. و بعقلج و بتفكيرج .. بدوسين على قلبج و بتسوينه .. و انا أقولج اني انا ما بربح و لا شي .. انتي اللي بتربحين .. و من ربحج .. بتفرحين كل اللي حواليج .. يالله فرووحه .. خلينا نشيل هالحزن و هالهم و الغم .. و نبتسم للدنيا .. و نخليها تبتسم لينا .. ميثاني بنت ثاني آل ثاني....</font>