<font color='#736AFF'>السلام عليكم و الرحمه
هلا اختي الساحره ..
اختي الساحره مب بس انتي مب تعرفين كيف تراضين في ناس وايد بس هالحالات نادره ..
لأنه هذا الشي يعرف على طبيعة الشخص و شكلج انتي هب من اللي اذا زعلتي احد تركظين في نفس الوقت و تراظينه انتي عزيزة النفس .. زعلتيه عادي يوم يومين و بيرظى .. انتي تسألين كيف تتخطين هذا المسأله و الشعور هذا و تقاومين بما يسمى غرور النفس او عزة النفس.. عندي لج اكثر من طريق تبدأين فيها هذا الشي.. انا ما أقولج سيري و سوي جيه و جيه .. لا كل شي يكون خطوه خطوه .. مثل ما يقول عبدالمجيد عبدالله (( خلنا نفهم بعضنا قبل ما نهوى نضيع ما بعد برد الشتا غير نسمات الربيع)).. يعني أول شي افرضي انج انتي و صديقتج الغاليه تظاربتوا .. و ربيعتج زعلت .. او خذت في خاطرها منج .. و راحت .. و انتي رحتي .. طبعاً.. مب معقوله ما تحسين بتأنيب الظمير .. بتحسين فيها بس بتقعدين و تكابرينه .. و يمكن درجة الكبرياء اللي عندج زايده .. فانتي الحنيه في البيت مب مهتمه و هذيج زميلتج تحترق يمكن تصيح يمكن ما تدرين شو حالتها .. بس افرظي انه زميلتج مرظت و صل درجة مرظها انها تنوم في المدرسه و انتي دريتي بهالشي .. بعدج بتكابرين .. و لا بتتأسفين .. سؤال إسئليه نفسج ..
بظربلج مثال عني .. امثلاً يوم الثلاثاء كنت داشه الكلاس.. الكرسي اللي انا أقعد عليه اربيعتي يايه و مقعده و حده ثانيه بدالي و مخليني اقعد آخر وحده في الكلاس... و يعرفوني انا ما أشوف شي .. فأنا سكتت اول شي .. عقب ربع ساعه و صلتني مسج .. قالت لي .. ميثوه شفتي من عدالي هذي القلب .. انا أحتريت منها .. هذي ربيعتي اللي انا وياها من كان عمرنا 4 سنوات في الروضه للحين .. و أروح و البس و نطلع مع بعض.. انا خليت عمري عادي و لا جنه شي مستوي... و هي مانت ناويه شر ذاك اليوم .. فالتقينا عند الكفتيريا .. قالت لي ها ميثه شحالج .. هذي نور من دبي.. عادي سلمت عليها و عزمتهم و كلشي.. جان تققولي ميثه شوفي وراج خطيبج .. انا حرجت منها .. زودت قلة ادبها .. شليت كتبي و ظهرت .. و هي تعرف اني معصبه و زعلت منها .. الغلط مب مني منها .. فتريتها العصر تتعذر و لا تعذرت .. يوم يومين .. ثلاثه .. ويوم السبت دخلت و أشوفيها يايبتلي باقة ورد و تعتذر لي.. قالت لي كنت احاول اني ما أعتذر بس ما قدرت .. قلتلها ما يحتاي مسج بكلمه وحده آسفه انا بعذر لج الخطى كله ..
فأنا شو أبغيج اسوين .. سيري زعلي اي وحده من ربعج .. اي وحده (( أدري انج بتقولين اني مخبوله بس ما عليه )).. المهم بعد ما تزعلينها .. في طرق عده انج تعذرين فيها منها ..
وجهاً لوجه .. فلانه سوري على اللي سويته البارحه و ما كان قصدي.. و تعرفين تراني احياناص اكون مسطله و شي فيني خلل.. عقب نكته و خلاص تنتهي السالفه على خير..
ورد .. مب اقولج يبي باقه عوده .. و رده صغيره .. بخمس دراهم بطاقه بنص و لا بريال.. حطيها على طاولت البنت ..
مكالمه هاتفيه .. الووو.. فلانه .. شحالج .. و شخبارج ..(( أصلاً اول ما تتصلين لها هي اللي بتفرح لأنها هي بتكون مب متوقعه انج تتصلين و المكالمه تكفي شرأشياء الله يغني عن ذكرها .. )) و شو مسويه .. ها شو تسوين .. ذاكرتيه ..
تقدرين اطرشين لها بطاقه من النت ..
تقولين لها بيت شعر..
ورقه صغيره و تكتبين انا ماودي ازعلج ..
هذا اللي عندي ..
واذا بغيتي اي شي حاظرين ..
ميثاني بنت ثاني آل ثاني..
<img src="http://oasis.bindubai.com/emoticons/rock.gif" border="0" valign="absmiddle" alt='???'> <img src="http://oasis.bindubai.com/emoticons/rock.gif" border="0" valign="absmiddle" alt='???'> <img src="http://oasis.bindubai.com/emoticons/rock.gif" border="0" valign="absmiddle" alt='???'></font>
رد مع اقتباس
مواقع النشر (المفضلة)