<font color='#000000'>السلام عليكم ورحمة الله وبركاته,... <img src="http://oasis.bindubai.com/emoticons/laugh.gif" border="0" valign="absmiddle" alt=''> ..
كان جيري يحب وحده كانت تسكن في الفريج. ومن يوم صغرهم كانوا يضحكون و يلعبون مع بعض ولا يخافون من القيل والقال لانهم بعدهم اصغار. ولكن الحين مع مرور الايام والزمن. كبر جيري و كبرت البنت و صارت عروس. وصار من الصعب انه يلتقي وياها او حتى يشوفها على الاقل.لانكم اتعرفون السالفه فيها قبايل والواحد ما يرضى انه بنته تطلع او تتلاقى مع واحد غريب وحتى لو كان ابن عمها وهي في مثل هالعمر.................طبعا جيري ألف هالقصيده بهذه المناسبه:..... <img src="http://oasis.bindubai.com/emoticons/heart19.gif" border="0" valign="absmiddle" alt=':h:'>
حيوا نسيم هب ولفاني.......من صوب دار الخل الفجيره
من صوب خلٍ مثل الدماني ......يلعي وينوح من بعد امسيره
يلعي و ينوح ويقول يباني......وانا تراه افخاطري صوبكم سيره
بسير لكم وسط نيساني .......يا ما احلى ويله يوم تعشق له جيره
في يبال وارمال والا كثباني.....محد تجرأ وخطف إلا غيره
يا الخل شخبارك هذا الزماني......وشعلوم ذيك البلاد والديره
تذكر ايام يوم كنا اثناني.......انقصر الدوب عند ذيك السديره
والحين يوم ولى ذاك الزماني......قالوا هلج امورٍ كثيره
شافوها عوده عند العربان.......ما يصح تتلاقوا وسنكم خطيره
ان اتلاقيتوا ياكم شيطاني......وسوس لكم ورحتوا على سيره
قلت خاب ظنكم يا اهل المعاني......كيف اظنوا ابهذا التفكيره
عرضكم تراه عرضي تراني.....وقصدي شريف وصافي الضميره
بطلب يمناه اعويد إلباني........خلي وروحي ما ابدله ابغيره
حيوا نسيم هب ولفاني.......من صوب دار الخل الفجيره
واسمحولي على هذه القصيده لعدم انتظام الوزن فيها.لاني الصراحه مب شاعر ولكن هاوي للشعر وان شاء الله انها اتنال اعجابكم
والسموووحه <img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>
رد مع اقتباس
مواقع النشر (المفضلة)