آخر ماصار بيني وبينه ....

اليوم .. سرت على اساس انه نفطر مع بعض ( مع الشله ) واتجاهلني تجاهل كبير .. وقام يعزم الكل إلا أنا وهذا شي يضايج لأنه تحس بنفسك ثجيل .. المهم ودرت المكان وسرت والكل استغرب من هذا التصرف ..

لكن بعد ساعه مرني هو وربيعه المكتب وتم ساكت عني ، بس ربيعه يتكلم .. وساروا ..

وقت الصلاه سرت اتمسح وشفته .. ودعيت في صلاتي انه يتكلم معايه .. بعد ماخلصت من الصلاه سرت مكتبي .. 10 دقايق ويا مكتبي .. قال: شو مستغرب ، قلت له: لا .. استريح .. قال: لا .. تعال بنسير مكتبي .. وسرت وياه وتناقش ويايه على الحركه البايخه اللي أنا سويتها وقال: شو هالتصرف ؟؟؟ الكل لاحظ عليك .. خبرني أنا ضايقتك في شي .. بصراحه عشان ما اغلط في شي وأعاتب عمري سكت عنه .. رد سألني وقلت له : لا .. قال: بس كل واحد من الربع سألني بلاه فلان ؟؟؟؟ وتم يلومني انهم بيلاحظون علينا .. طيب ما انت ماتكلمني وهم بعد بيلاحظون ..

المهم قلت له : أنا اعتذرت لك وانت بعدك ماتكلمني .. قال : انت اللي ماتكلمني .. قلت: يوم سألتك شخبارك فلان : سكت .. قال: لأني استغربت ..

قلت له: طيب لين متى بتم جيه انت .. الموقف وخلاص حصل .. شو اللي بتغيره انت ؟؟؟؟؟

لكن ماكملنا رمستنا وهو يباني انا ابتدي اراضيه وهو كل ما اكلمه زعلان وقلت له يوم انك ماتبغي تشوفني شو اللي اسويه لازم بقوووم وبطلع .. سكت ..

والله يعين شو اللي بيصير باجر ؟؟؟؟؟
<img src="http://oasis.bindubai.com/emoticons/confused.gif" border="0" valign="absmiddle" alt='???'>

شو رايكم الحين كيف اتصرف معاه ؟؟؟؟؟؟ سوالف ؟؟؟؟؟ مع انه ممكن يستثجلني <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('>

شكرا ..