استسلم

[الصافيه]

<font color='#000000'>حبيبتي أرنوبه

أول شي لازم تعرفينه أن سنة أو سنتين بينج وبين ربيعاتج ما تعتبر فرق كبير
خصوصا وان الفروق بين كل وحدة والثانية ممكن تخلي الصغيرة تتساوى باللي أكبر منها أحيانا وممكن تسبقها في أشياء .. سواء بعقلها أو بجسمها

والمرحلة لي أنا تكلمت عنها هي مرحلة المراهقة <img src="http://oasis.bindubai.com/emoticons/smile.gif" border="0" valign="absmiddle" alt=':)'>
وسنكم هذي ممكن تكون بداية لها .. وفي احتمال انج انتي تكونين مستعدة للدخول في معمعتها أكثر من غيرج حتى لو كانن خواتج ..

صحيح في أشياء تصير للكل .. بس تأثيرها يختلف من وحدة للثانية ..
وأهم شي انج تفهمين شو اللي يصير لج حتى تقدرين تجتازين هالمرحلة
وهي تتميز بعدم الاستقرار .. والميل للعزلة والكآبة .. وأحيانا البكاء بلا سبب
وهذي عوارض نفسية مالج ذنب فيها .. بس لازم تعرفينها ..
وتحاولين انج تتكلمين عنها .. وما تخشينها ..


الياهل <img src="http://oasis.bindubai.com/emoticons/smile.gif" border="0" valign="absmiddle" alt=':)'> خلج ويا أرنوبة ولا تضايقينها


دلوعة ماما .. كل وحدة تختلف تماما عن الثانية نفس البصمات ..
يعني الوراثة والبيئة والتربية والاستعداد النفسي تختلف تأثيراتها من بنت إلى بنت ثانية .. وفي ناس يمرون بالمراهقة بهدوء شديد وبلا مشاكل .. وفي ناس تصيبهم مراهقة متأخرة .. على كبر .. بس ان شاء الله ماتكونين منهم <img src="http://oasis.bindubai.com/emoticons/smile.gif" border="0" valign="absmiddle" alt=':)'>

والغالبية تمر بهم المراهقة بين جزر ومد .. وبشوية صبر وتفاهم وتفهم من الأهل
تعدي على بر الأمان .. ولها السبب طلبت من أرنوبة إنها تكلم والدتها .. يمكن هي غافلة .. وفي بالها ان أرنوبة بعدها صغيرة <img src="http://oasis.bindubai.com/emoticons/inlove.gif" border="0" valign="absmiddle" alt='[love]'>


أرنوبة حاولي انج ما اتمين بروحج فترات طويلة .. ولا تفكرين بالموضوع وايد
وركزي على دراستج .. ومع الوقت بتلقين نفسج استقريتي مثل قبل <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>