<font color='#000000'>* نحن ثلاثه.. اثنين نروح الكلاس.. والثالثه تكون قبلنا في الكلاس تحجز لنا نيلس يمها.. فجأه استوى كرسي واحد.. وأنا مالي مكان..
وش اللي صااار؟؟؟ <img src="http://oasis.bindubai.com/emoticons/sad.gif" border="0" valign="absmiddle" alt=':('>
* كنا ثلاثه.. روح وحده.. ما يفرقنا كلام الحاسدين مهما قالوا.. لين الصيفي.. وحده خلتنا وسافرت.. تمينا نحن الاثنين.. نضارب لأتفه الأسباب.. ولما رجعت ربيعتنا ما صدقت اللي تسمعه..
وش اللي صار؟؟ <img src="http://oasis.bindubai.com/emoticons/sad.gif" border="0" valign="absmiddle" alt=':('>
* وحده.. أغليها حيل.. كل اللي يجوفها من أول مره أو يعرفها من قبل.. ينصحوني أبتعد عنها.. ما أدري شو سوت لهم.. وأنا محتاره
وش الحل؟؟ <img src="http://oasis.bindubai.com/emoticons/sad.gif" border="0" valign="absmiddle" alt=':('>
* وحده .. ما عرفتها إلا من الكلاس حالي حال البنات.. بس الكل يتحرانا ربع من أيام المدراس.. ما كنا نتفارق.. مره.. قمت الصبح .. جفتها ما تعرفني..
وش اللي صااار؟؟ <img src="http://oasis.bindubai.com/emoticons/sad.gif" border="0" valign="absmiddle" alt=':('>
* ربيعتي.. أغليها حيل.. شالتها بعيوني.. تمرض أراعيها.. أرخصتلها الغالي.. جوفوا العدل.. هدتني في لحظه حصلت غيري..
وش اللي صااار؟؟؟ <img src="http://oasis.bindubai.com/emoticons/sad.gif" border="0" valign="absmiddle" alt=':('>
* وحده.. كلما تجوفني ويا وحده من رباعتي.. إلا تسرقها مني.. مشعوذه.. جنها حالفه ما تخلي ولا بنيه عندي.. على الرغم من انها ربيعتي.. إلا انها تخليني أكرهها بها التصرف.. صرت ما أحب أسمع اسمها.. وأعتب على ربيعاتي اللي تاخذهن..
وش الحل وياها؟؟؟ <img src="http://oasis.bindubai.com/emoticons/suspect.gif" border="0" valign="absmiddle" alt='[sus]'>
* وحده.. أهنتها بطريقه عمري ما أهنت فيها أحد.. كنت أكرهها..كنت أطيح كتبها من طاولتها.. جدام عينها أشكره.. واعقق أغراضها يم باب الكلاس.. أحيانا كانت تصيح مني.. بس تسكت ما ترد علي.. تخيلوا.. عقبها صارت أغلى ربيعاتي..
(جفتوا الدنيا) <img src="http://oasis.bindubai.com/emoticons/sad.gif" border="0" valign="absmiddle" alt=':('>
* وحده.. ما أعرفها.. عمري ما رمستها.. ولا جفت شكلها.. ربيعة ربيعتي.. أحس إني ما أحبها.. أبي أجوفها.. أبي أعرف منو سارق مني ربيعتي...منو سلبها مني.. <img src="http://oasis.bindubai.com/emoticons/down.gif" border="0" valign="absmiddle" alt='[down]'>
*** بعد هذا كله .. عرفولي حياتي.. عرفولي دنيتي..
أعتقد كلها شحنات سالبه بسالبه..
كانت عندي أربع نجمات مضيئه ف حياتي..
الأولى : خلتني وسافرت بلادها.. وهاي اللي كنت ما أدانيه وعقب استوت ربيعتي..
الثانيه : خليتها في المدرسه.. وهي أبلتي..
الثالثه : راحت عني العين وخلتني هني في الشارجه..
الرابعه : اللي اضاربت أنا وياها في الصيفي .. كانت ومازالت غاليه على قلبي..
أربع نجمات مروا ف حياتي.. انطفى نورهم..
هذي حياتي كلها.. <img src="http://oasis.bindubai.com/emoticons/down.gif" border="0" valign="absmiddle" alt='[down]'></font>
رد مع اقتباس
مواقع النشر (المفضلة)