هلا باخوووي... المزوحي...

مره.. من فتره .. تم هالسؤال في بالي... وكنت دايما اسألأ .. شو هو الانسان.. فكرت وايد... واتعمقت في نظره البشر... و هدف خلق الله سبحانه للانسان... واللي طلعت منه...

انه الانسان... او بالاصح جسم الانسان... بكل ما فيه من عيون .خشم .. اذن.. او جمال... ما هو الا سكن.. او بيت.. تعيش فيه ارواحنا...و ابسط تشبيه لها الشي... مثل الاشباح اللي في الرسوم... هي اصلا ما اتكون باينه.. ولا منشافه.. بس تتخفى تحت شرشف.. عشان اللي حواليه من البشر يشوفه...  
ومن خلال هالشي.. الله سبحانه بيحاسبنا يوم القيامه... احنا كيف اتصرفنا بهالانسان.. او الجسد اللي احنا سكناها...واللي يأكد هالشي.. انه في يوم القيامه .. اعضاء الانسان تشهد عليه.. سواء استغلها في الخير او الشر...

صح.. انه الله سبحانه اختار لارواحنا الهيئه اللي احنا الحين عايشين فيها.. ( او اشكالنا ).. و هو بيختبرنا سبحانه.. كيف احنا بنتعامل ويا هالجسد... مثلا... انسان انخلق وهو معوق.. الله قدر لرووحه ان تعيش في هالجسم المعوق... الاختبار بيكون.. هل هو بيقدر يرضى باللي كتبه الله له.. و يحاول يطور من عمره.. او انه يظلم نفسه.. ويسخط من ربه..!!
و الانسان.. اللي الله جعله في هيئه انسان جميل الهيئه.. شو بيكون تصرفه من هالناحيه.. هل بيستغلها للخير.. ولا انه الغرووور بيتملكه..؟؟!!!

تدري.. الانسان لما يموت... لو اتفكرت بالموضوع من هالمنطق.. بتلاقي اصلا انه ما يموووت.. او بالاحرى... انه هو بس عباره عن خروج هالروح من الجسد... واللي كانت تعطيه الحيويه..
صح انه الجسد يتعفن ويتحلل.. بس ارواحنا اتظل عايشه... ولا ليش يقولون انه الميت يحس بضيقه القبر.. وانه يتعذب فيه.
وارواحنا بعد الموت.. يا انها اتكون في روضه من رياض الجنه.. ولا حفره من حفر النار ( و العياذ بالله )..

سوري.. يمكن كثرت الكلام شوي... <img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'> بس صدق هذي هي قناعتي عن الانسان...
مجرد روح... ساكنه جسد اختاره لنا رب العالمين...

و السموووحه...
اتريا تعليقك...