أخواني وخواتي ....كل أعضاء الواحات.. أشحالكم ....اتمنى انكم تكونون بخير وبعافيه .
أولا انا تعبت .....:(
وحبيت افضض بالي في خاطري .وما لقيت غير الواحات أشكي فيها همي وأقص عليكم قصتي ....زيمكن حد منكم يساعدني ... <img src="http://oasis.bindubai.com/emoticons/confused.gif" border="0" valign="absmiddle" alt='???'>
أنا بنت عمري 20 سنه ...جميله والحمدالله الله ..وبشهادة الجميع ..ولكن للأسف ..حظي دايما عاااااااااااااااثر وسيء ..
انا مشكلتي ..نفسيه وعاطفيه ...
نفسيه في اني دايما أحس اني محرومه من الحب ومن الحنان .....خصوصا بعد ما توفى ابوي الله يرحمه .......كنت ابا حد يعوض مكانه ..وخاصه ان امي ما كانت تعرف تحسسني بحبها لي <img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'>
بدت من هنا مشكلاتي العاطفيه ......
أول حب ... كنت صغيره ... وكان يهتم فيني بطريقه خلت كل الي وياي يحسووون ....كان يحبني بجنون ..وكنت ما اهتم .....واممممممم وطاح الفاس في الراس على قولتهم ..حبيته ..ونبت حبنا في قلوبنا وكبر ....ولكنه اصطدم بالواقع .. فأهلي لا يمكن يقبلونه ...وزاد الطين بله انه كان بشخصيه ضعيفه ..
فكـــرت وايد..ليش امشي في طريق ..ماله نهاية ..وليش اتم على علاقه بواحد وانا اعرف انا مستحيل نكون لبعض ....وان حبنا بيتم في الظلام ...وعمره ما بيطلع للنور.....حاولت اني ابتعد....
تعلمت على الكومبيوتر .....ودشيت الشات ..عشان اشغل وقتي وانسى ..لكن ..تأتي الرياح بما لاتشتهي السفن ..نسيته صح ...بس للأسف ..وقعت بحب أخر ..ولكنه هالمره مختلف ..قدر ينسيني الدنيا...قدر يثبتلي انه يحبني..
تعلقنا ببعض لدرجه قويه ..كنا نيلس بالساعات على الكومبيوتر بس عشان نسولف ويا بعض ...
وتطور الأمر للمحادثات هاتفيه ...الى ان اكتشف اخوي السالفه ....خفت ..وكنت متوقعه انه يتخلى عني ...او انه يتهرب ....ولكنه أثبتلي وأثبت لأهلي أنه صادق ...ويا وتقدم لي ...ولكن وللأسف .رفضوا أهلي ....وذلك بسبب المذاهب ..
نا متوقعين هالشىء .وكان مستعد يسوي اي شىء عشاني ...حتى انه كان مستعد يغير مذهبه .ولكن أهلي رفضوا الفكره من الأساس ..
وبدافع حبه ...وطيش الشباب ..خطرت في باله فكره جرحتني ..وهي اني اطلع وياه وبعدين اخبر اهلي اني طلعت وياه .......شفتوا التفكير ..كان يبا يجبرهم انهم يوافقون ...بس طبعا انا رفضت ...فقام يهددني انه يسويلهم سحر .اقصد اهلي ويسويلي انا بعد ....وكنت اصيييييييييح صيااااااح من الخوف كان كلامه يتردد في أذني (( انتي زوجتي وما بتكونين لحد غيري ))
ما عرفت شو اسوي ...كنت في حاله لا يعلم بها غي الله ...وفي يوم اتصل كالعاده وتم يعيد كلامه صحت وصحت والظاهر اني غمضته ...واعتذرلي , وترجييييته ووعدني انه يتركني اعيش حياتي ..وما بيضرني وما بيضر اهلي ..
تقدموا لخطبتي وايد ..بس انا ارفض الفكره ........تدرون ليش ...
انا مابا اخذ واحد ماعرفه......كيف اوصل هالشىء لأهلي الي ما اعتقد انهم بيفهمون انا شو اقصد ..والله انا مب لعابه ..او اني من هالبنات الي يبون يتسلون ...شو الحل ...
أنا مستحيل اخذ واحد ماعرف عنه شىء وما يعرف عني شىء ....كل الي جذبه فيني شكلي وجمالي .
ومستحيل احب مره ثانيه ..لاني خلاص تعقدت من الحب ......ما اقدر احب .....أخاف ..
وأهلي يزنووووووووون ...وانا محتاااااااااااره ......شو أسوي ......
كل ما يا واحد اقولهم ها اخوي .وها ما عيبني شكله .وها وها ...اتعلث بأي شىء عشان اقول لا ...
شو أسوي
رد مع اقتباس
مواقع النشر (المفضلة)