اتمنى تتجاوبون  معاي


هي هاي السالفه تخص ربيعتي


تقول انها لها صديقه مقربه وااايد ومن أهلها أظني بنت خالتها

المهم اثنينتهم تخرجوا ويدورون على وظيفه المهم ماخلوا مكان ما دقوا بابه

المهم تقول ربيعتي انا اخبرها عن طموحاتي وعن امالي عن ااوظيفه ولكن ربيعتها ابدا ما تبدي اي راي في الموضوع


المهم هي ربيعتي استمرت في انها تدور وتراكض والثانيه ابدا ما مهتمه ولا تقول الي في خاطرها

المهم ربيعتي شكت تقول ليش هي جيه مش مهتمه مع انها من البدايه معاها

فيوم سالتها انتي ليش ما تدورين وظيفه مثل  ما انا ادور وليش ما تتكلمين عن امالج
تقول لها لا عادي انا ما يهمني
قالت ربيعتي في خاطرها الظاهر ربيعتي ماشالله عليها مقتنعه بالي فيه اتمنت انها تكون مثلها  واستمرت هي تدور وظيفه لها ولربيعتها فيوم قالت لها عن مكان
في شواغر وتبغي منها تسير معاها قالت لها لا انا ما ابغي

المهم الوظيفه طارت وتعرفون السبب ...طبعا ما عندها واسطه

المفاجأه الي تفاجات فيها ربيعتي ان ربيعتها مسويه واسطه وبتشتغل وما قالت لها

فهي وصلها من مصادر مقربه باعتبار انهم من الاهل فيوم حاولت تبين لها انها عرفت ردت وانكرت وما بينت انها اشتغلت لين ما اتاكد الخبر ونذل اسمها

ربيعتي تقول انها بالفعل حست ان ربيعتها نذله والحين هي ميته قهر وما قادره تبارك لها للوظيفه تقول فيني غل فظيع من ناحيتها

يا ترى يا اخواني شو رايكم باالموقف ..خبروني عطووني اراكم يمكن ارائكم بتخفف عن ربيعتي شوي من  غلها ..مع انها تدعي ربي ان يبعد عنها الحقد والحسد

ومشكورين