موااااااااااااااقف
من دون ما اذكر الاسماء احتراما لاصحابها....
كنا مره طالعين شلة بنات ....بعد ما اظهرت نتيجة الثانويه العامه...ورحنا سنتر من السناتر
وكنا نتسوق
طبعا تعرفون وناسة مابعد الثنويه العامه...وطالعين شله حلوه...طبعا ظهرنا الصبح
لان السناتر بليل تفور من الشباب....ما علينا
دخلنا سوبرماركت كبير...تسوقنا ...اونا مسويات عمارنا خلاص ..كبرنا..
وطبعا كانت معظم المشتريات..العاب و ازهار وعطور وما شابه يعني..
لما ظهرنا من الماركت...كان الوقت داخل على غدا والمطاعم بعيده...وحده من الشله قالت انا باشتري اي سويت بناكلها على ما نوصل..وطاحت عيونها على الفراوله...وربعت صوبها وشرتها...
قلت لهم ما ينفع ناكلها الحين...الشباب بدو يكثرون..وتعليقاتهم بتنزل علينا...
ومشى الحال...وحنا في نص الدرب..وحده من الشله ظهرت حبة فراوله
وقالت انا باكلها...قلنا لها كيفج...وقفنا شويه على ما تغسل الحبه..
وحنا مشغولين بالحجي..وكانت واجفه اقبالنا..الحلوه كلت اول جزء من الفراوله..
وما نوعى لج الا واحد من الشباب المواطن ربع صوبنا ...وقال مالي شغل الا تعطوني فراوله انا ابي اكل فراوله....
تخيلوا......من وين ظهر هالمغفل...كيف تنتصرف...ما كان من الحلوه الا تطالع الشاب بنظرة غضب....ومن كثر ما عصبت..قالت له تف عليك...صج انك جليل حيا ...واحنا واجفين منذهلات مش عافين كيف نتصرف...

وبكل جرأه وقوة عين ابتسم في ويهها وقالها ...
اووووووووووه
ما كنت اعرف انج غجريه...مو جذيه يا حلوه البنات الرقيقات.. يقولن سوري ماعندنا .. ولو اني شايف انه عندكم..لكن يالله..

هذيج الساعه كل وحده منا قامت تتكركر على الموقف ..
الحلوه ازعلت....وما رضت تتغدى...وصاحت..
والشاب رجع من مكان ما يا...وربعه يضحكون وحن شوي بنصيح من الموقف..
( بنصيح من الضحك عـ ربيعتنا )
*********
<img src="http://oasis.bindubai.com/emoticons/xmas.gif" border="0" valign="absmiddle" alt=':max:'>
تخيلوووووووا<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>