هلا والله بشيختنا ...
اكثر المواقف عيبتني موقف الاخ باحث عن الحقيقه وسارا لونا ..
ابصراحه انا بخبركم عن ايّام الشباب موقف استوالي يوم كنت في الثانويه
كنت انا هاييج الايام مغتر لاني يايب درجات حلوة في الامتحانات الشهريه ف قلت خلني اغيب من المدرسه كمن يوم بسير احوط احسن لي .. وصدق سرت ثلاث ايام احوط في هالبلاد وما كنت اسير المدرسه وعقب هالثلاث ايام واحد من الربع اتصل بي وقال ان المدير يا ويدور عليك في الصف وقلنا له انه شارد وما يا المدرسه المهم انا قلت خلاص مدام السالفه وصلت عند المدير يعني لوغبت بعد كم يوم نفس العقوبه بتكون يعني مدام هي خايسه خايسه خلوني اكملها اسبوع .. المهم وعقب واحد من الربع اتصل بي وقال ان من قبل ثلاث ايام كانو حاطين اعلان على باب المدرسه وهو قرار بان اللي يغيب اسبوع متواصل بدون عذر يحرم من امتحانات اخر السنه .. المهم انا يوم قالو لي جيه مارمت ابلع ريجي من الزيغه ووالله ان احيد كان يوم الخميس بالليل وصلني الخبر وانا ياني اكتآب والله ما رمت ارقد بالليل كنت ارجف وانا في الفراش يعني خلاص بسقط عقب هالتعب ؟
المهم ويوم الجمعه الصبح اتصل بي واحد من ربعي وقال لي ان انا محروم من الامتحانات وانا قلت خلني اتأكد واتصلت في واحد ثاني وقال لي نفس الخبر والزيغه استوت زيغتين وقال لي لو ماتصدق اتصل بفلان واتصلت بالثالث بعد نفس الكلام قال لي ويلسوا يواسوني ويقولون حاول انكاتسير الوزاره واتييب ورقه من مدير المنطقه وما اعرف شو وجيه المهم .. يوم الجمعه المغرب رن التلفون شلته اسمع واحد مصري يتكلم
يقول لي انت فلان الفلاني ؟
قلت له هيه نعم
قال : انا اسف لانك انت من القايمه السوده المحرومين من الامتحان ووصلنا اسمك من يومين وحطيناك في القايمه ..
قلت له انزين يعني مافي امل ؟ ( وانا محمر شوي وبصيح ) <img src="http://oasis.bindubai.com/emoticons/sad.gif" border="0" valign="absmiddle" alt=':('>
قل اخوي انا ما اقدر اسوي شي انا اللي علي ابلغك يالله مع السلامه .. (ورقع التلفون في ويهي )
المهم انا رديت واتصلت به
وقلت له انزين حاول تساعدني يعني مافي اي ثغرات اقدر الاقي منها امل ؟
قال شوف اخوي انا ممكن اساعدك لانك بصراحه كسرت خاطري وان شالله بحاول اساعدك بس اخوي انت تعرف هالزمن شيلني واشيلك يعني كل شي بمقابل ..
المهم فهمت منه انه يبا رشوه واتفقت وياه عسب ازخه متلبس واهدده اذا ما شطب اسمي من القايمه ببلغ عليه <img src="http://oasis.bindubai.com/emoticons/devil.gif" border="0" valign="absmiddle" alt=':dev:'>
المهم وفي اخر الليل واحد من الربع غير هالاولاد اللي اتصلت بهم اتصل بي وقال لي ان المدير مسافر وشو رايك باجر مانسير المدرسه ؟ لان المدير مسافرمن اسبوع ؟
وانا استغربت قلت يعنني ربعي مسوين لي مقلت واتذكرت ان واحدمن ربعي يعرف يقلد صوت المصاروه ولهجتهم .. المهم عرفت انه مقلب ... وخبرتهم اني عرفت اللعبه ... وظحكو
انا عاد حطيت في بالي اني ارد لهم الصاع صاعين
وبعد اسبوعين سرت قلت لربعي شو رايكم انطقم كلنا نفس الشي بنلبس نفس الملابس وبنشل الشنب <img src="http://oasis.bindubai.com/emoticons/wink.gif" border="0" valign="absmiddle" alt=';)'> عسب نكون مميزين في المدرسه (( وطبعا منقود عندنا اللي يظرب الشنب موس ))
لكن انا لعب في مخهم واقنعتهم المهم يو بالبجر كلهم شالين الشنب اربعتهم ويوم شافوني انا مب حالق عرفو اني مسوي لهم مقلب وكان جريب العيد يعني وكتبت على باب الصف يوجد لدينا 4 تنازلو عن شنبهم الرجاء الدخول والقرض <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> وعاد استووو مظحكه في المدرسه وفي العيد ماظهرو من البيت لانهم بدون شنب ولين يومكم ها ملقبينهم ((شله with out shenab))
<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> ادري ان السالفه طويله بس ما انساها ...هققههقهقهقط
رد مع اقتباس
مواقع النشر (المفضلة)