يـــالقسوة الحيــاة أحيــانا.. و قسوة من نعيش معهم أحيانا أخرى... <img src="http://oasis.bindubai.com/emoticons/confused.gif" border="0" valign="absmiddle" alt='???'>
بــالرغم ممــا حدث لمنال.... و حبيب منال.. و ريل منــال ... و أهل منــال...
اسمحيلي بهالراي...
الأهل يتحرون دوم أنهم على صواب.. و نحن لأنا صغــار دوم الغلطانين... و بصـراحة .. يمكن أهل منال ظلموها يوم زوجوها بهالطريقة... بس منـال.. ما رفضت لأنها ( هي) ما تبا و موب هاينه عليها نفسها و موب راضيه عن انها تعرس بهالطريقـة ( لو منـال فكرت فيها بعيد عن القلب بيكون بكل تأكيد هذا هو السبب) ...
بس السبب الحقيقي ... أنها تحب و قلبها مشغول بواحد ثاني...
عفـــــوا..
بس منــال غلطـانة يوم فكــرت على هالأسـاس..لأسباب.. منها..
أن حبيب منـال أضعف مما هي متصـوره.. لأنه لو يحبها صدق.. ما بيشاركها ألم الموقف.. المفروض إنه يتخذ خطوة ..و القرار.. أتصور هذا هو اللي مفروض من الحبيب يسويه بهالحالات.. يتصرف و يسير يخطب أو يحاول يتفاهم ويا أهل منال أنه يباها.. ويتم على إصراره... بس سكوته ما حل الموقف... و لا لصيـاح حتى اللي بكل صراحة أتصوره موب من القلب
انزين .. يينـا لريل منـال..
بصراحة ظلمته...
أولا... حبها عماها.. و ما خلاها تشوف جوانب هالإنسان اللي مر بتجربة و فشل فيها و أتصور إنها تركت آثار بنفسه..
و منـال ما عطت عمرها أو ريلها فرصـة.. يمكن .. و عل و عسى .. أنها تشوف جوانبه الإنسانية.. و تغير نظرتها له
لو منــال كانت تبا تحافظ على بيتها .. المفروض تحاول .. توقف و يا هالإنسان.. و ما أعتقــد أنه حنان و حب منـال إذا كان صادق و من قلبهـا ... بيرده ريلها بتسلط ..
و بعـد... منـال رغم زواجها استمرت بمعرفة اللي تحبه.. هالشي بعد كان عائق كبيــر في سبيل حصول التفاهم أو الإنسجــام بين منـال و ريلها....
<span style='color:Purple'>و الحــــل</span> <img src="http://oasis.bindubai.com/emoticons/confused.gif" border="0" valign="absmiddle" alt='???'>
أول شي... منـال تقطع عـلاقتها بالأول..
ثاني شي.. تحـاول تصلح علاقتها بريلها.. كل شي بالطيبة و الإحسان بيستوي ..
و ما أعتقد الطـلاق هو الحل.. إلا إذا فعــلا حاولت , حاولت و حاولت و ما تغير شي..
ثالثا... في الأول و الأخير.. مالنا إلا أهلنا في هالدنيا.. لا ريل و لا حبيب ..
آسفــــة.. إذا مصختهــا.. و شكـــرا على الثقــة
أتمنــــى فعــلا أكــون ساعدت بشي..
يتــم مجرد راي... <img src="http://oasis.bindubai.com/emoticons/confused.gif" border="0" valign="absmiddle" alt='???'>
رد مع اقتباس
مواقع النشر (المفضلة)