<span style='color:Maroon'>مرحبا اخواني ....الموضوع هذا كتبه اخونا</span>..<span style='color:Blue'>الباحث عن الحقيقه</span>...<span style='color:Maroon'>ووصاني اني اعرضه عليكم...وهو اخر ماكتبه لكم .......</span>.....
القطاو يقولن مياو
السلام عليكم اخواني ، امس البارحه وانا يالس على الكنبه افكر شو اكتب للربع اليوم من مواضيع عشان احطه في الواحات يبت اقلامي ودفتري ، لاني في البدايه احب اجمع افكاري بعدين ابيضهم في الكمبيوتر، وانا يالس يت ويلست عدالي هي متعوده دوم تيلس وياي وانا اكتب تتطالعني ، صراحه اليوم ما عارف شو اكتب القريحه تعبانه بالي مشغول ، وانا افكر قالت لي بلاك ..... ما عارف تكتب اليوم صراحه زغت قلت في خاطري اوووه الظاهر انا تعبان وايد ، وطنشت مره ثانيه قالت لي نفس الكلام عاد هاي المره قمت ادوره وين طاح ، قلبي من الخوف قالت هيه انت صاحي مب نايم ..... ايوه انا اكلمك وابيك توصل كلامي حق ربعك في الواحات يمكن يقدروا يساعدوا
قلت انا في خاطري... يني اكيد هذا، شي قطوه تتكلم!!! هيه قطوه هاي قطوتي قطوه شيرازيه هي صديقتي الوحيده قالت لي لا تخاف انا مب ينيه انا قطوتك بس ابيك تساعدني ، تشجعت انا وقلتلها: امريني شو تبين قالت زين اسمعني ووصل هاي الرساله حق الناس لاني ما اروم اكلم غيرك لانك انسان تحب الحيوانات وايد وقلبك طيب قلتلها زين هاتي شو تبين قالت لي ..... عاد الحين بخليكم وياها وبردلكم بعدين .
بشكيلك بالنيابه عن ربعي القطاو ليش دوم مدعومين في الشارع اشوفهم ، مب حرام خبرني قلتلها حرام والله بس الناس ما يهتموا قالت لي تعرف ليش انا اقولك لان القطوه يوم بتدعمها ما بتنجلب السياره عليك شرات البعير ولا الحمار القطوه بتخطف فوقها تقول خاطف على قوطي بيبسي والقطوه ما عليها فلوس غرامه يعني الواحد يقول في خاطره اضرب بريك عاد حق قطوه هذا الي ناقص النفاد يا كثرهن في الشارع اييبن الوساخه بس واسحت تواير سيارتي توني مبدلنهم ، ولا غيره يقول هي الي يت تحت التاير مب انا الي سرت الها ودعمتها شو يابها في الشارع ، عاد خبروني منوا الي فيه العقل انت الانسان ولا نحن القطاو يعني لو شفت ياهل في الشارع غفلوا عنه اهله بتدعمه ما اضني المسئله فيها سجن وغرامه وعوار راس اما احنا القطاو ما حد بيحاتي تراها الا قطوه اقول يا ناس القطوه مب كائن حي خلقه رب العالمين وايله حقوق في هاي الدنيا يعني ربك بيحاسبك اذا دعمت قطوه حالها حال الانسان انتوا المسلمين ما تهتموا فينا احن القطاو شوفوا الكفار كيف مهتمين احنا ما نطالبكم تسووا مثلهم بس نقول الواحد يحاتي ويخاف ربه يعني يوم بيشوف قطوه فـ الشارع يلز عنها ياخي ولا يضرب بريك ، بيقولوا ياخي يطلعن فجأه ما نواحي ونخاف اذا ضربنا بريك ننقلب لا تواحوا يعني لو كنت مسرع وشفت رادار متحرك بتضرب بريك ولا بتقول اخاف انقلب لا بتظرب بريك اكيد المسأله فيها فلوس اقول يا ناس خافوا ربكم ترى والله يسألكم عن الارواح الي تزهقوها كل يوم والي يغيض بعد زين ياخي يوم بتدعم قطوه طلعها من الشارع لا منو انزل واطلعها واوسخ نفسي ليش بعد خلها تولي ياخي ، وتيلس في الشارع والكل يخطف عليها تقول كيسه ولا وساخه مب كائن من دم ولحم وهذا الي عندي وسامحوني عاد بس من الي اشوفه دوم.
مررررررررحبا اه شو رايكم في كلام قطوتي صح ولا لأ واذا كنتوا موافقين شو رايكم وشو الخطوه الي بتسووها عشان نساعد لقطاو ترى الانسان مسؤول عن كل شي يوم القيامه صغيره وكبيره وسامحوني انا وقطوتي .
أخوكم: الباحث عن الحقيقه
<span style='color:Maroon'>هذا هو موضوع اخونا</span><span style='color:Blue'>الباحث عن الحقيقه</span>.....
<span style='color:Maroon'>بصراحه لاأعلم لماذا طلب مني أنا بالذات هذا الشي.....ولاأعرف لماذا ينتوي الرحيل........ماأعرفه أن الباحث...جاء إلينا ليبحث عن الحقيقه.....ثم انسحب بهدوء....لماذ؟؟؟؟؟</span>
ألم يجد ضالته ( <span style='color:Blue'>الحقيقه</span> ) بيننا؟؟؟.....
ألم يجد من يتفهم بحثه عن هذه الحقيقه الضاله؟؟؟؟؟.....
هل ســــــدّت الأبواب في وجهه ؟؟؟؟.......
أسئلة ٌ كثيره لا أجد الإجابة عليها ......ولاأجد التفسير لرحيل الباحث عنا.....
ولكن تبقى الذكرى......ذكرى ذلك <span style='color:Blue'>البــــاحث عن الحقيقه</span>.....الذي رحــــــــــل.....
.... ليواصل بحثه عن الحقيقه في مكان ٍ آخـــــــــــــــر........
<span style='color:Purple'>وداعــــــــــ اً أخي الباحث عن الحقيقه</span>
اخوك <span style='color:Green'>الحنش</span>
رد مع اقتباس
'> <span style='color:Green'>لازم بصراحه الدوله تغرمهم عشان على الأقل يحسون بقيمه وأهميه هالمسأله ....</span>
مواقع النشر (المفضلة)