أخوي خنفروووش ..

أنا يمكن ما أقدر أصنف واحة الفضفضة تحت أي تصنيف لكنها تمثل صورة معينة في بالي ...

أتخيلها مثل صديق السفر اللي عمرك ما شفته ولا عرفته من قبل .. وأنت في سفرة طويلة تمتد لساعات أو أيام .. مسافر لوحدك ومعك فكرك ومشاعرك المتخابطة داخل نفسك .. مد وجزر .. مشاعر على مشاكل على أفكار على آمال .. وضع مختلطة فيه كل الأزمان وكل الأماكن ..

ومن ضمن السفر تلقى شخص يجلس بجوارك يحمل في نفسه مشاعر إنسانية أكيد تختلف عن مشاعرك وأسلوب تفكيرك .. إنسان أول مرة تشوفه .. تميل له نفسك وتريد تتجاذب معاه حديث النفس المتخبطة ..

وكلمة ورا كلمة طلعت كل أو جزء من اللي في خاطرك ولقيت اللي يسمعك ويناقشك .. وهو طلع اللي في خاطره ولقاك الشخص اللي تسمعه وتناقشه .. وبعد ما شارفت الرحلة على الانتهاء .. فضل كل شخص في داخله إنها تكون مجرد صداقة سفر وتنتهي للأبد .. وآخر شي بينكم إنكم سلمتوا على بعض بحرارة وافترقتوا وكل واحد يحمل مشاعر غريبة تجاه الآخر وتجاه القدر اللي جمعكم ..

دارت الأحاديث في المشاعر وفي المشاكل وفي الأفكار وفي الحياة وفي الممات وما بعد الممات .. وكانت هذي في النهاية هي الفضفضة ..

والسموحة منكم <img src="http://oasis.bindubai.com/emoticons/xmas.gif" border="0" valign="absmiddle" alt=':max:'>