<font color='#000000'><p align=center><font color=#9999cc>مستر استايل
صباح الوفا اخي

شو ها الموسيقى الحلوه اخي
فعلا اللمسات الخارجيه في الموضوع لها استايل وتاثير

مدري ليش
<font color=#996600>وانا اقرا فضفضتك رجعت للمرحله الابتدائيه
كاني اشوف الموقف جدامي
انامل صغيره
مع بنات الصف
بغرفة الفنيه
كنت من الطالبات المتفوقات
جدا خجوله
احب حصة الفنيه
لانه بالالوان والرسم كنت اتكلم
مره
كانت الابله المصريه اللي تحبنا كلنا تعلمنا التشكيل بالصلصال
يعني نرسم على كرتون رسمه ونشكل ونلون ها الرسمه بالصلصال
رسمتي كانت حلوه علقتها الابله على جدار الصف
كنت ادخل واشوفها وافرح من خاطري
اربيعتي ما كانت تعرف تتحكم بالصلصال
طلبت مساعدتي
وايام الطفوله كانت كلها محبه وتعاون


</font>يلست اساعدها واعلمها
ذاك اليوم الابله كانت معصبه
شافتني من بعيد وعصبت لانه كنت اساعد البنت

مدري ليش وبلا شعور
ضربتني حيل على ظهري
كاني احس بالضربه الحين
صدقني يا خوي ما صرخت ولا تالمت جدامها
بس دموعي كانت تنزل بصمت
واقول في نفسي
<font color=#996600>ليش ضربتني الابله
اثر ايدها علم على ظهري يوم كامل
ثاني يوم
كانت الابله تنتظرني
ونادتني
</font>حضنتني حيل
واعتذرت مني
عطتني حلاوه وقالت
اسفه يا بنتي
انا غلطت
<img src="http://oasis.bindubai.com/emoticons/down.gif" border=0>
اول مره اشوف حد كبير يعتذر لصغير
كبرت بعيني الابله
رغم اني ما خطيت
وما زلت اذكر ها الموقف اللي انتعش من جديد عقب قراية فضفضتك
كانت اول واخر مره انضرب فيها

ياليت المدرس او الابله
يفكرون زين قبل الضرب
<img src="http://oasis.bindubai.com/emoticons/down.gif" border=0>
وانه ها العقاب يمكن ياثر في نفس الطفل طول العمر


انا اكيده في طرق افيد من الضرب خاصه بها الزمن ومع هذا الجيل

سامحني ع الاطاله
مودتي<img src="http://oasis.bindubai.com/emoticons/fa33.gif" border=0></font></p></font>