مطعم وكوفي يستاهل ينسار له

[تحفه]

الحمدللللللله اني تشبعت من كرم بيروت والثاني الي دوم ناكل في السوشي بس اخويا اكتشف انهم يبيعون خمر وطبعا حرام تاكلون في مكان يبيع خمر للاسف لول استغفر الله اعوذ من الشيطان لووووول

[شوق القلوب]

صدق.. ؟
انا من قبل يوم كنا انمر عليهم كنت اقولهم شكل المكان شبهه..!

[تحفه]

والله تدرين انا وايد انحبطت يوم اكتشفت انه مايووز نقعد وناكل فيه .. وبالعكس المكان مافيه شبهه وايد حلو يشرح النفس مافيه كباين مثلا لوول .. بس السالفه انهم يبيعون خمر .. بتعرفين لان عندهم قعده البار على زاويه بس في كرم بيروت اول ماتدخلين


قبل لا نكتشف كنا نشوف عرب او يعني مسلمين يدشون يطالعون ومرات يصورون منظر السكيي ويظهرون .. كنا نتحسب في البدايه ان المكان غالي عليهم بس بعد ما عرفنا سالفه الخمر اكتشفنا الحقيييييقه المررره

[شوق القلوب]

شو الاكلات الحلوه في جابينغو...؟؟

مستويه دوم اسيرلهم.. يعني هو الاختيار الوحيد اللي يصادفنا وقت اليوع ..

للحين جربت عندهم club ساندويتش.. وهالشي اللي لين الحين عايبني.. مع ليمون وذ منت..

و جربت عندهم البرجر.. ماعيبني.. و شي من الصحون اللبنانيه.. ما اذكر شو .. لاني مب انا اللي طالبتنه .. بس المهم مب حلو بعد..

[ذنـيـنـي]

شوق القلوب هاك كرم اكسبرس
ماله علاقة بـ كرم بيروت


تحفة بصراحه مب متأكد من موضوع الخمر اذا حرام ايلس هناك ولا لا
لأنه في ناس قالوا حرام ايلس ويا ناس على نفس الطاولة
و في ناس قالوا حرام ايلس في المكان نفسه

بحاول أتأكد من الموضوع


المحل الي حذاله مال السلمون
يسوي سوشي بعد


هالمطعم وااااااااااااااااايد يعيبني
دوم اطلب عندهم سلمون مشوي مع باستا بالوايت سوس
اكلهم لذيذ "جدا" لو كنتوا من محبين السلمون

[شمعة أمل]

أنا أشوف دعايات taco bell كل مكان.. بس وين مكانه؟

[المزوحي]

اظن بيكون في دبي مول

[شوق القلوب]

محد رد علي :(

شو يعيبكم في جابينغوووو... ؟؟

[المزوحي]

جابينغو انا يوم سرت له طلبت باستا الفريدو وكانت أوكي وماطلبت شي ثاني ...

[صريح]

شوووق


جابينغوو

1 - كلمااري
2 - alfredo pasta
3 - club ساندوج
4 - steak

و السوشي لاباس به .. بس ما ايي شي صووب yo sushi

[شوق القلوب]

المزوحــــــــــــي...

عيل اتقولي باستا... عيل ان شاء الله بنجربها.. :)


..


صــــــــــــــــــريـــح ..

يا اخي انت انسان طيب.. ادريبك ما تبا اتزعلني..

لا الله يخليك.. خلينا بعييييييييييد عن السوشي.. يوم الواحد يوعان ما وده يطلب شي و يطلع
خلنا في السليم و ع الـ club ساندويج احسن

[ذنـيـنـي]

شوق القلوب اسمحيلي ما شفت ردج
ولا تدريبي في سوالف الاكل دوم زاهب p=


في جابينغو عندهم اكلة وايد تعيبني بس ما اعرف اسمها
لكن يوم اشوفها في المنيو اعرف اسمها

هي عبارة عن عيش
و ايي وياه مثل سلة مصنوعه من البطاط و فيها دياي او لحم او سيفود
تختارين الي تبغينه مع الصلصة الي تبغينها و يطبخولج اياه و يحطونه في هالسلة

بالنسبة لي احب اطلب الدياي مع صلصة اسمها شيوان

هذا بالنسبة لهاي الاكلة



بالنسبة للباستا

اشوف الالفريدو مالتهم واايد ثجيلة بس في نفس الوقت طعمها اوكي
تحسيبها كريميه من الخاطر لول

يوم اخذ من عندهم باستا عادة ً اخذ بيني "ارابياتا" و هي عبارة عن باستا مع صلصة طماط خاصة و تكون سبايسي
لو تحبين الاطباق الحاره بتعيبج هالباستا

الأربياتا مب موجوده في المنيو


عندك الفيش كيك بعد لذيذ كـ ستارتر
على نفس طيحة الكلاماري

[شمعة أمل]

Ruby Tuesday ..

موووول ما كان حلووو!!!! انصدمـت.. مع انه كنا نسيرله في امريكا وكان حلوو حق برغر وجي :s

البرغر مافيه طعم.. والأكل مب مطبوخ عدل.. مثلا الجييز ستكس نصهم باردات :s

الشي الوحيد الى كان يمي هو الفراايز :s

[شمعة أمل]

le pain في JBR
حبيت الكافيه لاتيه مالهم.. طعمه حلوو.. بس الى ماعيبني انه يحطون مشروباتهم في مله

وبعد البراوني مالهم كان حلوووو :)


امي استغربت يوم قلتلها حلوو لانه الى امارات مول يقولون بايخ ومب شي

[ذنـيـنـي]

شمعة انا كنت وايد متحمس لـ Ruby Tuesday
من شفت اعلانهم و هو في خاطري بس ما حصلتلي فرصة اني اسيرله

انزين شو الشي السبيشل عندهم ؟