ماكاروني جريل في فيستفال سيتي
من كثر ما مدحولي اياه سرتله الاسبوع الي طاف ويا ربعي و عقبها بيومين وديت الوالده ربي يحفظها و اخواني الصغار و اليوم الي عقبه ربيعي عزمني عليه لول

اول مره اوني محافظ على الرجيم و طلبت سلطه
ثاني مره طلبت اكله فنانه بس ما بتعيب اي حد
جي مثل دياي مشواي و فوقه مشروم و جبن
و يقدمونه مع باستا صغيييييييييره شكلها شرات العيش و على فكره انا كنت اتحراها عيش و اقول في خاطري هالعيش شكله غريب و طعمه مب طعم عيش لول و فيه ورق سبانخ فريش
و آخر مره صدق خيستها و طلبت التريبل بليت مالهم و بيتزا و قلت اهم شي راحة الانسان النفسية و خل الرجيم يولي لول