مطعم وكوفي يستاهل ينسار له

[المزوحي]

مشكورين ياجماعة الخير .. ماتقصرون .. وعااااد شمعة امل تسلمين يالطيبة .. على لستة المطاعم ويبالنا لستة الأكل :kcl:

في اشياء مجربنها وفي اشياء ماحب اجربها .. مثل الاكل الياباني والمندي ...
اما جابينغو .. أكله حلو وانا مجرب اللي في مول الإمارات والستي ووافي .. لكن ماسرت اللي في بالم سترب ... بس شمعة أمل مصاخه الكولا بودرهم عندهم بعشر :hist:

المهم .. جيلاتو الايطالي مب شرات أول :narr:

مطعم بول اللي في برجمان وميركاتو كذا مره سرت له .. أكلهم مب لين هناك ... ولا الكيك ...
بالنسبة للكوفي .. مادري وايدين يدمنون ستار بكس .. لكن ماعيبني .. إلا إذا كنت مضطر ..
كوستا بعد مب شي ... بالنسبة للكوفي اللي اوكي ذا تي ليف اند كوفي بين اللي في شارع جميرا شي 2 منه وشي في مول الإمارات ... وصحارى ..وشي كوفي غلوريا جينز في برجمان والريف مول هذا أوكي
لكن كوفي على مستوى هافانا ... مول الإمارات وشي في الستي .. برجمان ....

لكن ايطالين كونيكشن هو اللي في شارع زعبيل ؟؟؟

كوكوز مب لين هناك وتشيليز سرت له يمكن 5 مرات لكن شو تطلبون من عنده ؟؟؟
مطعم مور .. سرت له مره اللي في القرهود ..

بيلا دونا اللي في ميركاتو سرت له تقريبا 7 مرات اللي في الستي ماسرت له

جازيبو مطعم هندي في بن سوقات سرت له 3 مرات .. زين ..
دوم كافيه ماعيبني ...

ناندوز جربته مره ... ابل بييز مره .. اولفز هاوس مره .. شارع الشيخ زايد
شكسبير سرت له مرتين ..

[قصايد غلا]

أنا يعيبني تشيليز
البر والبحر في البحيره (من يوم نحن صغار في الابتدائيه نسيره) :ice:
لاغوفريت في الستي
قصر الهنــــــــد يعيبني وااااااااايــــد :kcl:
وكوفي شوب في وافي (يوم بذكر اسمه بخبرك عنه) ===> أتخبل عليــــــــــه بسبة الكيكه مالتهم لذيذه بمعنى الكلمة ، ودي آكل 5 منهن لكن أكل 1 وتلوع جبدي brgll: ...

[لمّــاح]

السلام عليكم ..

من فتره جربنا مطعم يديد اسمه Maxine ... في جميرا ...:ice:

زين اكلهم و موقعهم حلو و المطعم سمبل و هادي ..

يبالكم اتجربونه ..

[المزوحي]

قصايد غلا

تشليز كل مره ادخله انتشعم من اكلهم .. مادري ..

لاغوفريت زين ..

[المزوحي]

لماح وين في جميرا .. أنا اللي اسير له الإجازة :)

[قصايد غلا]

قصايد غلا

تشليز كل مره ادخله انتشعم من اكلهم .. مادري ..

لاغوفريت زين ..

هههههههههههههههه صح كلامك أكلهم وااااايد دسم ويثجّل عالجبد :hist:

أنا بالنسبه لي مستحيــل آكل اللي طلبته بروحي أو بالأصح آكل منه شويه والباجي ما أكمله لأني مب مستعده أجتل عمري خاصه إنه أكلهم واااااااااااااااااااايد وايد ثجيل
مرة كنا سايرين أنا وبنت عموه وربيعاتها تشيليز ومن بين اللي طلبناه "مشروم جاك" شي جذه إسمه بس بعد حلو طعمه لكن تبا لك حد يعاونك عليهbrgll:

و إذا طلبت الــتشكن كريسبس خذ الصغير لا تاخذ العود حتى الــسيزر سالاد

بس كيكتهم اللي بالـchocolate (وعليها آيس كريم) يمـــي يمـــي لذيــــــــذه أحبها بس بعد تبا لك حد ياكلها وياك ...

[المزوحي]

البارحة كنت في تشيليز وطلبت بس سيزر سلط ... بغيت اطلب شي ماقدرت ... شبعت من كثر ما اترياا

واااااااااااااااااااااااااااايد زحمة

[هزاايم]

:nono: مستحيل آكل من شيليز,,دوم حظي انا اتسممم واطيح بالمستشفى تعقدت:no0:

أوكيك
الموضوع ترتووبي وحلوو الصرااحه عجبنيه
عني انا احب الأكل الحار
جازيبو"شي بشاارع شيخ زاايد وبن سوقاات"
ونوااب"إلي بالجميرا بلازا "
أكلهم ماعليه كلام لكن نوااب لو ناوي تقعد به ترى أقولك صغيروون المكان يعني تاخذ بارسل احسن والأردوو اييب شغله معااهم تحصل أكلك شي شي موب اي شي

وعن الكوفي
امممم شي قوديز كوفي ومطعم"غيرواا اسمه مدري وش سمووه"
واممم كوفي بواافي تاابع لقوداايفر شو كان اسمه مااحيده اظني سيكافريدوو


والجمااعه ماقصرووا
نياهاهاها انا شغل المطااعم بالسفر,,إهناا يا الله تطلع رووحنا حتى نااكل من برع
وصح كرك الممزر أحلى كرك ويا صمون جبن وشبس عماان عالسريع لووول

[المزوحي]

هزاايم كرك الممزر اونه هههههههه

جوديز نعم في وافي مجرد غيروا الاسم ..

نواب شفته لكن ماجربت اكله

جازيبو جربته وزين

[تحفه]

Ladure <3

[المزوحي]

وين بعد هذا بوظبي ؟؟؟

[تحفه]

بصراحه انا اكثر الاماكن الي احبها هي Lenotre على نفس طريج شاطئ جميرا ( افففففففففف لازم اتيربوووونه )

و Laduree ما عندنا اياه .. ياريت لو يفتحونه والله ,, هو في لندن وجنيف وباريس

وقبل رمضان كنت احب اتريق من خبز جبن يسوونه في دكان كجره في الجافليه وناخذ جاي كرك من السطوه .. هو اصلا بدرهمين بس نحنا مره كنا فاضيات وكاسرنا الهندي وخذنا بربه ونص هيهيهيهيييييييييي

احلى خبز في الامارات هو خبز ( الريف بس يوم يكون حار وتوهه فرشش ) + سبنس وهو نفسه الي ستار بكس يستخدمه و وكل انواع المعجنات والاخباز الي في فندق نادي ضباط بوظبي

جربو aran cafe في الستي سنتر مجابل محل اسمه جواد اول ما فتح كنت احب اسيره لانه مافيه ماكان فيه عرب ..بس الحين اكيد صار بايخ ( اكره حشرة الشباب المواطنين ) غجررر

احب بوضا بار في لبنان وباريس وااااااااااااااايدددد .. ليش ما يفتوحنه عندنا !!

احلى دسرت .. دسرت في نطعم جشن الهندي على شارع الشيخ زايد ( إتي طويله جنها موزه ) وتكون حلاوه على ايس كريم / تذذذذذذذذببببببببببببححححححننننيييييييي
حتا يوم اسيره .. اطلب حق عمري وما اخلي حد ياكل من مالي ( ادري مفجوعه بس ما انلام صراحه لذيذ ) ..أللـــــــــــــه .. يعت ..

البنات يحبون اجواء Shakespeare معنه اكله مب لين هاذاكي الزود

يوم ما ابا اثجل اسير olieve حذاله ستاربكس ( ع شارع بابا زايد الله يرحمه ) .. اكله صحي ويممممممممميه طازج ومفيييد

محار جراند حياه فرششششش

وفي وافي بابا يحب مطعم اكل بحري .. لذذذذذذذييييييييييييييييذذذذ وحتا يوم قلت حق استاذنا حباااه
بس لا تروحوون بنفسكم لأن المكان اييب شبهه .. عادي يعني they serve wine


وفي الاخير احلى ريوووق بيت هو ريوق بيت يدوتي في بوظبي الله يحفظها حقي يا رب

واحلى مجبوس + برياني زبيدي + برياني ربيان + افكادو + كيك + عصير برتغال + سمبوسه سبايسي + آجارات + اكل مكسيكي و ورق عنب هو من انتاج بيتنا

احلى مهياوه يسوونها في الامارات يقولون انها مهياوة بيت قوم خالي ( الي تسويها ام مرت خالي )

أحلى سندويجة دياي بنت عمتي تسويها

وبس

[المزوحي]

بوظبي .. Lenotre يبالنا نجربه وحتى من أيام شفت كوفي أو شيشة في جميرا مادري اظن اسمها shu أوشي جيه ...
وايد زحمة ..

aran cafe في قسم ( بن هندي ) في كذا كوفي بعد ..

شيكسبير .. سرت له مرتين لكن ماعيبني أكله .. و olieve جربته مره .. زين

وعلى الاكلات الثانية اعزمينا عندكم .. يوعتيني

[تحفه]

هيه shu حلو .. البارحه سرت له اول ما تفطرنا كان فاضي .. شربنا جاي وحلينا هناك XD

[المزوحي]

شو نوعيته ؟؟