مطعم وكوفي يستاهل ينسار له

[المزوحي]

انا حدي التمبروا

[مايهزك ريح]

^


اذا انته تاكل سيفود .. فاتوقع عادي بيعيبك
جرب الاشياء المألوفه عندك ربيان / قباقيب / تونا / خضرة

وايد ناس في بالهم انه شرط يكون الاكل ني،
و عسب جيه ما يفكرون يجربون السوشي

بس من يجربونه يعيبهم و يدمنونه


هالمطاعم التوب فالبلاد للسوشي

في دبي عندك:

Nobu - اتلاتنس
Zuma - مركز دبي المالي
Manga Sushi - شارع جميرا

في بوظبي:

Kazu - فندق ياس

خليته في خاطري ..
طلعت من الدوام سيده على Manga Sushi

طلبت 3 انواع .. عيبوني اول ثنينه وشكلي صدق بدمن عليه ..

OTAKU هذا روووعه
Spider رهيب
California Roll طلبته يكون مطبوخ .. طلع يعني..
طعمه مقبول ما عيبني وايد .. بس الرضيعه قضت عليه شكله عيبها ..يمكن عشان كانو حاطين عليه Souce .. مستوي سبايسي .. مادري ^_^!!

سألت ربيعي بعد قالي لو طلبت chicken dumpling بعد فنان .. بس جد طلعت ..
برد مره ثانيه .. وبجرب اللي قالي عليه بعد




ومشكور يا صريح .. شجعتني اجرب السوشي

[مايهزك ريح]

اول ما رديت من السفر عزموني على ريوق في ايرك قيصر .. في دبي مول .. ريوقهم غاوي .. وتغيير عن PAUL .. !

[المزوحي]

صح ريوقهم غاوي ، جربته، وشفت فرع له في دبي مارينا مول

[مايهزك ريح]

انا وانته نفس الذوق تقريبا .. اللي يعيبك يعيبني ..

[رمــش الغـــلا]

انا ما كنت من محبي السوشي

بس عقب ما جربته قمت ما احب الا انواع معينة
واحلى شي اللي يكون بالجيكن في يو سوشي ..
وجربت اوتاكو من مانغا سوشي ما عيبني وايد لول ..!

[صريح]

بو سلطـان


كم يسوى ذيل الربيانه و هو طالع من الـ Otaku لوول

و هني و عافية

::
:


PF Changs

مطعم صيني ما يتفوت

ستي مردف

[قصايد غلا]

^ حلو هالمطعم الصيني مع إني مب من محبي الأكل الصيني
===========

حبيييت أكل PF Changs
حتى أميه اللي ما اييوز لها شي ، عيبها

[ذنـيـنـي]

ruths chris steakhouse

في فندق مونارج اول شارع الشيخ زايد
حلو اذا عندكم عشاء خاص

كـ ستارتر انصح بـ crabtini و/او sizzlin blue crabcake




http://www.ruthschris.ae/Appetizers-Soups.aspx



الاطباق الجانبية مع الستيك متعدده, الماشد بوتيتو مالهم فنان
و اكثر شي عيبني البروكلي مع الجبن و الاسبارغس اظني يسمونه بالعربي هليون






و بالنسبة للحلو الجيز كيك مالهم خيالي


الاسعار شوي غالية, عشاء لشخصين يتضمن ستارتر و مين كورس و حلو بيطلع في حدود ٨٠٠-٩٠٠

[دمعة شوق]

2_Jeans%20Cafe.jpg


شـو بآلعـآده تطلبون من جلوريآ جينز
آخر مره طلبت عندهم آظني كبتشينو ماكان ذاك الزود


وللاسف الجامعة مافتحت لنا ستآربكس في الحرم اليـديد فـ فتحـوا جلوريـآآ


شو الاشياء الحلوة اللي عندهم ؟!

[شوق القلوب]

حد جرب شي من المطاعم اليديده اللي في مردف سيتي سنتر

[ذنـيـنـي]

دمعة شوق
هي مسألة ذوق شخصي
يعني لو انا و مجموعة انسان بنجاوبج, بنقولج الاسبرسو احسن شي
يمكن غيرنا يقول الهوت جوكلت احسن شي لأنه ما يحب القهوة

فـ انتي شوفي شو الي تحبينه و خذيه ^^

[ذنـيـنـي]

شوق القلوب

ظهر الخير و البركه ^^


جربت المطعم الصيني الي ذكروه فوق, وايد حلو اكله
يسوون فاصوليا مقلايه مثل الفرنش فرايز, وايد فنانه
و عندهم ستارتر فنان اسمه DYNAMITE SHRIMP عباره عن ربيان شوي سبايسي يحطونه ويا السوس ماله في كوب

و جربت المطعم الهندي الي فوق, اسمه زافران (بالعربي زعفران) و كان حلو اكله, هندي بس من النوع الاليف, مب متروس بهارات
زين بس بالنسبه لي افضل قصر الهند و جازيبو

بس هو زين يعني عادي اسيرله مره ثانيه


و شي مطعم برغر موجود في ابتاون مردف و في الفستفال و بعد موجود في سيتي مردف
اسمه GBK غورميه برغر كيجن
برغراتهم وايد هاي كواليتي و الفرنش فرايز عندهم شي رهيب جدا

[دمعة شوق]

المشكلة يا ذنيني جربت كمن شـي
يآلله بجرب آلأسبرسو بمآ آني آحب شـي آسمه قهوة
^^
ثآنـكس خويـه

[مــهــابه]

^
دمعه :

آنتي شرآتي تتحسفين على الآيام الخواليّه لوول ..


آنا جربت الكابتشينو مالهم بـعد ماحبيتها وايد ، بس تفي بالغرض ، ولأن الآي تي قريب مني ف قبل أول كلاس اخطف اخذ كابتشينو وآروح

الاسبريسو >< قـهوه وانا ماحب القهوووه موووليه

مثل ماقال ذنيني مسأله ذوق وبما انج تـحبين القهوه جّربي =p