مطعم وكوفي يستاهل ينسار له

**صريح** · 30-12-08 ||, 08:48 AM

Ruby's tuesday

عيبني الستييك مالهم

**شمعة أمل** · 30-12-08 ||, 10:54 AM

تحفه
انا لازم أعترف
ذوقج عكسيييي تمامااااااااااااا

يوم طريتي عن آتلانتس وانه حلو وجييه.. قلت في خاطري تراه الا نفس شقر داديزز كلحد يمدحه وطلع أعع.. عفب حطيتي صوره!! سبحان الله لول

ذوقنا عكسسسسسسسسس بعض وااااااااااااايد توني الاحظ هالشي!

يعني شوفي اتلانتس.. أبويه ماكان طايع يودنيا يوقولنا أعع كجره مب حلو
بس انا أشوف في الـ blogs يمدحونه
ويوم سرنا... كان أععععععععع.
ويوم قلت لربيعاتي اني سرت وانصدمت قالولي تو الناس المكان اععع
لانه ماتحسين نفسج في فندق خمس نجوم.. جنج سايره ديزني لاند موجود كل انواع البشر هناك
لوعو بجبودنا
غير انه زحمممممممه.. على شو مادري.. كان كجره المكان
وربيع أبويه من روسيا كانت مرته سايره هالحديقه المائيه مالتهم.. جان يسرقون شنطتها وكل شي حتى فودتها!!! وتقول في الchanging rooms لازم تزقرين حرمه تيي تفجلج الباب.. لانه ماشي مقبض داخل بس شي مقبض برع O_o

هذا معناته كل الcheapos والحراميه يسيرون هناك

شو تبيبه أتلانتس .. بيسرقون فشارج

وعن شقر داديز بعد ماعيبني
كان over-sweet والكبكيييز جنه مال بيت.. ومب مسوينهم عدل لانهم مب fluffy ..
Kitsch < شي جي اسمه كان أحلى عن شقر داديييز وخدمتهم بعد أحسن.. أول مره اتعامل ويا حريم لبنانيات عسولات في دبي

**تحفه** · 30-12-08 ||, 11:17 PM

المشاركة الأصلية كتبت بواسطة بنت الدلع

^ ههههههههههههههههههههههههه هههههههههههههههه
مااااا اتخيييييييييييييييييييييي يييييييييل

جان يبتي ملح ورشيتي عليييه p=

انا الي شفتهم كانوا رياييل يعني مابلاهم شي بس شو هالحركات الماصخه في الاماكن العامه

لووووووول بنت الدلع انتي كووووول!!! حلللللوه سالفه الملح

هاذيج الحزه الصدمه كانت واصله نفوخي على قوله المصريييييييين

المشاركة الأصلية كتبت بواسطة مجموعة إنسان

كنت بكتب شي بس تذكرت انه محضووور ههههههههه
في شي اليوم سمعته ,,
وحده من الجاليات المنتشره عدنا في بوظبي ربيعهااا سوالها حفله عيد ميلادها في مرقص من المراقص
كلفت الحفله 70 الف درهم لاغير
والحفله بس مخصصه للبنات والشباب من بعد موافقه صاحب الحفله
ههههههههه
في احصائية اليوم طلعت
عدد المواطنين 700 ألف
وعدد الوافدين 7 مليون

وعلى هذا ثلاث ترباع المواطنين فقارااااا ومعاشاتهم ١٥ الف واذا بالحظ ٢٠ الف ويقولون ليش عازفين عن الزواج

صدق من قال .. شر البليه ما يضحك

بسك سوالف حلوه .. اخاف حد يفرنا بحر

شمعه : قلت اتلانتس حلو لان على حضي ماشفت الي انتي شفتيه ... مافيني صراحه على سوالف الاحواض روحه بردنا يدخل في العظم

وجني قلت عن شقر دادي انه ثجيييل؟؟ لا تشككيني في قدرتي الاستيعابيه روحي مستويه ام سلوم هلايام

ون شاء الله اختلاف الراي لايفسد في الود قضيه P=

**مجموعة إنسان** · 30-12-08 ||, 11:22 PM

تحفه
ما عليييج
مب فاضيلنااا
محد يدريبنااا

ههههه

في مطعم هندي في الراحه مول
عجيييييييييييب
ليش عجيب ؟!
لان اول شي اكله حلو
وثاني شي
لان يوم ارووح هناااك احس عمري مهراجا من كثر ما يتجمعون المهنده اللي يعرفونا في المطعم هههه
شفتوا في حياتكم مطعم في مول عدنا حسااب عنده ههه

**تحفه** · 30-12-08 ||, 11:34 PM

المشاركة الأصلية كتبت بواسطة مجموعة إنسان

تحفه
ما عليييج
مب فاضيلنااا
محد يدريبنااا
ههههه
في مطعم هندي في الراحه مول
عجيييييييييييب
ليش عجيب ؟!
لان اول شي اكله حلو
وثاني شي
لان يوم ارووح هناااك احس عمري مهراجا من كثر ما يتجمعون المهنده اللي يعرفونا في المطعم هههه
شفتوا في حياتكم مطعم في مول عدنا حسااب عنده ههه

لوووووول

انزين هالراحه مول ولا مره طبيته .. بس يقولون جنه مول حريم .. كله حريم .. انزين شو حلو عندهم عشان يوم اسير اطلب شي مضمووون؟

**مجموعة إنسان** · 31-12-08 ||, 12:41 AM

البتر ماساللا خطيييييير عندهم

انا دخلته مرتييين
وهالمرتين الساعه 10 المسا بس للعشا
ويوم اسير انا وابوي وامي بس

حتى في مطعم هندي في الخالدية موول يقولون انه حلوو
ما جربته بس وايد قالوا انه حلو

**تحفه** · 31-12-08 ||, 01:56 AM

Owh I just love indian food .. thanks 3l recommendation

enshalah ill try both places out!

**بنت الدلع** · 31-12-08 ||, 02:15 AM

^ اذا تحبين اكل هندي تعالي القصباء
شي مطعم اسمه ناندوز اكله لذييييذ وتحسين انه نظييف ولحمه فرش وحلاااااااااال

**تحفه** · 31-12-08 ||, 02:40 AM

خاطري بس للاسف الشديد الشارجه بعيييييده .. يمدحون صوالينهم في حف الحيات واااايد D:
يالله ان شاء بنيرب في يوم من الايااااام

شكرا بنت الدلع

**شمعة أمل** · 31-12-08 ||, 10:26 AM

البارحه تعشينا في PRIME RIB في فندق لاميريديان.. عدال JBR
الستيييك شو كان لذييييذ

حتى الستارترززز

so far هذا احلى مطعم ستيـك سرتله، وثاني أحلى مطعم في فندق كراون بلازا شارع الشيخ زايد

**ذنـيـنـي** · 31-12-08 ||, 11:01 AM

على طاري الاكل الهندي

شي مطعم هندي في مرديان العقة صدق عجيييييييييييييييييييييب
من فترة سرت الفجيرة ويا الوالدة و عزمتني على هالمطعم
وايد وايد حبيته

اعطيه 5 ستارز

============

شي مطعم في الشارجة اسمه رويال سبايس ورا ديوان الحاكم
واااايد احبه

بس المشكلة انه شووي بتتلعوزون في الباركات
لازم توقفون في ساحة الرمل الي جدام المطعم

==============

كافيه دي روما
في JBR ادمنت عليه في الفتره الاخيرة
هو نفسه الي في الشنازليزيه الي حذال بيتزا بينو
بس للأسف ما يسوي بيتزا >,<

سندويجاتهم عيبتني
و حبيت الاسبرسو و الهوت جوكلت مالهم