اول شي هالاكلة سهلة و بسيطة و ممكن البنات يسوونها و الشباب بعد لان ما يبالها شي . نبدا ....
<span style='color:Red'>المقادير</span>
كورن فليكس ( حبات القمح ) يبيعونه في الجمعية و فاين فير و كل مكان
6 حبات كاكاو مارس Mars الحبات المتوسطه
3 حبات زبدة ( لورباك ) الحبات المتوسطة .
<span style='color:Red'>الطريقة</span>
اولا : انييب اليدر ( الجدر ) و انحطه على النار و انحط الزبدة في اليدر و نقطع الكاكاو و نضيفه مع الزبدة و انحرك على نار هادية .. لين ما الكاكاو يذوب و يكون سايح .. يم يم .. و بعدين طفو النار عسب ما يحترق الكافي و بعدين انحط الكورن فليكس في اليدر و انحركه ... بس و انتو اتضيفون الكورن فليكس حاولو بقدر الامكان انكم اتخلونه اكثر من الكاكاو .. <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>
و بعدين على طوول اتسووونه دواير بييدكم .. او اتصفونه في الصينية ( من الخشب ) و اقطعوه على الشكل الي تبونه ... مربع ، مستطيل ، و بس .. او مثل ما قتلكم اتخلونه دواير .. بيطلع شرات الي يبعونه في المحمصة ..
<span style='color:Red'>ملاحظه</span>
لا تحطونه في الثلاجة ... حتى لو تركتوه يومين برع و على ضمانتي ما بيصير فيكم شي
<img src="http://oasis.bindubai.com/emoticons/tounge.gif" border="0" valign="absmiddle" alt=':p'>
و هني و عافية ... و السموحة ما كتبت بالفصحى لاني ما اعرف اشرح الطريقة <img src="http://oasis.bindubai.com/emoticons/thumbs-up.gif" border="0" valign="absmiddle" alt=''>
و ان شا الله تعجبكم .. و اشربو القهوة معاها
<img src="http://oasis.bindubai.com/emoticons/inlove.gif" border="0" valign="absmiddle" alt=''> <img src="http://oasis.bindubai.com/emoticons/xmas.gif" border="0" valign="absmiddle" alt=':max:'>
رد مع اقتباس
مواقع النشر (المفضلة)