انا اكره الريال اللي يدخن .. اتحصل الحينه يهال توهم في عمر الورود يعني 16 15 سنه ويالسين يدخنون .. استحوا علو ويوهكم الحينه هالدخان شو اللي بتستفيدون منه .. الكبار يبون يودرونه ما يعرفون كيف فما بال الصغار  
ناس اصيبوا بالاامراض والسبه الدخان ...  

علشان تقضي عليه .. حاول انك اتكون عندك النيه في التخلص من التدخين

- اكثر من شرب عصير البرتقال ..
- كلما بتفكر اتدخن كل علووووج ( لبان ) علشان ايكون عندك بديل للتخلص منه ..
- افضل فاكهه علشان تتخلص من التدخين " التين " انتوا ياللي ادخنون سيروا السوق . .. واشترولكم كرتون " تين " وجربوا التجربه ... وما بتندمون ... ولا تنسون فايدة التين تراه انذكر في القرآن الكريم .
- كل ما تاخذ احد البدائل حاول انك تتخلص من التدخين خطوه خطوه .. لانه التدخين مثل المخدر يوم تتعود عليه .. صعب عليك انك تتركه ...

حاول جرب وبتوصل شرف التجربه يكفيك
والله يبعد عنكم المرض .. ان شاء الله ...

على فكره اللي يقول انه الدخان يعدل الراس (  الكور) فهذا انسان يقص على عمره ... لانه ما يصيبه غير الامراض .. واعرفوا ان الانسان اللي يدخن موب معناته ان ريال .. الريال موب بالدخان الريال بتعامله مع الناس وباخلاقه ..

والسموحه ..