السلام عليكم  يا بنت راس الخيمه ...........

اولا : يا اختي الفاضله .. ما كان في داعي انج تفتحين موضوع ثاني .
      لو كملتي على الموضوع السابق كان احسن ...( راس الخيمه )

ثانيا: بخصوص الخواطر. خيال الحب ما قال اي شي عن الخواطر انا اللي تكلمت
      و قلت انهم ما كان لهم اي سلطه في رئاسه حكومة راس الخيمه سابقا

ثالثا: انا برد عليج و بقولج ليش الحكم عمره ما كان بيصير للخواطر.
     و ما كان الحكم لهم
____

شوفي اختي ..  الخواطر عمرهم ما  طالبوا بالحكم ... و كانو عايشين في
الحمريه و المناطق الجبليه المجاوره مع الحبوس و الشحوح .. الذين يعود اصولهم
الي اصل عماني .. و كانوا ناس  يعملون في الزراعه و الرعي بشكل مباشر
و كانوا يعملون بالحرف كصناعه السيوف و المعادن ... ولم يكونوا بارزين مثل
آل صالح و الاميري وآل مالك .. كانوا بعيدين كل البعد عن راس الخيمه .
وكانوا قبائل عشائريه اي بدويه ليس لهم في السياسه او الحكم من شي ....

الحكم مب اي واحد قال اني انا استاهل الحكم ... اللي يستاهل الحكم انسان يهتم
في شؤوون الناس و يلبي مطالبهم ........ تدرين ان خير آل صالح كان يوصل
عندنا في مدينه راس الخيمه كونه شيخ الرمس .. بس عمرنا ما سمعنا ان
آل خاطر كان له معروف في راس الخيمه .

الخاطري كان رئيس قبيله فقط .. ما كان يفكر يوم من الايام انه بيسوي دوله
و بيلم شمل الناس .. مثل ما فعل آل صالح .. لم شمل الناس من منطقه السيح الي
منطقه البخى يعني القبائل اللي كان يرأسها .. بن شيبان .. بن جمعه .. بن لحه..
الاميري .. ال مالك .. و في قبيله في خور خوير ما اذكرها .. و بالاضافه الشحوح
و غيرها الكثير من القبائل المواليه ..........
كانت كل هاي القبائل ضد الشيخ صقر ... بس بالتعاون مع الانجليز تم السيطره
على كل هالقبائل ....

و بعد ما تم السيطره على كل هالقبائل ... اتجه الوالد الشيخ صقر طول الله بعمره
الي قبيله الخواطر .. و ناسبهم ..  .. فكان له قوه مسيطره .
بس يوم الشيخ ناسبهم ما نسبهم على طول . ظل سنين لين ما ناسبهم ..
و وزع لهم الاراضي و المزارع و عطاهم الخير ... و كسب ودهم ..

بس في كثير من الخواطر .. ساروا و سكنو في عجمان ما بغوا راس الخيمه ..
فتحصل الكثير من الخواطر عندهم جوازين عيمان و راس الخيمه ...
بس اكثريتهم من راس الخيمه ....

و بعد مثل قبيله آل مالك البخيه ... تجد ان بعضهم عندهم جواز راس الخيمه
و بعضهم عندهم جواز عمان ... اي خصب ... ولكن ال مالك صارت لهم ..
صراعات سياسيه مع حكومة سلطنه عمان و حكومة راس الخيمه  ..

فتاريخ الخواطر تاريخ بسيط بالمقارنه مع القبائل الاخري .. تاريخ لا يتعدي
اكثر من 45 سنه لزمننا هذا ... و لم يكن لهم تاريخ دموي او تاريخ يوجد
فيه صراعات او حروب .. سوى انهم انضموا الي الشيخ صقر بطريقه
سلميه و وديه بدون اي نزاعات ....

و شكرا ................