<font color='#F660AB'>هذي خروفه من تراث الامارات ..وهي معرووفه عندنا ..بس ماعرف اذا تعرفونها والا لا ..هذي القصه كانو يزيغونا بها ونحن يحليلنا نزييغ ههههههه ما بطول عليكم
اقروا القصه ...
كان يا مكان في قديم الزمان و في الامارت..و بالتحديد في الحمريه (الشارقه) كانن الحريمات كل يوم يتيمعن في مكان ويلسن يهذربن ويحشن في بعضهن .. وفي احد الايام وفيما كانت الحرمات يالسات في المكان المعتاد كانت وحده منهن واللي تدور حولها القصه ولنفرض انا اسمها ...ممممم موزه .. كانت موزه حرمه اتعرف اتولد الحريم و واايد تحب تعلق .. تعلق على كل شي يطوف جدامها .. وفي ذاك اليوم مرت جدامها احلجه (السحليه) ... المهم يوم طافت جدامها ..كان بطنها منتفخ ..جان اتقول موزه ..دوكم انتو اللحلجه ..تراني مولده يوم بيدقبج الويع طرشي عليه و بييج ..ويلسن الحرمات يضحكن على رمستها ..لكن اللحلجه صدت صوب موزه و عطتها نظره ..(جنها تقول بيبيين منج) وكملت طريجها ... وردت موزه البيت تعبانه ومنهد حيلها .. جان اتوطي راسها وترقد..يووم عداها نص الليل .. سمعت حد يدق الباب ..وهي تعبانه ..جان تقول ..حسبي الله عليهم ..ايغثون الواحد في رقاده!! اتناولت وقايتها وسارت تطالع منو عند الباب ..قالت منو؟؟ ردو عليها ..خطاار ..خطاار .تعالي نباج اتولدين حرمه ..جان اتقولهم صبرو بييب عباتي ..وسارت ,,يوم طلعت لهم ..جان تشوف ريالين ايزيغوون وعندهم ناقه و قالولها عاد لا تقولين هذيج الكلمه..(اللي هي بسم الله ) هني موزه اتيبست من الزيغه ..وركبوها على الناقه وربطوا عينها بالوقايه ..و في لمح البصر انتقلت الى مكان ما تعرفه ولا جد شافته وفيه نااس يرمسون ويهال يصيحون .. وشافت جدامها حرمه .. جان تقوم بالواجب على اكمل وجه .. ويووم خلصت .. جاان تقولها الحرمه ..عرفتيني ؟ قالت موزه لا .. قالت تراني انا هذيج اللحلجه .. وماتت موزه من الزيغه وقالتلها اللحلجه مب انتي اللي قلتي بتولديني ..جان تقول موزه هيه ..وقالت موزه انها تبا تروح بيتهم ...جان تعطيها الحرمه بقشه كأجر على تعبها وياها ... وردوها البيت عقب ما ربطوا عينها .. ردت موزه البيت وبطلت البقشه عشان تشوف شو داخلها ..جان تلقى ليف النخل .. جان تيلس تتحرطم وتقوول شو هذا ..شو اسويبه وفرته في الحوي وسارت تكمل رقادها.. و يووم انتبهت الصبح ..وسارت بتشل البقشه عشان تعقها ..جان تلقى داخل البقشع من هذيج العطوور والدخوون والقطع والذهب اللي ماشافت مثله في حياتها ..وحمدت ربها على كل شي وبعد هذي الحادثه قامت ما تعلق على حد ابدأ( اتأدبت) ..ايقولوون انه هذا الذهب بعده تتوارثه الاجياال .. ويقولون انه هذي اللحلجه بعدها حيه ( سيرو دورووها , جاد تحصلونها )...ههههههه
وخلصت وبلصت والديايه تعفصت
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> اتمنى انها تعيبكم
انا باجر بيلس ويا ابويه وبييبلكم خراريف يداد .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>
رووح الرووح <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>
رد مع اقتباس
مواقع النشر (المفضلة)