<font color='#000000'>السلام عليكم ورحمة الله وبركاته

يامرحبا بكم …أهل الواحات كلكم ….كبيركم وصغيركم ….

وش حالكم عساكم بخير وعافية …؟؟؟


<span style='color:red'>مرحبا بكم في مضارب بني مشغووووب.......</span>

الوالده و <span style='color:green'>أم عبدالله</span> في يلسة سوالف العصر ، وأشوف <span style='color:green'>أم عبدالله</span> محتجة وتناقش <img src="http://oasis.bindubai.com/emoticons/wow.gif" border="0" valign="absmiddle" alt=':O'>

<span style='color:red'>مشغووووب</span> : <span style='color:green'>أم عبدالله</span> ، شو علومج ما شاء الله اليوم أسمع سوالفكن غريبه <img src="http://oasis.bindubai.com/emoticons/thumbs-up.gif" border="0" valign="absmiddle" alt=':up:'>

<span style='color:green'>أم عبدالله</span> : الله يرحم أيام زمان يوم البنت بروحها تخيط ثيابها مش بنات الحين كل يوم سايره السوق والخياط .

<span style='color:red'>مشغووووب</span> : يالله يا <span style='color:green'>أم عبدالله</span> الدنيا تغيرت ألحين محد يسير عن الخياطين ، الثياب الجاهزة موجودة وعلى كل مقاس وذوق .

<span style='color:green'>أم عبدالله</span> : تدرين يا <span style='color:red'>مشغووووب</span> البنت قبل على زمانا من تكبر وتعرف تعلمها أمها ولا يدتها الخياطه ، يفصلولها الكندوره كانها لها ولا لأمها ولا لأبوها أو حد من أخوانها و حتى إن يابولها حد من يرانهم شي خاطته لهم ويعلمونها كيف ( <span style='color:darkred'>تقرض ، تصدر ، تبطن ، تغل ، تكفف</span>) وتخيط الكندوره في أسبوع ولا عشرة أيام وكانها هبة ريح وما عندها مونه خلصتها بسرعه ولا كان شغل البيت عليها ولا عندها ياهل خاطتها وقت فاقتها .
والحريم زمان أول يتيمعن الضحى في الرايح وكل وحده تييب وياها الكندوره اللي بتخيطها وعدتها ( <span style='color:darkred'>الكور ، الدريه ، الأبره</span>) و تيلس تخيط وإذا وحده منهم مستعيله على كندوره وتبغي تخلصها بسرعه تعاونن وخاطنها رباعه .
وغير هذا يعلمونها كيف تخدم ( <span style='color:darkred'>التلي وتسوى البادله وتطرز الزري</span>) هذا لثياب الحريم ولثياب الرياييل يعلمونها كيف تسوي ( <span style='color:darkred'>العقمه والغرمه والطربوشه</span>).
وكانهم بدو علمو البنت تغزل وتسوي <span style='color:darkred'>زرابيل</span> وغيرها .
وكنا نخيط ثيابنا بيدينا لين عقب وردولنا <span style='color:darkred'>الكيرخانه</span> وأول شي كانوا يخيطون ثياب الرياييل ومن عقبها يونا الخياييط الهنود وأصبحوا يخيطون للكل وعقبها ما تم حد يخيط .
وثيابنا قبل فيها الحشمه والزينه والبساطه وتزين بها الحرمه يوم تلبسها .

<span style='color:red'>مشغووووب</span> :صدقت أجمل شي في ثيابكم قبل الستر والبساطه والذوق .

<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'> <img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>

وإن شاء الله زورونـــــــــا وأسمعوا سوالف أم عبدالله....

وحياكم الله دوووووووم


<span style='color:red'>في مضارب بني مشغووووب.......</span>

والسموحه منكم</font>