<font color='#000000'>السلام عليكم ورحمة الله وبركاته

يامرحبا بكم …أهل الواحات كلكم ….كبيركم وصغيركم ….

وش حالكم عساكم بخير وعافية …؟؟؟


<span style='color:Red'>مرحبا بكم في مضارب بني مشغووووب.......</span>

أعتقد ان هذي هيه الفرصه الذهبية الوالدة وأم عبدالله في جلسة صفاء وسوالف من الدرجة الأولى …

مشغووووب : يا هلا ومرحبا بأم عبدالله أشحالج وش علومج …؟؟؟ شو هالزين
( برقع أم عبدالله يدييييد ويلج من بعيد ما عليكم أم عبدالله لبيسه وذويقة الله لا يخلينا منها )

أم عبدالله : بخير ونعمه يالغالية ونشدت عنج العافية …

مشغووووب : الوالدة ماكملتي لنا سالفة الحضرة للعين …

الوالدة : انزين يابنتي أول ما نوصل عمان ( العين ) إيينا الهنجري وهو الشخص اللي يبني لنا العرش ويكون معاه مساعدين ، ويبني لكل شخص حسب ما يطلب اللي يطلب عريش ومطبخ واللي يطلب 2 أو 3 عرش ومطبخ ، وهذا حسب عدد الأشخاص ، ومن نوصل ونسكن العرش ما تكون عندنا شغله غير إنا نأكل الرطب ونتسبح في الشريعه ونروي ونحطب ، واللي شال وياه شي وبيبيعه سار السوق وباع اللي عنده .
ويا حافظ على هذيج الأيام ونتم على هالحاله شهر ونص ولا شهرين ، ويوم نبغي نبدي من العين رادين لدبي نتفق ويا الكري على الرده كانه نفسه اللي حاضرين وياه ولا واحد غيره ونتفق على القطوعه وأيي في اليوم المحدد ونروح من العين المسا ونرد على نفس الدرب والموارد ولكن يوم نبدي يكون الوقت صفري والجو برد وما نحتاي للماي مثل وقت الحضره في الصيف .
يوم نحضر تكون مدة الرحله من 6 ـ 8 أيام ولكن يوم نبدي تكون المدة من 10 ـ12 يوم .
واللي يبدي من عمان أييب وياه التمر ـ اللومي اليابس ـ السفوف ـ المكاب ـ الحنا ـ
البسال ( الرطب المطبوخ ) ـ الحسيل ( الرطب الميبس ) ـ ورطب شجوج ( خصاب ) ـ يحال عمان ( جمع يحله وهي الجره ) .

وأول ما نوصل دبي ونرتاح يسيرون علينا يرانا ويطرشون لنا الريوق ( المحلى والجباب و الخبيص ) ويوم نرد لهم مواعينهم نحط لهم فيهن من الخير اللي يبناه ، وتنعرف صوغة اللي حاضر من العين .

مشغووووب : تسلمين يالوالدة والله يخليج لنا ويحفظج ولا يحرمنا من سوالفج …

أشوف أم عبدالله أطالعني <img src="http://oasis.bindubai.com/emoticons/lookaround.gif" border="0" valign="absmiddle" alt='[looko]'> وجان تقولي :
أتحرين السوالف إلا عند الوالدة أنا بعد بسولف لج هاذيج السوالف اللي ما جد سمعتيها ( والله وأشتدت المنافسه بين الوالدة وأم عبدالله وأنا المستفيده <img src="http://oasis.bindubai.com/emoticons/wink.gif" border="0" valign="absmiddle" alt=':;):'> الله يخليهن لي )



وإن شاء الله زورونـــــــــا وأسمعوا سوالف أم عبدالله....

وحياكم الله دوووووووم


<span style='color:Red'>في مضارب بني مشغووووب.......</span>


والسموحه منكم</font>