مضارب بني مشغووووب

[مشغووووب]

السلام عليكم ورحمة الله وبركاته

يامرحبا بكم …أهل الواحات كلكم ….كبيركم وصغيركم ….

وش حالكم عساكم بخير وعافية …؟؟؟

<span style='color:Red'>مرحبا بكم في مضارب بني مشغووووب.......</span>

حياكم الله أقربوا … خيمتنا منصوبة … وضونا واريه ( حطبها يريبي ) …
وفوالتنا زاهبه ( سح وجامي … وقرص مفروك ( مدقوق ) …
وشاعرنا يبدع بين الشله والونه والربابه ……وبنلجم لكم قهوه … وبنسوي لكم حالي …

وبتسمعون عندنا أحلي السوالف …… والقصايد … اللي كلها معاني وحكم …

أول شي خلونا نعرف شو معنى كلمة مضارب في اللغة :

ضرَبَ : ضرب الخيمة أي نصبها .

أضْرَبَ : أضرب في المكان أي أقام ولم يبرح وسكن لا يتحرك .

الضَّرٍيَبةُ : هي قطعه من الصوف أو الشعر أو القطن تنقش وتدرج

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;وتشد بخيط ثم تغزل .

و <span style='color:Red'>مضارب</span> هي الخيام وبيوت الشعر التي ينصبها البدو لإقامتهم . وكل قبيلة تجتمع مع بعضها البعض وتنصب خيامها في مكان واحد وتسمي مضارب وتنعت باسم القبيلة .

و <span style='color:Red'>والحين حياكم الله في مضارب بني مشغووووب ……</span>

وتعالوا بنرمس عن القهوة شوي ……

المعروف أن القهوة هي المشروب الرئيسي عند كثير من الشعوب وخاصة العرب . وتختلف القهوة من بلد لآخر والأختلاف يكون في طريقة قلي القهوة
( التحميص ) وفي طريقة إعدادها وتقديمها …

الإمارات تستورد محصول البن من كثير من دول العالم اللي تزرع هذا المحصول وأهمها سيريلانكا ( نوع سيلان يعتبر من أجود الأنواع ) واليمن و البرازيل ودول شرق آسيا ودول أخرى .

والقهوة تعبأ في أكياس من الخيش ويسمونها قطمه ويكون فيها غلباً خمس تمنا &nbsp;
( المن = 4 كيلو &nbsp;)

يقول الشاعر :
يالقهوة بتشارع وياج لو يستوي منّك بعشرين

مريت ولن ريم يقلاج ما زين صبك في الفنايين

<span style='color:Brown'>والحين بنلجم لكم دلة قهوة بس من دلال أول …</span>

<span style='color:Green'>الخمرة</span>

<span style='color:Orange'>الملقمة</span>

<span style='color:Brown'>المزلة</span>

هذي أنواع من الدلال تعد فيهن القهوة بالطريقة التالية :

<span style='color:Green'>الخمرة</span>…… هي دله كبيرة يحفظون فيها باقي القهوة ( يسمونها الحثله ) ويضيفون عليها الماء ويتركونها على جنب .

<span style='color:Orange'>الملقمة</span> …… هي الدله اللي يسوون فيها القهوة وتكون بطريقتين :

إما يحطون ماي يديد ويضيفون له القهوة … ( المصريين يسمونها

&nbsp; &nbsp; &nbsp; &nbsp; &nbsp; &nbsp; قهوة علىميه &nbsp;بيضا ) .

أو يصبون فيها ماي من الخمرة ويضيفون عليه شوية قهوة
( وهذا نوع من الأقتصاد وخاصه أنهن في السابق ما عندهم المقدره أنهم يسوون قهوة يديده كل وقت )

وفي الحالتين يخلون القهوة لين ما تفور وياخذونها عن الضو ( النار ) ويخلونها شوي عشان تركد القهوة وتتصفى ( اللي يتم في الملقمة هي الحثله اللي يحطونها في &nbsp;في الخمرة ويضيفون عليها الماء ) .

<span style='color:Brown'>المزلة</span> …… وبعد ماتصفى القهوة يصبونها في المزله ( دلة التقديم ) واللي يكونون حاطين فيها الجناد ( الهال ـ الزعفران ـ المسمار " القرنفل ") . ويخلونها ينب الضو عشان ما تبرد .

وحياكم …. منو يبغي يتقهوي ……

ترى هذي قهوة خاصة من <span style='color:Red'>مرحبا بكم في مضارب بني مشغووووب.......</span>……

وإن شاء الله بنزور &nbsp;مضارب الخليج والدول العربيه الباقية وبنسمع سوالفهم وعلومهم …

وسوالفنا إن شاء الله يايه …


المصادر :
1ـ المعجم الوسيط
2ـ الوالدة
3ـ مطالعات ومعلومات مشغووووب


والسموحه منكم …