مسابقة الألفاظ والألغاز الشعبية

**ولد راعي بحر** · 14-07-02 ||, 02:16 PM

وينه ها الي زعل المنصووري
السلام عليكم اشحالكم انشا الله ابخير
ادري ان الدوور عند المنصووري بس المنصووري قال اسال انت
قتله وشفيك قالي  خلاص ما بشارك
اقوول وقالي شي بعد الله يسامحه
والله انا ماعندي علم با السالفه  
والي عنده علم با السالفه يخبرنه

والسؤال هو شو (الرشاد)

**المراهق** · 14-07-02 ||, 07:23 PM

الرشاد؟؟؟ صدقوني ما اعرف شو يعني الرشاد بس بسال وبعرف الجواب

**بن دبي** · 14-07-02 ||, 10:55 PM

اظني هو نوع من انواع الحبوب
صح ولا لا

**هاجس الروح** · 14-07-02 ||, 11:27 PM

هلا اخوي ولد راعي بحر ..

اعذرو المنصوري هاي الايام ..

والله الخبر زعلنا وايد.. وانشاء الله ما يصير الي تقول عنه اخوي ..

ويرد لنا ربان .. سفينة واحة التراث ..من دونه ما تسوى تراها ..

و الحين بجاوب على السؤال..

الرشاد .. بلهجتنا هو .. ( المنحاز)..

المدق الي يدقوبة ,, ويطحنوبه ,, على ما اعتقد ..

و السموحة ..

**ولد راعي بحر** · 15-07-02 ||, 08:07 PM

السلام عليهم اشحالهم عساهم ابخير.....
السموحه يا بوجاسم(بن دوبال).....لا<img src="http://oasis.bindubai.com/emoticons/confused.gif" border="0" valign="absmiddle" alt='???'>  خيرها اب غيرها

سلامي عليج يا ها جس الرووح ...
نعم هو المنحااااااااز الي يدقو به وطحنون به<img src="http://oasis.bindubai.com/emoticons/inlove.gif" border="0" valign="absmiddle" alt='

'>

يا الله السؤال عندج وشدي  حيلج

خويج بوسلطان

**هاجس الروح** · 15-07-02 ||, 09:36 PM

<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>  <img src="http://oasis.bindubai.com/emoticons/smile.gif" border="0" valign="absmiddle" alt=':)'>
هلا...........تسلم اخوي ولد راعي البحر........
السؤال ايقول ........

ما معني كلمة "زربـــــول "

يلا اتريا الجوااااب

والسموحة
<img src="http://oasis.bindubai.com/emoticons/devil.gif" border="0" valign="absmiddle" alt=':dev:'>

**بن دبي** · 16-07-02 ||, 06:18 PM

الزربول

هو لباس كان يلبس في قدم الرجل...

يعني مثل الدلاغ أو لجراب أو الزليغ...

كلمة أخيرة..
ترانا كلنا نترياك يا المنصوري...
لا تبطي علينا...

و سلامتكم..

**هاجس الروح** · 16-07-02 ||, 09:41 PM

هلا
اخوي الحمولي تسلم والله ايجابتك صح

يلا السؤال عندك

**بن دبي** · 17-07-02 ||, 10:47 PM

الله ايسلمج يا اختي هاجس الروح..

سؤالي عن معنى كلمة (الزنجفرة)..

وسلامتكم..

**هاجس الروح** · 18-07-02 ||, 01:32 PM

هلا
الحمولي

الجواب
(الفانيلة )

**بن دبي** · 19-07-02 ||, 01:17 AM

ما شاءالله عليج يا هاجس الروح...
الاجابة صحيحية..

و السؤال عند الاخت هاجس الروح

و سلامتكم..

**هاجس الروح** · 19-07-02 ||, 01:56 PM

هلاااااااا
اخوي الحمولي تسلم ......
وينك يالظبياني والمتيم الحزين والله ولهانا على اسئلتكم والله لولا الحمولي والله ما بتستمر ها للعبة.........

وتسلم اخوي الحمولي على تواصلك ...........

واتنمى اتك تستمر ولا تخيب ضنى فيك <img src="http://oasis.bindubai.com/emoticons/sad.gif" border="0" valign="absmiddle" alt=':('>

والسؤال يقول.............

ما معن((((((((( الفنتير )))))))))))
<img src="http://oasis.bindubai.com/emoticons/inlove.gif" border="0" valign="absmiddle" alt='

'>

**دار الظبي** · 20-07-02 ||, 07:29 AM

الســــلام عليكم ،،،

اول شي أحب أحييوأشكر هاجس الروح والحمولي على تواصلهم الرائع  .....

وأعاتب المنصوري على انقطاعه واتمنى انه يرد بسرعة ...وكذلك المتيم الحزين وعيون دار الحي ....

أما بخصوص السؤال  الفنتير هو طير بحري له ارجل طويلة ومنقاره بعد طويل ويغلب عليه اللون الأحمر او الوردي ... او بإختصار هوطائر اللقلق.........

       تحياتي ،،،

                ظبيـــــــــــــــــاني ،،

**هاجس الروح** · 20-07-02 ||, 09:44 AM

هلا والله بخونا دار الظبي .........

لو ادري ان السؤال عنك بيردك النا ابها السرعة جان من زمان سالة عنك ...

اخوي ياريت والله ما تنقطعون عن الواحات التراثية ....

ترى والله الواحات بدون اهلها ما تسوى .......

المهم اخوي اجا بتك صح والسؤال عندك اتفضل وياريت انك ماطول علينا

أختكم في الله هــــــــــــــ� �ــــ الروح ــــــــــــــــــــــاجس