الســـــــلام عليكم ،،،
مرحبا اخوي مشغووووب ... يلا بحاول اجاوب على سؤالك وانشاء الله اتوفق ...
اول شي عن معنى المثل ... اللي يجدح ما يدومر ... <span style='color:Red'>يجدح ويدومر</span> هالكلمتين يخصن صناعة السفن ...
ناخذ كلمة يجدح .. يقال للشخص يجدح يوم يقوم بعمل فتحة في خشب السفينة .. يعني يعمل فتحات في الشلامين مثلا على طول المسامير اللي بيحطهن في هذه الفتحات ... وتكون هذه العملية بواسطة آلة تشبه السكروب ويدوره بالقوس علشان يحفر في الخشبة وتستوي الفتحه .. باختصار نفس شغلة الدريل في الحاضر ....
اما كلمة يدومر .. فهو الشخص اللي يقوم بعملية دهن السفينة بالصل واعتقد بان الدومر مادة تخلط مع الصل ...
هذا عن المعنى والحين وين يستخدم المثل .... يعني يضرب هالمثل في الشخص المتعني اللي يتدخل في شغلة غيره ... مثل واحد شغلته يصبغ يعني صباغ ويروح يشتغل شغلة نجارة ويخرب كل شي .. هنيه نقوله ..
<span style='color:Blue'>اللي يجدح ما يدومر</span>
هذا جوابي والباقي عند مشغووووب ... واسمحولي كان طولت عليكم .....
تحياتي ،،،،،
رد مع اقتباس
مواقع النشر (المفضلة)