<font color='#000080'>هلا اخوي جمال الكون
شيخي .. القرقيعان بالكويت .. يكون بيوم ثلتـّعش واربعتش وخمس تعش ارمضان ..
واليهال في هاليوم يلبسون اللبس الكويتي القديم .. للبنات الثوب المخور و(البُخـْنـَق) البنخنق هي قطعه مثل الشيله بس اتكون مخيــّطه مسكره ..
والصبيان يلبسون الدشداشه والقحفيه المطرزه او المحيوكه .. ويلبسون الصديري ( الجليه ) نفس القميص بس يكون كت ينلبس فوق الدشداشه
والعقال الابيض ومطرز بذهبي ( على حسب )
وايحطون اليهال برقابهم جيس ويدورون ع البيوت اييمعون (الحلاو) والمكسرات.. ويحطونه بجيس القرقيعان
وحبيت اوضح ان عندنا بالكويت عقب صلاة التراويح (غبقه = غبـــgــه ) وهاي الله يسلمكم عقب التراويح يتيمعون كل يوم في بيت ويحطون الفواله ( الفواكه والحلويات واكلات الفطور )
ولاي استفسار او توضيح انا حاضر ..
اخوكم قلب الطفل
</font>
مواقع النشر (المفضلة)