<font color='#810541'>
السلام عليكم و رحمة الله و بركاته ..
أخوي الحساس .. اللي أشاهده بحكم معيشتي في عمان و زيارة الكثير من الأهل و الأصحاب أنه الأغلب يفطروا على التمر و اللبن و القيمات و الباكورة ..
و بعد صلاة المغرب يتعشوا .. و العشاء يكون الأغلب مكبوس أو ثريد ..
و لكن زرت أحد الأصحاب في ولاية أخرى .. فكانت عاداتهم أغرب من العادات اللي في ولايتنا .. فقبل صلاة المغرب يفطروا بكل شي <img src="http://oasis.bindubai.com/emoticons/biggrin.gif" border=0> .. باللبن و بالتمر و بالثريد و أنواع الحلويات .. و بعدما صلينا المغرب .. قالنا تعالوا نتعشى .. في بالي أقول .. عيل وش كان اللي قبل شوي .. المهم في العشاء عشانا مكبوس لحم ..
لكن ما أعتقد كل الناس يقدروا يطبخوا و ياكلوا ها الكثر .. يعني الأغلب مثل ما قلت أول أنه يتعشوا بالثريد أو المكبوس بعد صلاة المغرب .. و بعضهم (اللي ما يسيروا يصلوا المغرب <img src="http://oasis.bindubai.com/emoticons/mad.gif" border=0>) يتعشوا بالمكبوس أو الثريد مع الفطور الأساسي (اللبن و الثريد و القيمات) بعد أذان المغرب مباشرة <img src="http://oasis.bindubai.com/emoticons/wink.gif" border=0>
أما عن الهريس .. إلى الآن ما صادفت أحد يتعشى بهريس في رمضان .. و لكن الاحتمال وارد خصوصا في العزايم ..
أخوي جمال الكون ..
مشكور على الإطراء .. و السنة الجاية عليك ..
يالله .. السلام عليكم
أسير الذكريات</p></font>
رد مع اقتباس
مواقع النشر (المفضلة)