كوار العيوز الله يرحمها..

[خوي الواحات]

<font color='#000000'><img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;السلام عليكم ورحمة الله وبركاته &nbsp; &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

كيف حال أعضاء الواحات الليله.. ربكم بخير وهوب بردانين...
اليوم بخبركم كيف كانت يدتيه الله يرحمها علمتنا نسوي الكوار.. و <span style='color:Teal'>الكوار</span> الله يسلمكم .. هوه يستخدم حق يحطون فيه الضوّ ويدّفون فيه وقت الشتا... أما اليوم يستخدمونه في أشيا وايده ..
للزينه ..
للشوي..
لتلقيم القهوه..
ولأشيا كثيره.. خاصة وقت الشتا..
بما ان الحين شتا حبيت أقولكم وأخبركم عن سالفتنا..

الله يسلمكم .. في ليله رحنا فيها رحله نحن مع الاهل والعربان اللي نعرفهو جميع.. اللي منهم حي و اللي منهم مات الله يرحمه... وتغمد روحه الجنه ..
يمكن كان عمريه 7 سنين.. في عطلة الربيع..
في هاك الصباح... يازينه وبرد ودك تيلس عدّال الضوّ ما تخوز عنها...
أشوف العيوز يالسه في الحظيره ..
<span style='color:Green'>الحظيره</span> : الله يسلمكم هذي تتكون من دعون النخل و تحوّط على الضوّ عن الهوا.. والدعون يمدونهن على شكل نص دائره و ييلسون داخلها الناس... وتكون معاكسه الرياح...

<span style='color:Red'>العيوز العوده الله يرحمها:</span> يا ولديه تعال .. شو اصبحت ..اليوم...
<span style='color:Navy'>القلب الحزين</span>: بخير يدتيه .. شو تسويين ليش ادقين الخبز؟...
<span style='color:Red'>العيوز العوده الله يرحمها:</span> أسوي قرص مدقوق.. حق الريوق .. .. ( أشوفها تطالع الطرف الثاني و تزقر) .. يا بنات تعالن شحالكن..

<span style='color:Green'>البنات:</span> مرحبا يدتيه بخير الله يعافيت.. ليش متعبه عمرت نحن عطينا بنسوي عنت.. &nbsp;( البنات هذيل خواتيه الله يرحمهن ويذكرهن بالخير)
<span style='color:Red'>العيوز العوده الله يرحمها:</span> لا لا خلنيه .. انتن أباكن تسون شغله .. وانته يا القلب الحزين اسمع.. روحن شلن هذا الرماد اللي تشوفنه و خلطنه مع التراب ( الرمل) و زيدنه ماي و عيننّه( اعجننه) لين ما يغدي سمنت.. &nbsp;

<span style='color:Green'>البنات:</span> أسمنت يدتيه كيف&#33;... ( مستغربات) ( انا ماعرف شو يسون ويقولن ياهل لكن شفت كل شيء )

<span style='color:Red'>العيوز العوده الله يرحمها:</span> انزين.. وحوثن بيدكن ( يعني حركن التراب بشكل دائري ) التراب شوي في المكان اللي بتسون فيه الكوار.. ويوم بتحوثن الارض شوي بتنزل عن مستوى الارض العادي.. يعني بيكون هناك دائره في الارض وحطن الاسمنت في الدائره على داخل .. ومن الجوانب ارفعن الاسمنت بيدكن عشان الضوّ ما يظهر برا..

<span style='color:Navy'>القلب الحزين</span>: يدتيه هذا الكوار بيستوي شرات الطاسه المقلوبه في الرمل.. صح والا لا..

<span style='color:Red'>العيوز العوده الله يرحمها:</span> هيه يا ولديه بس أباكن شوي تكبرنه يا بنات عشان يسد ضوّ وايده.. وترفعن جوانبه عشان ما حد يطيح فيه..

<span style='color:Navy'>القلب الحزين</span>: تعرفين يدتيه والله انها فكره عدله .. أنا بروح اسويليه فوق العرقوب زحلاقيه بالاسمنت مالكم هذا .. &nbsp;
( وين أحيدنيه سويتها أروح فوق العرقوب أتزحلق والعيال كلهم ورايه .. الله أيام )

<span style='color:Red'>العيوز العوده الله يرحمها:</span> معليه ما يخالف .. الحين انته تريق واشرب لك شئ وبعدين ابوك ويدك والرياييل بيروحون القنص عقب شوي.. اتريق قبل لا يروحون..
<span style='color:Navy'>القلب الحزين</span>: ( أسميها الله يرحمها يدتيه ذكرتنيه بالوتر الحساس) هيه صدقت يدتيه ذكرتينيه .. بشوف الطير قبل لا يروح ابويه..

<span style='color:Red'>العيوز العوده الله يرحمها:</span> &nbsp;شو عيل أكذب عليك انا من الصبح.. يالله تريق ..
<span style='color:Navy'>القلب الحزين</span>: يدتيه هاتي القرص بوديه عند الرياييل.. واذا تأخرت ما بيودونيه وطيريه ما بيصيد اليوم وبعدين ما بتتغدون.. ( كان طيريه دايما يصيدلهم.. أبويه هادنيه اياه )

<span style='color:Green'>البنات:</span> اوه فكنا انته وطيرك ( والله احيد رمستهن ) روح ..روح.. شوف الطيور وخلنا مع يدتيه والكوار اللي بنسويه..

<span style='color:Navy'>القلب الحزين</span>: انزين بروح لكن ان تغديتن اليوم بتشوفن .. &nbsp;.. ( اوني متوعد الهن ما بغديهن .. كنه الغدا انا اللي بسويه .. يضحكون عليه..)


وأخر شيء يا الاخوان .. الكوار وسوه .. و الرحله كانت حلوه ويا زينها ايام لأول.. والا الزحلاقيه .. ييه اذا لين اليوم عايشه الله يعلم.. بس شو لعبنا فوقها لعب..
وأتمنى اني راويتكم الصوره الصحيحه للكوار القديم.. وكيف يسوونه .. واني نفعتكم بهذي المعلومه .. وتشكرون كلكم &nbsp; على حسن اصغائكم .. &nbsp;و مشكورين ...و السموحه..





<img src="http://oasis.bindubai.com/emoticons/baaa.gif" border="0" valign="absmiddle" alt=':baa:'></font>