كشته في الجيب الجديم

[مشغووووب]

<font color='#000000'>كشته ( 1 )

اليوم مسانا شتوي مغيم … وبارد ….

ما شاء الله <span style='color:Purple'>مشتاق العين</span> كاشخ وحاط شريط بالروغه ويالس يتريا في الجيب ويا <span style='color:Blue'>بو كشه</span> وصول البقية ، <span style='color:Teal'>أسير الحب</span> و <span style='color:Navy'>6210</span> (يعني الهندسة كلها وصلت ) ، <span style='color:Maroon'>راعية الهوش والبوش</span> و<span style='color:Purple'>مشغووووب</span> يمشن بسرعه ويايبات شنط وياهن ( يحليلهن يتحرن عمارهن سايرات المدرسه )، وصلت <span style='color:Orange'>البراقه</span> تركض .. هوب هوب ..من الوناسه مب عارفه شو بتسوي ، ويلس الجميع يتريا وصول أم عيسى و <span style='color:Red'>أصيله بنت الأجاويد</span> وأخيرا وصلن ( بصراحه مخبا أصيله كان مشنجل على صوب ما أدري شو يايبه وياها ) …
وأنطلقت القافلة الميمونة …
<span style='color:Red'>أم عيسى</span> و <span style='color:Red'>أصيله بنت الأجاويد</span> يلسن جدام ما فيهن على اليلسه ورا ، <span style='color:Teal'>أسير الحب</span> و <span style='color:Navy'>6210</span> و<span style='color:Blue'>بو كشه</span> ( المستكشف ) يلسوا ورا ، ويا سلالالام على <span style='color:Maroon'>راعية الهوش والبوش</span> و<span style='color:Orange'>البراقه</span> و<span style='color:Purple'>مشغووووب</span> يلسن ورا ومتقبضات في أصياخ الجيب المكشوف والهوا يالله صدق أنه يرد الروح …
وأول ما أبتعدنا عن العمران وبدينا ندخل البر ما قصر <span style='color:Purple'>مشتاق العين</span> أسميه سواق ما عليه كلام سوالنا أحلى رالي ما خلا عرقوب ما صعدنا إياه ولا هور ما نزلنا فيه …
ووصلنا لمنطقة فيها الغاف والسمر وتراب البر الغاوي ونزلنا فيها ، محد نزل عدل الكل تعافدوا من الجيب حتى الحلوات اللي جدام أكيد منطربات من بن الروغه وسواقة <span style='color:Purple'>مشتاق العين</span>…

وأول ما وصلت المجموعة طبعا خطتهم كانت معروفه وحاطينها من قبل وهي :
ــ يحطبون
ــ يورون الضو
ــ ويتعرفون على النباتات البريه

أتفقت المجموعه على أنهم يدورون الحطب ويجتمعون بعد ربع ساعة …

<span style='color:Navy'>6210</span>: تفضلوا يبت لكم حطب وهو من أحسن الأنواع ويسمونه يريبي .

<span style='color:Purple'>مشتاق العين</span>: وهذا بعد حطب من تحت الغافه بس لوكانت عندي خصّين كان يبت أكثر .

<span style='color:Teal'>أسير الحب</span>: خصّين ؟؟؟

<span style='color:Blue'>بو كشه</span> : أسير الحب الخصّين هي الفأس اللي يقطع بها الخشب ومحليا ً يسمون الحجم الكبير منها ( خصّين ) والصغير ( فاروع )

<span style='color:Teal'>أسير الحب</span>: <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

<span style='color:Purple'>مشغووووب</span>: يبت لكم الحطب الخفيف وترى هذا مهم عشان تشب الضو .

<span style='color:Red'>أصيله بنت الأجاويد</span>: وأنا يبت الأهم ( الورايه ) الثمام وهي نوع خفيف من الشير ويشتعل بسرعه ويكون هو البداية .

<span style='color:Orange'>البراقه</span> : وأنا يبت لكم هي الحطبه الكبيره لين باكر بتم الضو واريه .

<span style='color:Maroon'>راعية الهوش والبوش</span>: الحين وين أنوري الضو ؟؟؟؟

<span style='color:Red'>أم عيسى</span>: أعتقد أنها لازم تكون في مكان مذري وما تكون مكشوفه .

<span style='color:Navy'>6210</span> : وأنتي صح ياأم عيسى وما نحتاج غير أنا نبحص التراب شوي يعني نسوي حفرة تكون أقل من مستوي الأرض ونحط الورايه وبعدين الحطب الصغار وآخر شي نحط الحطب الكبار ، ونلايم الحطب علي بعض عشان تنشب فيه الضو …

<span style='color:Red'>أصيله بنت الأجاويد</span>: تفضلوا هذا الكبريت يايبتنه ويايه ( علبة كبريت أكبر حجم هذا اللي مشنجل المخبأ )

وأجتمعوا الكشاته ويا سلالالالام علي أحلى ضو …

<span style='color:Maroon'>راعية الهوش والبوش</span> و<span style='color:Purple'>مشغووووب</span> مشتغلات وفي حال شو السالفه ؟؟؟ ياحافظ عليهن حطن السح والجامي والقهوة ( هذا اللي كان في الشنط يحليلهن ظلمناهن )

<span style='color:Teal'>أسير الحب</span>: كيف كانوا يحطبون قبل وكيف ينقلون الحطب …؟؟؟

<span style='color:Purple'>مشغووووب</span> : قبل كانن الحريم يسيرن يحطبن وكل وحده تشل وياها حبال + وقاء ( شادر خفيف ولا ثوب جديم ) + خصين ولا فاروع . ويسيرن يحطبن مشي ولا على حمار ، والتحطيب ترى له أصول عند الأوليين .

<span style='color:Navy'>6210</span>: في البداية يجمعون الحطب ويخلون كل مجموعة بروحها يعني وين ما تحصل الحطب تيمعه وتخليه وكل مجموعه يسمونها ( معبأ ) وجمعها ( معابي ) .

<span style='color:Purple'>مشغووووب</span> : وبعد ما تجمع المعابي ترتب الحطب عشان يسهل شله ويكون بهذا الشكل أول شي تحط سبط ولا حطب خفيف تحت وبعدين تواسي الحطب وتحطهن مخالفات ( متعاكسات ) وتداخل بهن عشان ما ينتفش وتصك عليه بالحبل واللي يسمونه ( مرار ) ومفردها ( ميره ) يكون في المرار حطبة موضوعه بشكل عرضي تسمى ( يازول ) عشان تساعد علي ثبات الرباط ويتساعدن ثنتين في ربط ( النقله ) وحده تصك على الحطب و الثانية تسحب المرار …

<span style='color:Red'>أصيله بنت الأجاويد</span>: أشوفهم في الصور يشلون الحطب على رؤوسهم ..

(ترى <span style='color:Teal'>أسير الحب</span> شغلته يحط حطب للضو عشان تشتعل وتم واريه . تسلم إيدك والله .)

<span style='color:Purple'>مشغووووب</span> : نعم عقب ما تخلص تطوي الوقا وتحطه في وسط النقله وتحمله لربيعتها ، وإذا كان عندهن حمار حملنه وحطن نقله على كل صوب وفي النص نقلة وساطه .

<span style='color:Purple'>مشتاق العين</span>: وإذا كانت وحده بروحها كيف تحط النقله على راسها ؟؟؟

<span style='color:Blue'>بو كشه</span>: تنقل عمرها بروحها يعني بريولها …

وأستغرب الكل ولكن يربوها وشافوا أن هذا الشي ممكن وتستمر السوالف …البر والضو وكشته ولا أحلى منها وكشاته مستانسين …

<span style='color:Navy'>6210</span>: شو تعرفون عن النباتات البريه الموجودة عندنا ؟؟؟

<span style='color:Purple'>مشتاق العين</span>: الغاف .

<span style='color:Red'>أصيله بنت الأجاويد</span>: الحميض و السيداف .

<span style='color:Maroon'>راعية الهوش والبوش</span>: الأرطى .

<span style='color:Teal'>أسير الحب</span>: العريون .

<span style='color:Blue'>بو كشه</span> : الفقع .

<span style='color:Purple'>مشغووووب</span>: الطراثيث والدقابيس .

<span style='color:Navy'>6210</span> : ماشاء الله عليكم كل اللي ذكرتوه صح بس تعرفون أن هذا الأنواع كلها يأكلها الإنسان وفي بعضها لازم ينطبخ مثل ( الفقع والعريون ) .

<span style='color:Purple'>مشغووووب</span>: وفيه أنواع ثانيه موجودة وبعضها تتغذى عليها الحيوانات .

( <span style='color:Teal'>أسير الحب</span> مستمر في شغلته )

<span style='color:Navy'>6210</span>: فعلاً ومن هذي الأنواع الرمرام والذانون والرمث يالله قولوا كان تعرفون شي .

<span style='color:Purple'>مشتاق العين</span>: السَلي والسمر . .

<span style='color:Orange'>البراقه</span> : الحنظل .

<span style='color:Red'>أصيله بنت الأجاويد</span>: الثمام .

<span style='color:Teal'>أسير الحب</span>: الأشخر .

<span style='color:Blue'>بو كشه</span>: ( كل شوي يعدل نظارته ) القطفا .

<span style='color:Maroon'>راعية الهوش والبوش</span>: السبط والهرم .

<span style='color:Purple'>مشغووووب</span> : المرخ والعسبج والراك .وهذي النباتات كلها نباتات صحراوية ومتكيفة مع البيئة بعضها موجود طول العام والبعض الآخر مرتبط بالمواسم مثل الفقع مرتبط بمطر الوسمي والغاف أفضل وقت لأكله في الصيف والأرطى في الشتا .

الله جو البر والضو وغروب الشمس منظر ولا أروع وأحلى كشته واللي محلنا الجماعه الموجودين وأخيراً دفنا الضو وودعنا البر ونحن نحمل أجمل ذكرى لهذي الكشته …


شي مهم ( في الرده محد يلس جدام غير السواق وكانت الحفله ورا )

يعذروني الأعضاء إذا شي ضايقهم في الرحله ووصف الرحله…

منو يبغي يسير الكشته اليايه ؟؟؟؟؟؟؟ ترى الجيب يترياكم <img src="http://oasis.bindubai.com/emoticons/wink.gif" border="0" valign="absmiddle" alt=':;):'>


والسموحه منكم


حقوق الطبع محفوظه لــ مشغووووب &nbsp;ـ دبي ـ 2002 ـ</font>