السلام عليهم ..واشحااالهم عسااهم بخير وصحه وسلالالامه ..
المـــــــــــــــــــــ ــــــــــيــــــــــــــ ـــــ<img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'> ــــــــــــــــــــــدار ...
يا جماااااااااعه ترى طاااالع الحداااق .. ويا شيبتيه حد بيخااويني حياااااااااه
تراني مجهز العده .... وما عليك الا من خيطك وميدارك..
.. تعااااااااالو...على طاااري الميدااار .. تعرفون شو هو الميداااااار ؟؟؟؟؟؟؟؟
يطول لي بعمركم الميدار .. مصنوووع من الحديد او نحاااس ويشكله شرااات
عصا الشيبه المعواايه من فووق وله رااس مدبب وله شفره صغيره تحت الرااس ..............
وهالشفره موجوده عسب السمجه يوم تضرب في الميدار ما ترووووم ... تهرب
....وله رااس مدور من فوووق شراات الحلقه عسب ترووم تربط الخيط في
الميدار.. وعلى فكره ترى الميدار مب وااحد له اشكااال وعدة انواااع...(ميدار
بو ثلاثه) (وميدار بو سمجه) (وميدار الصاروخ ) (وميدار الريش) (وميدار
القبشه) وااااايد ما ابي اطول عليكم ...
بس ترى كل ميدار وله وظيفته وله سمجته ..
عندكم ميدار بو ثلاثه ..يستخدم في صيد السمج الكبااار شرااات الهامووور ... <img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'> تدرووون والله مشتهي الحينه مجبوووووس هاااموور من ايد الوالده ... ))
خلونا من سالفة الاكل وبكمل الكم ... وميدار بو سمجه يستخدمونه في التشخيط ...:with: لحظه تعاااااالو مب ترى تشخيط السيايير ....يستخدمونه يوم تتحرك الطراااد (القارب) ويفرون الخيط ورا الطرااد <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> طبعا وراا الطرااد يعني جدااام الطرااد ..والله حااله .. وميدار الريشه يستخدمونه في صيد الاسمااك <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> انا اتحرى في صيد الطيووور المهم يستخدمونه في صيد انوااع متعدده من الاسمااك مثل ( الجشه.. والزريديه... والقرفه.. الخ ....ترانا اذا يلسنا نعدد السمج ما بنخلص اليوووم ...
على فكره ترى انا شرااتكم الاول ما كنت اعرف شي عن هالسواااالف بس الله يخلي الوااالد وطرااقااته ..
وهزااابه ..مهب الحينه قبل يوم كنت صغير ...
لا تنسووون ترى الحدااق مهب اي وقت ..الحداااق له وقته .......ومثل ما يقولون هل البحر ... <img src="http://oasis.bindubai.com/emoticons/withstupid.gif" border="0" valign="absmiddle" alt=':with:'>
[ الليل قمر.والمايه ثبر.والخيط شعر. والييمه نغر. والصيد شعريه ....
والسلام عليكم ..والسمووووحه منكم اذا طولت عليكم واذا قصرت بشي ...
تراني ولد راعي بحر واحب ارمس عن البحر.. وسلامتكم
لا تنسوون .....
<span style='color:Red'>[ الليل قمر.والمايه ثبر.والخيط شعر. والييمه نغر. والصيد شعريه .... </span>
رد مع اقتباس
مواقع النشر (المفضلة)