الســــــــلام عليكم ،،،

شحالكم يا أهل الواحة التراثية عساكم بخير .... اليوم بخبركم عن المكيفات مال أول اقصد البارجيل .....

طبعا يعود أصل هذه الكلمة الى اللغة الفارسية والتي تعني البرج الهوائي وجمعها بوارجيل .......

وينبني البارجيل فوق المنزل كوسيلة للتهويه وخاصة في الصيف .. <span style='color:Red'>عـاده صيفنا ماشاء الله مول مب حار...</span>

ويكون للبارجيل أربع فتحات جانبية على أساس انه يمسك الهواء من جميع الجهات ... ويكون مرتفع شوي لان الريح تكون اسرع كل ما ارتفعنا عن الارض وطبعا الهواء يكون منحصر في الغرفة اللي تحت البارجيل وهي غالبا ما تكون الميلس او غرفة النوم في الصيف لانها ابرد غرفة في البيت .. الماستر يعني <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

ومثل ما نعرف ان البوارجيل كانت تنبني من الطين او الحصى يعني اللي كان عنده بارجيل في بيته بيكون من التجار او الكباريه ...

ولهذا السبب كانوا الناس العاديين يسوون بوارجيل لكن من يواني او طربال او من الدعون يعني تكون مؤقته وتنبني فوق العرشان .....

ومع انتشار البوارجيل في الامارات حتى أصبحت من أبرز المعالم العمرانية خاصة في امارة دبي .......

اما الحين في الوقت الحاضر فنحن نستخدم المكيفات وراح زمان البارجيل ... ولا يسعني الا ان اقول ...
<span style='color:Blue'>لكل زمان دولة ورجال</span>

وفي النهاية اسمحولي ان كان طولت عليكم .....

تحياتي ،،،