تذكرون أيام المطوع

[الشوق]

ابصراحه ماادري كيف ابتدي الموضوع .. اب سبةالمواضيع الحلوه اللي يطرحها الاخ منصوري واسلوبه الرائع في السرد .. يت في بالي افكار ومواضيع حلوه فحبيت اعرضها لكم .. في واحة التراث وحابه من جميع الاخوان يشاركونا .. خاصة الاخوان والخوات اللي شافوا اي اختلاف في العادات والتقاليد .. اللي عشناها نحن ..
--------------

طبعا الوالد الله يطول في عمره ... ما قصر يوم ودانا عند المطوعه ... والحمدلله اتعلمنا على ايديها اشياء زينه ومفيده .. مثل قراءة القرآن الكريم .وأحكامها .. والحديث النبوي .. والضرب بالخيزران <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
في البدايه كنا انسير عند امطوعه اسمها المطوعه ( لطيفه ) الله يباركلها بالخير ان شاء الله ويطول في عمرها .. ما قصرت في تعليمنا يمكن علمتنا القرآن لمدة 3 سنوات تقريبا ...
بعدين لما مرضت حليلها انتقلنا عند امطوعه ثانيه ( الله يرحمها ويغمد روحها الجنه ان شاء الله ) وكان اسمها " آمنه" علمتنا القرآن تقريبا سنتين وشي .. ولما تعبت ومرضت اتوقفنا عن القراءه ..

فترة القراءه: كنا انسير عند المطوعه فترتين الفترة الصباحيه ، والفترة المسائيه . كنا انش الصبح على الساعه ثمان ونغسل ويوهنا وناخذ ويانا المصحف والمرفع انتوا عارين شو هو المصحف ( القرآن الكريم ) ، والمرفع
( اللي انحط القرآن عليه) . وناخذ ويانا فلوس بعد ...يعني درهمين طبعا .. عسب نشتري ويانا عصير او جبس ونحن رايحين .. .. طبعا وانسير اهناك تقريبا لين الساعه 12 الظهر .. وعقب انرد البيت ..ونحن ميتين وهالكين من التعب
لكن الفترة تتغيريعني يوم كنا انسير المدرسه ..كنا بس انسير عند المطوعه العصروانرد على أذان المغرب. لان الصبح كنا انسير المدرسه ... وطبعا مثل مانتوا عارفين الارهاق والتعب اللي انشوووفه

السن : اليهال اللي كانوا عند المطوعه وكانوا يقرون عنا القرآن تقريبا من سن 6 سنوات لين 13 او 14 هاللي اتذكره ... وكانوا بنات وأولاد يعني مختلط <img src="http://oasis.bindubai.com/emoticons/baaa.gif" border="0" valign="absmiddle" alt=':paa:'>

طريقة التعليم : الله يخليهم المطاوعه في البدايه كانوا يعلمونا جزء عم ، وعقب مانحفظ الآيات كلها .. حفظ غيبي ، ننتقل لين جزء تبارك ، وبعدين بقية الأجزاء .. والحمدلله حفظت جزء عم كله ... وقريت تبارك وباقي الأجزاء لين البقره قريته مرتين .. لكن للأسف ما رمت اقراه المره الثالثه عسب كنت ناويه اختمه ثلاث مرات .. لكن ختمته مرتين والحمدلله ..
والشخص اللي يختم القرآن عندها كانت اتكرمه ماشاء الله .. وتعطيه هديه .. على حفظه للقرآن .. وفلوس كتشجيع منها ...

العقاب <img src="http://oasis.bindubai.com/emoticons/sneaky2.gif" border="0" valign="absmiddle" alt=':sne:'> ياما يهال حصلوا ضرب علي يد المطوعه ... تبون تدرون ليش ..اول شي كانوا يظهرون من بيت اهاليهم ويسيرون يلعبون في الشارع يوم المطوعه تسال عنهم يقولون الاهل هي سارت عند المطوعه .. واتزخ اليهال اليوم الثاني جدام بقية اليهال وتربط اريولهم وايدهم بالحبل وتضربهم بالخيزران .. عسب يتعلمون درس مره ثانيه وما يشردون
صح اني حصلت ضرب <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> : D بس موب وايد يمكن مرتين او ثلاث ... يعني لو ما حفضت اي سوره هي تعطينا .. احصل ضرب ..

لكن الحمدلله .. بالرغم من اني كنت أتأفف من طووول الوقت ، ومن الفترتين اللي كنت اسير فيه عند المطوعه
لكن الحمدلله والحمدلله .. روحتي عند المطوعه علمتني القراءه ، وشجعتني أكثر على قراءة القرآن والحمدلله يوم كنا اسير المدرسه ويكون عنا حفظ في كتاب التربيه الإسلاميه .,. اكون الحمدلله حافظه السور اللي يعطونا اياها .. والمدرسه كانت اتخليني اول وحده اقرى تلاوه على البنات .. هي هي هي وهالشي كان يفرحني تدرون ليش لاني كنت اسبق اليهال على القراءه واخليهم يرتلون ورايه .. واوقات وايده كنت اشارك في الإذاعات المدرسيه ..

ها اش رايكم ...في اللي كنا انسويه ..
وابي اعرف منوا منكم سار واتعلم عند المطوع- المطوعه ؟ وهل تعليمهم يختلف عن تعليمنا ؟..
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

[بن دبي]

<span style='color:Maroon'>الســلام عليكم ورحمــة الله وبركاته

عزيزتي الشــوق ، ما شــاءالله إطـلالــة رائــعة ومواضيــع جدا مميــزة
موضوع المطاوعه قبل ويومنا الحالي ، ممم أحس ان في اختلاف كبيــر جدا
قبل مثــل ما قلتي كنا انسيــر ونحفظ أجزاء القــرآن ، ونستفيــد
بس الحيــن وفرت الدولة مراكز تحفيــظ القــرآن ، ومسابقــات عديدة تجعل الكثيرين متشوقيــن
لحفـــظ القــرآن وللتقرب من الله عـز وجــل ، لقوله تبارك وتعالى : ( والسابقون السابقون أولئك المقربون )
نســأل الله أن يجعلنا من المتسابقيــن في حفظ القــرآن الكريم ومن ثم سنن رسوله الكريم وأحاديثه
لنحوز على رضاه وجنته ، اللــهم آميـــن

تقبلي تحياتي
اختج المحبة لج في الله
بنت القدر الحزين</span>

[منصوري الدوله]

مرحبــــــــــــــــــا الشوق .....


هيييييييييه يا أيام المطوع ....

والله كانت ايام وايد حلوه ، ابصراحه ما اعرف ليش شوقتيني لها .. والله خاطري احفظ واسير الحين المطوع .....
شوقتيني يالشوق وربي .....

_
انا ذكرياتي ويا المطوع ..
كنت ارووح ايام الصيفيه ’ والله كانت ايامنا حلوه .. اذكر اني حفظت عم وتبارك
ونلت جايزه ( ساعه اوماكس ان 35 ربيه ) &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;
بس والله كانت تعني لي الشي الكثير ....
كنت ارووح للمسيد وانا فرحاان ومستانس... عكس اخواني اليوم بمنازع وحب اخشوم عشان ايروحون المسيد ...
سبحان الله ....
الوجوه الطيبه ... الحلقات ... الغيره من هذا وذاك اقسم ان &nbsp;ذيج الحلقاات كان لها الدور الكبير في اجادتي للقرآن ... وللقراءه ايظا
والله كنت قبل اقدم في حفلات المدرسه السنويه....
والاذاعه .....
اما الحين طاااخ طييييييييخ .. والله مااشي فايده ...
والله يا عزيزتي الشوووق شكلي بسييير اسجل في ذيج الحلقاات وبدرس مع اليهال
مافيها شي ولا هو بعيب ....


ولا اش رايكم .. ؟؟؟؟؟

[بن دبي]

<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;لم اذهب للمطوعه ..........,, لكن كان والدي ...,, يجلس معنا بعد صلاه العصر &nbsp;ويقرأ لنا مما يحفظ ....,, ونحن نمسك القرأن ونتبع ونحفظ ....,, &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;

ثم يأتي دورنا في القراءه &nbsp; ..............,, &nbsp;الا ان نحفظ الايات ونسمعها غيبي ...,,

مما جعلني متميزه في حصص التلاوه والتربيه الاسلاميه ........,, &nbsp;وتشجعت مره وقرأت القران في طابور الصباح .........,, <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

[دار الظبي]

الســـــلام عليكم،،،،،،

&nbsp;بصراحة ذكرتينا بأيام اول يالشوق .... اذكر ايام المطوع والله نسيت شو اسمه بس احيد شكله ....
&nbsp;
&nbsp;كان المطوع يجلس ونحن نعمل حلقة عليه وكانت عدالنا حلقة الشباب اللي فبها كانوا سابقينا بجزء وكم كنا نتمنى ان نكون شراتهم &nbsp;.. واذكر كنا انسميها الدينية

والحمدالله حفظونا جزء عم وتبارك .. واخر مرة سرنا فيها الدينية &nbsp;عطونا &nbsp;300درهم ..المنصوري احسن عن جايزتكم <img src="http://oasis.bindubai.com/emoticons/smile.gif" border="0" valign="absmiddle" alt=':)'>

[المفتاح]

بسم الله الرحمن الرحيم
الاخت الكريمة الشوق
السلام عليكم ورحمة الله وبركاته
شكرا لك على هذا لموضوع الجميل الذي رجعنا الى الوراء ايام السبعينات ايام المطوع .....انا درست في المطوع ولكن لفترة بسيطة .......وكانت الوالدة تعطي كيس من الحلاوة ما ادري ليش ؟؟؟؟ وكان هناك ((مقصف)) ولكن بالصورة البسيطة جدا حيث كنا نشتري الايسكريم المحلي وهو عبارة عن فيمتو مثلج .....وحليب بالروح افزا مثلج ايضا.
وكنا نقراء القران ونتعلم وكنا جمعينا اولاد وبنات.......بصراحة الايام القديمة صحيح متعبة ولكن بسيطة وجميلة وقلوبنا على بعض.
المهم يا اختي العزيزة اشكرك مرة ثانية واسمح لي اذا خرجت من الموضوع قليلا.
والله الموفق
اخوك المفتاح

[خوي الواحات]

<font color='#000000'>مرحبا يا ختيه شوق
الصراحه موضوعت او السالفه اللي كتبتيها منتنيه لأيام انا ما قد عرفتها
ولكن اسمع عنها .... تمنيت انيه كنت في ذاك الوطر لي عشتيه أسميها ايام
ما اتعوض .....

ما لحقت على مطاوعة أول لكن لين احين في فريجنا مطوع يعلم العيال
ويحفظهو .....

ماشاء الله الحين زايد ما خلا شيء ما سواه النا
مساجد و مجالس و معاهد لتعليم القرآن لبنات او يهال او كبار
الحمد الله الحين كل شي مسهل عن قبل والله يطول بعمره قولو آمين....

بس بعد ايام قبل اكيد بتم احلى و ما ظن حد منا بينسى ماضيه
وهذا انتو اللي يالسين اتسوونه خير للجميع ويردلهو ماضيهو
و ما ظنتي حد بينساه ....

وكلن منا من بينسى ماضيه ما عرف تالي حاضره
والسموحه كان طولت

مع كل احترامي للجميع
القلب الحزين
:lok:</font>

[الشوق]

عليكم السلام ورحمة الله وبركاته ..

بنت القدر الحزين <img src="http://oasis.bindubai.com/emoticons/smile.gif" border="0" valign="absmiddle" alt=':)'> تسلمين الغاليه على المشاركه ... وصدقتي وهذا هو التغييراللي حصل انه قبل كان يختص تعليمنا على الامور الدينية .. لكن الحينه امتد مجال التعليم .. لنطاق أوسع . من ( جغرافيا ، وتاريخ، وعلوم ورياضيات وفلسفه ومنطق ونحو ...الخ الخ الح ..
لذا نشكر الدوله انها منحتنا الفرصه للتعليم .. وان شاء الله انرد الجميل لها بتفوقنا ..وحصولنا على الشهاده العاليه ..

ومثل ما قلتي نسأل الله ان نكون من المتاسبقين في حفظ القرآن الكريم .

[الشوق]

مرحبتين يا منصوري الدولة <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;
مبروك عليك على الساعه ( شي اكيد الواحد يوم حصل هديه ابفضل جهوده ) الفرحه ما بطوووله ..
لا العلم موب عيب ... وفي الاستفادة إفاده ..
وعسى الله يوفجك ان شاء الله دنيا وآخره يارب

[الشوق]

الحب<img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;فاتج للأسف ... روحتج للمطوع .. بس تدرين الحمدلله يوم يكون للاباء والامهات الدور في تربية عيالهم .. وهالشي لازم نتمسك فيه ان شاء الله يوم بنربي عيالنا في المستقبل ..
وانخليهم يتمسكون على قراءة القرآن الكريم .. والمداومة على الصلاة وروحتهم للمسيد مو بس يتركون صلواتهم وما يصلون الا صلاة الظهر وبس يكتفون اب يوم الجمعه ..
والله دنيا .. وين قبل وين الحينه ..
عيالنا الحينه امحصلين كل شي جاهز عندهم لكن للاسف ما يستفيدون منه ..

[الشوق]

دار الظبي.. <img src="http://oasis.bindubai.com/emoticons/smile.gif" border="0" valign="absmiddle" alt=':)'>
عليكم السلام ورحمة الله وبركاته ..
شي جميل انه الواحد يحس بالغيره .. لكن ان تكون الغيره في محلها ..يعني غيره غير مضره .. االغيرة في هذي اللحظه .. خلتكم تتنافسون علشان توصلون للمكانه المطلوبه ...
وذكرتني اب سالفة المسابقة .أذكر على أيامنا في واحد كان امعدي جزء تبارك .. وكنت اقول بيني وبين نفسي متى بوصل لين هو ما واصل
لانه المطوعه كانت وايد تحترمه .. ماشاء الله عليه ..

دار الظبي .. الهديه موب في قيمتها .. الهديه في معناها ... وهالمعنى ترك أثر في نفس منصوري الدوله ..
وعلى العموم مبروك عليك ال 300 تستاهلها.. على جهودك الطيبه ..

[منصوري الدوله]

والله انج شوقتيني للمطوع وحلقاات التحفيظ
افكر اسجل في حلقه .........

[دار الظبي]

الســـلام عليكم ،،،،،،،

مرحبا بالاخت الشوق .....
طبعا اول شي اكيد انه بتكون الغيرة في محلها وفي هذه الحالة تسمى بالغبطة ان صح التعبير .....

&nbsp;ومثل ما قلتي انه الهدية بمعناها وليس بقيمتها وانا عارف هالشي بس قلته من باب السوالف مع اخوي المنصوري ......
ومثل ما قال الموصف الزبيبة ما تشبع لكن تطيب الخاطر ......

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; والسموحة ،،،،،،،،،،،،،

[الشوق]

لعدم تكرار الموضوع في نفس الواحه فقد تم ربط &nbsp;موضوع الاخت لحن الحياه ضمن موضوعي ..
ولمزيد من معلومات عن ( المطوع ) ما عليك سوى الضغط على هذا الموقع للإخت &nbsp;لحن الحياه http://oasis.bindubai.com/cgi-bin....0;t=139

[44444]

<font color='#000000'>ما أظنك يا الشوق لهاي الدرجة عودة عشان كنتي تسيرين عند المطوع .. وتعرفين كل علومه &#33;&#33;&#33;&#33;


وانا بضيف للشوق هاي المعلومة ...عن أنواع الأجر اللي كان يدفع للمطوع &#33;&#33;&#33;

الدخلة : عند تسجيل الطالب ولم تكن تزيد عما يساوي الآن 150 فلسا.
الخميسة : وهو أجر يدفع كل خميس ولا يزيد عما يعادل 40 فلسا.
النافلة : وهو ما يدفع للملا في المناسبات الدينية بقدر ما يتيسر من القمح والتمر.
العيدية : وهو مبلغ من المال يدفع حسب قدرة الطالب قبل العيد أو بعده.
الفطرة : وهي زكاة الفطر عند المسلمين يخرجها الصائم عن نفسه أو عمن يعول.
ختمة الجزء : رسوم يدفعها الطالب كلما ختم قسما من القرآن الذي جري تقسيمه حسب اصطلاح الملا الي 13 قسما، ولم تتبع طري قة تجزئته إلى ثلاثين جزءا.
القطوعة : مبلغ يتفق عليه بين الملا وولي أمر الطالب يدفع عند ختم الولد للقرآن الكريم ولا يلتزم ولي الأمر بغيره من الرسوم.
الختمة : تدفع عند إنهاء الولد تلاوته للقرآن الكريم وقد تكون في سنة أو أكثر.
التحميدة : مبلغ يدفعه سكان الحي تطوعا كي يغطوا فيه نفقات من يختم القرآن الكريم من الطلاب الفقراء وترافقه مسيرة طلابية من الصبية يرددون التحميدة قائلين : الحمد لله الذي هدانا ، للدين وللإسلام اجتبانا.



وسلامتكم ......</font>