ما زالت ذكريات الغوص في اذهان من عايشوه ... ايام صعبه بل شهور .. ولكن لم يكن امامهم حل اخر ليجدوا قوت يومهم ....

ومع كل تلك الصعوبات فأنهم يتمنون العوده للعيش في تلك الاجواء الحافله..

الــغــوص عن الـــلــؤلــــؤ

كان يتم في فصل الصيف ويمتد من 10 ايام الى 4 اشهر .... يعتمد على حجم السفينه والمؤونه

بعد اذان الفجر وعند طلوع الشمس يتجهون <span style='color:Red'>للهير*</span> وتبدأ عمليه البحث... طبعا بعد ما يتريقون سح ....

الغيـــص او الغواص ... يحمل <span style='color:Red'>الديين*</span> على رقبته ليضع فيها المــحـار ويمسك حبــل في نهايته حجر او ثقل ليساعد الغواص على النزول بسرعه ... وما ان ينزل الغواص ويوصل للقاع .. يقوم الســيــب بسحب الحجر .. وينتظر الاشاره الثانيه ليسحب فيها الغيص للسطح بسرعه .. علشان ما يختنق الريال ... وفي هذه الاثناء في مجموعه ثانيه من الرياييل وبعض الصبيه يقومون بــفــلـــج المحار لاستخراج الــلــؤلــؤ ...

عمليه فلج المحار مب وايد صعبه بس يبالها تركيز ... يعني الي يهذرب وايد ما يلقى شي ..
يستخدمون ادوات بسيطه .. منها

المفلقه: وهي اداه حاد مصنوعه من و الحديد الها راس مدبب ومقبضها من الخشب ... علشان يقدرون يبطلون المحاره و يدورون فيها على اللولو

الفلس: عباره عن صدفه فاضيه ... يعني منظفينها عن <span style='color:Red'>اللوينه*</span> "الكائن الحي الي يعيش في المحاره" ويمعون فيها اللولو الي يحصلونه وكل واحد عنده صدفه علشان يحط فيها الي لقاه


ويضلون على هاي الحاله لين اذان الظهر ...

يصلون الظهر ويتغدون واذا حد منهم عطشان يسير عند <span style='color:Red'>الفنطاس*</span> و يشرب الماي <span style='color:Red'>بالقبعه*</span>... وياخذون راحتهم لين اذان العصر .. ويردون مره ثانيه يغوصون ... لين المغرب ..... بعدين يصلون المغرب ويتعشون سمج مشواي وعيش ويرقدون .. بأنتظار يوم شاق اخر ..

وتمشي الايام وهم هاي حالتهم ... لين ما يي <span style='color:Red'>القــفــال</span> وهو موعد الرحيل ...

الــــســردال هو الي يخبرهم عن موعد القفال ..... والسردال عباره عن سفينه تكون كدليل للسفن الثانيه .. تدليهم اماكن الهيور ... وتخبرهم هن نهايه موسم الغوص ...

صاحب السفينه يطيّر نشره .... الي هو علم دبي سابقا "الابيض والاحمر" والي ما يعرفه يسير يشوف توقيع حكومي

يوم يردون من الغوص ويوصلون البلاد .... <span style='color:Red'>الطواويــش*</span> يكونون في انتظارهم على احر من الجمر علشان يشترون حصيله هالموسم من اللولو ...

الكل يجتمع في بيت النوخذه ويتم البيع ..... يقوم النوخذه بعدين بتقسيم الارباح


كنت بخبركم كيف يحسبون الارباح ... لكن نسيت كيف يحسبونها ... هيهيهي

كل المعلومات الي قريتوها .. خبرني عنها الوالد في احد جلساتنا العائليه ... والي عنده اي تعليق او استفسار .. او حتى تصحيح يتفضل ...




** ملاحظات **

الـــهير*المنطقه الي يتواجد فيها اللؤلؤ

الديين* سله تعلق في رقبه الغواص ليضع فيها المحار

اللوينه* الكائن الحي الي يعيش في المحاره

الفنطاس* نقدر نقول عنه خزان الماي ويكون متواجد في الخن "بطن السفينه" ومغطى بالواح من الخشب عن يتوصخ

القبعه* كأس صغير وبه حبل يغطونه في الفنطاس علشان يظهرون منه الماي
يي القــــفال* وهو موعد الرحيل الي الديار

الطواويش* تجار اللؤلؤ


<span style='font-size:17pt;line-height:100%'><span style='color:Red'>حـــــــقـــــــ وق الطــــــــبع مـــحـــــفوظــــه للقــــــطـــــوه</span></span>