الســـــــــلام عليكم ،،،،،،،
<span style='color:Blue'>الحمولي</span> ... تسلم يا اخوي على هالموضوع الشيق والجميل وارجو انك تسمحلي على مداخلة بسيطة ...
والله الموضوع وايد كبير ... المهم مثل ما قلت اول شي ينصنع البيص بعدين تنحط خشبة تسمى (العطفه) وتثبت في البيص ويكون في البيص عدد كبير منها بعدين تركب على كل عطفه خشبة تسمى (الشلمان) وجمعها شلامين .... بعد ذلك تركب الأخشاب على الشلامين من تحت لين فوق .. وطبعا قبل كل هذا لازم يكونون عاملين حساب ميل الصدر وميل التفـر ...
بعد ذلك تأتي باقي الأجزاء في السفينة وعشان ما اطول عليكم بذكرها بدون شرح ...
تثبت خشبة طولها تقريبا متر وتسمى (الفلس) وهي قاعدة (الدقل) والذي يثبت ويربط في خشبة صغيرة تسمى (العبد) ويكون بينهما خشبة تسمى (العبيدار) ..
وما ننسى (الفرمن) و(الدستور) .....
هذا شرح على السريع ... واسمحلي مرة ثانية يالحمولي على التدخل ... ما قدرت ايود عمري ... <img src="http://oasis.bindubai.com/emoticons/confused.gif" border="0" valign="absmiddle" alt='???'>
والسمــــوحة منكم ،،،،،
تحياتي ،،،،
ظبيــــــــــــاني
رد مع اقتباس
مواقع النشر (المفضلة)