السلام عليكم اشحااالكم ... والله لكم وحشه تصدقووووون<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

يايب لكم صوغه من صواغي البحر انشالله تعيبكم..
بنخبركم اليوووم عن (الــــــــــــــــــــشـ ـــــــــــــــــــاشـــ ـــــــــه)
تعرفون شو الشاشه ؟؟؟
الشـــــــــــــاشه يطول لي بعمركم .. كانت بالاول بنسبه للحين طراد (القارب)
المهم .. ؟؟ وفشو تستخدم الشاشه ؟؟ وشو فواايد الشاشه؟؟
كل هالاسئله بيجااوبهاا لكم اخووكم ولد راعي بحر .. بس طبعاا المعلومات من الوالد الله يخليه ..
يصنعون الشاشه من خووص النخل (سعف النخيل) والحبال بس بدون المسامير
انييب سعف النخل وننسج اجزاءه مع بعض بواسطة احبال من النخل نفسه
لاتنسوون ترى لازم يتنقع الخوص في البحر تقريبا يووم كامل ...وصناعة الشاشه تحتااي تقريبا في حدود ثلاث اربع اياام لصنااعتهاا وتكووون هالصناااعه دقيقه جدا يعني تبالها مهااره ..
يعني لازم يكون لها صدر وتفر (المقدمه والمأخره) تعرفون ليش لموازنة الشاشه
يعني نحطي المقدمه شي شراات الفلين والمأخره كذالك نفس الشي ..تعرفون ليش عشان القارب ما يطبع (يعني يغرق)
والشاشه لازم يكون لها غصين ( عصا صغيره توضع على جوانب الشاشه في النص ) لتثبيت الميااديف(المجداااف)
ويكوون طوول الشاشه تقريبا 10 او 15 قدم تقريبا مب شرات الحين من 30 الى 50 قدم الشاشه تسع الى شخصين بالكثير 3 اذا ماكان شي عده
تستخدم الشاشه في نصاااب الليخ (تسريح الليخ في البحر) والقراقير احيانا
وفواييد الشاشه ؟؟ اذا كان اللنج ما يروووم يوصل مكان المحدق بسبب قلة الماااي تقوووم الشاشه بالوصول لهذا المكان ونصب الليخ .... مثلا اذا كان اللنج ما يروووم يجانب الميناا او الفرضه لبيع السمج تقووم الشاشه بتوصيل السمج من اللنج ...
<img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'> يحليلهااااااااااااااا الشاشه الشغل كله عليها..
المهم ما بطول عليكم هذا كان شرح بسيط عن آله من آآلاات البحر الي كان يستخدمونه اجدادنا وابهااتنا...
سلامتكم..
واسمحوولي اذا طولت عليكم


خويكم بو سلطان