<font color='#000000'>السلام عليكم
تسلم اخوي المنصوري على موضوعك الجميل
والي يتكلم عن تراث الارد ن
والله يعطيك العافيه شكلك بذلت مجهود وانت تكتب فيه
بس الاحلى انا نكتب شي ونكون متاكدين من معلوماتنا


المهم اخوي انا كنت اتصفح الواحات من يومين وعيبتني صراحه
وحبيت اسجل فيها
ولفت نظري هالموضوع


وحبيت اصلح لك بعض المعلومات وقمت اسال بعض الناس الي نعرفهم
والسمووووحه للمداخله

انا صراحه درست بالجامعه الاردنيه
وعاشرت الاردنيين
وتعرفت على عاداتهم وتقاليدهم



المهم مابتكلم عن قصة حياتي..

بس حابه اصلح بعض الاشياء لانه تعرف هذا تراث
ولازم يوصل بالطريقه الصحيحه



اول شي
بالنسبه للرمسه
اممممم
اهل الاردن ماعندهم حد يرمس بحرف الكااف موووليه,,بالعكس رمستهم قويه شويه وفي وايد كلمات ابدويه
ومن الامثال الشعبيه الاردنيه
" ركضك ورى المقفي ,,عـذاب"
ممكن نقول تفسيره امممم
الي مايباك لاتصيح تبغيه
" لاتدير قفاك للدبابير,,وتقول المنايا والتقادير"

معناه
لاتعرض نفسك للخطر وتزعم ان ذالك قضاء وقدر


وفي كلمه لفتت نظري
نحن نقوول "كـــــشخه"
ومعناها عندهم " جــخـّه" بحرف الجيم

نحن نقول هيـــاته , هيــات
وهم يقولون .. لوّاقه,, لوّاق,,
نحن نقول الحين
هم يقولوون هسّاع او هسّه "يعني بهالوقت"
مب هلقيت ؟؟



من الاغاني الشعبيه عندهم كانو يغنونها ع الربابه
بس احينه مع التطور قامو يغنونها بآلات... خخخخ

تقريبا شرات الشله


بكتب مقطع منها

..نزلن على البستان ياعنيّد يا يابه
ويلي فلن شعرهن
كل البنات نجوم ياعنيّد يايابه
ويلي هي قمرهن ...
عيني ويبه عيني
ياعنيّد يايابه..



لان الاردن فيها نسبه عاليه من الفلسطينيين
وهم يرمسون بحرف الكاف
والكل يعرف ان هناك نسبه كبيره
من اخوانا اللاجئين الفلسطينيين ف الاردن
والدول المجاوره مثل سوريا واللبنان
الي يحملون جنسيات هذي البلاد


اما بالنسبه للاعراس
فمنهم يلبسون مثل ماقلت بنطلون وشماغ
و فئه منهم يلبسون "الثــوب"
اما يكون اسود او بني
و"الثوب " يعني "كندوره"
واكيد الشماغ الاحمر او الابيض



ومن الاكلات المشهوره عندهم
المنســـف
والي شرحت انت طريقتها

من الجميد
وخبز الشراك
والعيش
والمكسرات
واللحم
صراااحه اكله وايد فنانه



والاكله الثانيه
هي الكبسه
اظن انها معرووفه

بعد الاكله هذي مشهوره ف السعوديه على ماعتقد
تشبه "المجــــــبوس"

واكلة "المــسخن"

عباره عن خبز صراحه ماعرف شو نوعه
يحطون فوقه بصل
ودياي مشوي






والقهوه اسمها القهوه العربيه
مب "الكهوه"





والاردن مقسمه لقسمين
اهل الشمال
واهل الجنوب

اهل الشمال الي يقولون عنهم متحضرين
وهذي بعض المناطق الشماليه

اكيد العاصمه "عمّاان"
و اربد
وعجلون
والزرقاء
والرمثا
والجبيهة...صراحه هالمنطقه وايد حلووووه والجو فيها بارد
يصلح حق الاجازه .....


اكيد هذي بعض المناطق الشماليه


اما بالنسبه لاهل الجنوب
والي هم البدو
عاداتهم وايد حلوه صراحه

والمناطق الجنوبيه
مثل
الكرك"مؤته"
والطفيله
والشوبك
ومعاان ...هالمنطقه قريبه عن حدود السعوديه واهلها يشبهون السعوديين لدرجه كبيره
ف عاداتهم ورمستهم


البر فيها وايد حلو
بس الصراحه بر الامارات احلى
وفي منطقه بعد اسمها "وادي رم"
سرنالها باحد الرحلات الجامعيه
و الاكثريه يسيرون حق الصيد والقناص




امممممممم


صراحه تعبت وانا ادوّر عن هالمعلومات
ماخليت حد الا وسالته ...وبعضها من اشياء الي كنت اعرفها


هذا الي اعرفه الحيين
ومثل ماقلت اخوي ان ظهر عيب فكلنا عيووب..

والسمووووووووحه مره ثانيه اخوي ع المدااخله




إختك
الوضيحي</font>