المــــــــــــــــــــــ ـــــالح..

[ولد راعي بحر]

السلام عليهم ..
اشحالهم عساهم بخير..وبصحه وسهاله..
اسمحولي على التأخير..ومثل ما يقولون كل تاخيره وراها خيره<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
يايب الكم صوغه من صواغي البحر**
هالمره عاد بخبركم عن المــــــــــــــــــــــ ــالح.. وجيف يسووونه؟؟؟؟؟؟<img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'>
اول شي بخبركم عن سالفتي ويا المالح ..
تعرفون انا متعود اسير ويا الشيبه البحر ونسرح لياخنا ونييب اودامنا( حق البيت)
المهم ـــــــــــ طلعت ويا الشيبه البحر وسرحنا اللياخ الظهر والمغربانيه(المغرب)
شلينا الليخ .. والصــــــــــــيد يطول لي بعمركم كان كم نوع من السمج وياهم القباب يا سلالالالالالالام مشواي قباب وعيش ابيض وسح <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> وراسين بصل مره افرش فراشك عند السفره ياالله معزوووووووومين عندي باجر شو رايكم...تدرون انه القباب مب بس حق الشوااااي بعد يستخدمونه في صنع المالح
اشرايكم اخبركم عن المالح دام انه يبنا طاريه...
يطول لي بعمركم المالح ـــــ نييب السمج ونقطع السمج على شكل شرايح كبار
وغلاظ كل قطعه نمزرهااا من الملح ونصفه فوق بعض في بيب او طشت اوسطل على ما يقولون ونهوس (نضغط) عليه ونحطي فوقه حصاا طبعا نظيفه
اسمعوا الحصا مب حق الفلع حق بييب المالح <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> طبعا يباله فتره اقل شي 40 يوم يعني كل ما طول كان احلى ..
(على فكره مب بس القباب الي ينفع حق المالح كذا نوع من السمج بس يفضل القباب او الخباط (الجنعد) )
اقوووول ترى المالح يبا ايييد تسويه لانه مو كل من يه قال بسوي مالح ..
والمالح يستحسن عمله في اول ايام الشتاا ..

وسلالالالالالامتكم واسمحولنا اذا طولنا عليكم

اخوكم ولد راعي بحر<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>

[بن دبي]

تسلم والله ياالغالي على موضوعك الشيق ...
والله بصراحه ذكرتنا بالمالح...

[قطوه]

السلام عليكم ........... <img src="http://oasis.bindubai.com/emoticons/smile.gif" border="0" valign="absmiddle" alt=':)'>

عندي سؤال &nbsp;<img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'> &nbsp;

هل يحطون للمالح بهارات غير الملح <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;؟

[منصوري الدوله]

والله كنت يالـــس آكـــــل ( ايس كريم ) وانا اقـــرى موضوعــك ويوم وصلـــت عند البـــصل والله ( نقعت ) وخيـّـــست الشاشــــه ( فانيلا ) .. ، <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;
الله يــغربـــل ابليـــــــــسك يا ولـــــــد راعــــــــي بحـــــــر ؛
شيطـــــاااااان ف هالسوالـــــف <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;( فديت هل البحـــــر انـــااا ) ؛

ابـــصراحـــه توقـّــعت انك مبـــــــدع بــــس مش لهذي الدرجــــــه ؛
والله انـــــك جمــّــعت اليــهال علي ( ايقولون وش هالخبل لي يضحــك ) ؛ &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;

والله اني فرحــــااااان بوجودك ؛


اتمنى لك التوفيــــــق ؛
اخووك
بو فلاح .....
او
بو عذيـّــه
او
بو خليفــه
او
بو كـمـ؟؟؟؟؟ &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

[الفيلسوف]

كح كح

ولد راعي بحر ... الحمدلله أني من أول الناس الي ردت على موضوعك ... على الأقل أضمن العزيمة ... كح كح

الصراحه لعيوز نايمه ألحين وإلا جان استانست على موضوعك أكثر عني ...

ياخوي الريحه كم تسوى ... ههههههه كح كح

إلا بتخبرك ... مره شفتهم في عمان ناشرين السمج على الحبل اتقول اثياب ...
وبعد عندهم شي ايسمونه صفيلح لذيذ وايد ...

مشكور عزيزي على موضوعك الحلو و أسلوبك الأحلى ...

=====
أنا بس لو أعرف منو دزني ف واحة بن دبي &#33;&#33;

[المرهف]

والله وعرفت تختار يا ولد راعي بحر ..

طلعت طباخ من ورانا .. عشنا وشفنا ..
صارلي زمان ما ذقت المالح .. خاطري فيه .. ( افهمها <img src="http://oasis.bindubai.com/emoticons/wink.gif" border="0" valign="absmiddle" alt=';)'> &nbsp;)
وحلاته يوم ينطبخ مع البصل والطماط .. ويوم تفتج القدر تطلع ذيك الريحة والبخار اللي يملي المكان .. واه واه .. شي والله ..
يوعتني الله يغربل ابليسك .. بروح اكل ..

تسلم اخوي ..

تحياتي .. <img src="http://oasis.bindubai.com/emoticons/thumbs-up.gif" border="0" valign="absmiddle" alt=''>

[سفير الخيال]

هلالا وغلالا ولد راعي بحر ,,..

فديت خشمك انا ياااخي... تدري لييش.. لأاني أمووت بالماالح... بتخبرك وين مكاانك إن الحينه.. بييك هالحزه داامني معزووم.. صبر أنا معزوووم؟؟؟؟
أكيد لأ.... <img src="http://oasis.bindubai.com/emoticons/confused.gif" border="0" valign="absmiddle" alt='???'> &nbsp;أفاااا... أقوول لو أنا معززووم دخيلك رد لي خبر... <img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;
تسلم حبوووب على هذا الموضووع العجييب.. ومن راااي إن الجنعد احسن عن القباب بالماالح.. هذا ذووقي أنا.. وحليلي... <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

وقااااااااااااااالوووها الاولييييين........

قوول تم لو عزمك رااعي بحــر0000 ولا بتموووت حسره وقهر... هيييييييييه الماالح ماالح &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

<img src="http://oasis.bindubai.com/emoticons/thumbs-up.gif" border="0" valign="absmiddle" alt=''>

السمووحة <img src="http://oasis.bindubai.com/emoticons/lookaround.gif" border="0" valign="absmiddle" alt=':lok:'>

[ولد راعي بحر]

السلام عليهم..
اشحالهم عساهم ابخير يا مرحبابكم

مرحبا اخوي بن دوبال ..والله ردك الاحلى وعلى قولتك الشيق وخل عنك ه السوالف يا الله نبا عنك موضووع عن البحر وهواله<img src="http://oasis.bindubai.com/emoticons/smile.gif" border="0" valign="absmiddle" alt=':)'>


مرحبا قطوه <img src="http://oasis.bindubai.com/emoticons/smile.gif" border="0" valign="absmiddle" alt=':)'>
اشحالج عساج ابخير..ومشكووره على الرد وبنسبه لسؤاالج لا مايحطون الكن وقت الطباخ انتو يا الحريم اخبر عني<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

مرحبا بو عذيه او بوكـــــــــــ<img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'> والاما يحتاي
ادخيلك لا تمدحني تراني اخور<img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>
المهم اشكرك على ردك الحلو لي
ويوم الا هذا يفرحك عيل كل يوم بكتب موضووع وفاللك طيب

مرحبا الفيلسووف <img src="http://oasis.bindubai.com/emoticons/smile.gif" border="0" valign="absmiddle" alt=':)'>
مرحبا ابشيبتيه اشحالك عساك ابخير ..
اشكرك اخوي على الردك على الموضووع وبنسبه لسمج الي امروح شرات الثياب على قولتك هذا اسمه الجسيف هذا يابوك ياكلون بدون طباخ وكانو شيابنا بل الاول غداهم عشاهم كله من هذا..وسلامتك

هلا مرهف <img src="http://oasis.bindubai.com/emoticons/smile.gif" border="0" valign="absmiddle" alt=':)'>
اشحالك اخويه اشكرك اخويه على الرد..
صدق انك يوعان... بس على فكره انا ما افهم ابسرعه<img src="http://oasis.bindubai.com/emoticons/wink.gif" border="0" valign="absmiddle" alt=';)'> <img src="http://oasis.bindubai.com/emoticons/wink.gif" border="0" valign="absmiddle" alt=';)'> <img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'>
ولا اعرف اطبخ <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>

مرحبا بسفير الخيال
اشكرك اخويه على الرد....
اسميك يوعاان <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> افا عليك معزووم
بس اقووول نحن اليووم صايمين<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/wink.gif" border="0" valign="absmiddle" alt=';)'> <img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'>

[الشوق]

هلا اب ولد راعي البحر ...
السموحه لاني اتاخرت في الرد على مواضيع الواحه التراثيه ..
بس ارد واقووول مردنا للتراث ..تراه الاصل وما نسنتغنى عنه ..

سلمت يديك يا اخوي على موضوعك ... <img src="http://oasis.bindubai.com/emoticons/thumbs-up.gif" border="0" valign="absmiddle" alt=''> <img src="http://oasis.bindubai.com/emoticons/thumbs-up.gif" border="0" valign="absmiddle" alt=''> تراك ما قصرت في الشرح
ومن بعد اذنك راح اخبر القطوه عن طريقة اعداد طبق المالح ..

طبعا .... للحريم ..

بالنسبه للمالح شي نوعين :-
1- النوع الاول : ماي المالح <img src="http://oasis.bindubai.com/emoticons/baaa.gif" border="0" valign="absmiddle" alt=':paa:'>
انظهر المالح من البيب او الطشت اللي خبركم عنه ولد راعي البحر ؟؟وانحطه في جدر .. ونغسل المالح عدل عسب الملوووحه بتكووون زايده فنبي انخفف عنه الملح اشويه ..
وعقب انحط فوقه ماي وانودره لفتره معينه ...
عقب اغير الماي عنه واحطله ماي ثاني ..واحط الجدر على النارلين ما يفور .. وللتزيين( عندكم البصل او حبتين فلفل احمر ) حسب الرغبه ..
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'> يم يم يم ..سووا الطريقه وما راح تندمون ... تراها لذيذه خاصة يوم تاكلونه ويا العيش الابيض زتعصرون اللوميه على العيش ( لذيذه ) ..
---------------------------
2- النوع الثاني: <img src="http://oasis.bindubai.com/emoticons/baaa.gif" border="0" valign="absmiddle" alt=':paa:'> &nbsp;ناشف المالح
انفور المالح &nbsp;طبعا بعد ما اتكونون شاقين السمج ( المالح) وامقطعينه ..
نقطع البصل - البطاطا- الطماطم &nbsp;على حسب الاختيار ( حبوب - علب)
ليمون يابس.
فلفل - بزار &nbsp;....
وفي النهايه اتحمرونه ........
يا سلام جربوا الطريقه واتذوقوها ... وقولوا الشوق قالت ..وهني وعافيه ...
----------

[منصوري الدوله]

مرحــــبا والله بالشــوق ؛

غيــــض من فيــــض اختـــــي الكريمــــــــه ؛

وعلـــى أمــــــــل مصافحتـــــج في موضوع جديـــــــد ؛

تلميـــذج ؛
منصوري الدولـــــــــه ؛ &nbsp;



<span style='color:Red'>اقـــــــول</span>
الواحـــه ثلاثــة أرباعـــها سمــّــاجيـــن عيل طــاح كرتك يا منصوري الدوله <img src="http://oasis.bindubai.com/emoticons/tounge.gif" border="0" valign="absmiddle" alt=':ton:'>

[سفير الخيال]

<img src="http://oasis.bindubai.com/emoticons/lookaround.gif" border="0" valign="absmiddle" alt=':lok:'> مـــــــــــــالح

<img src="http://oasis.bindubai.com/emoticons/crazy.gif" border="0" valign="absmiddle" alt=''> &nbsp;لازم آآكل مااالح باااجر..... <img src="http://oasis.bindubai.com/emoticons/crazy.gif" border="0" valign="absmiddle" alt=''>


<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> الشوووق... ماشالله تعرفين بعد... <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

تسلمين على المعلوومات الإضاافيه...

<img src="http://oasis.bindubai.com/emoticons/xmas.gif" border="0" valign="absmiddle" alt=':max:'>

[الحزينه]

السلام عليكم <img src="http://oasis.bindubai.com/emoticons/smile.gif" border="0" valign="absmiddle" alt=':)'>

هيهيهيهيهيه تسلم أخويه <span style='color:Red'>ولد راعي بحر</span> عالموضوع ،، أوف الحين الظهر لازم أسير آكلي مالح <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
واختي <span style='color:Red'>الشوق</span> بعد ما قصرتي <img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'>

ياليت بعد ياخويه لو تعلمنا أكلات ثانيه تخص البحر <img src="http://oasis.bindubai.com/emoticons/crazy.gif" border="0" valign="absmiddle" alt=''>

انا في حياتي ما كلت محار شو طعمه لذيذ ؟؟

سألت الوالد قال لي لذيذ <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>
<span style='color:Blue'>الحزيــنه</span> <img src="http://oasis.bindubai.com/emoticons/inlove.gif" border="0" valign="absmiddle" alt=''>

[الياهل]

اليوم متغدين عيش و مالح <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> بس خربو علي جبو السفن أب على العيش و المالح و السلطه و إستوت خبيصه <img src="http://oasis.bindubai.com/emoticons/butbut.gif" border="0" valign="absmiddle" alt=':but:'>

[بن دبي]

ولد راعي بحر &#33;&#33;&#33;
أسميك هلعتنا...

يالله ما ألذ المالح و أنا ما ايعيبني الا يوم يكون امفور, ويا البصل و الطماط والفلفل الأخضر وعلي السفره غنجة العيش و السمن و الخل...شو ايخوزك عن الأكل هاك الوقت....

أنا باجر بخرب الرجيم و بتغدا مالح... و الذنب على (ولد راعي بحر)..

بس لو اتعلمنا اخويه عن اليوبل و الجسيف.. انا اعرف ان اليوبل ايسوونه من التبان, و الجسيف من البدح... لو عندك معلومات اكثرعنهن أتمنى أنك اتفيدني..

و سلامتكم..

[طفلة من هذا الزمان]

ولــد راعي بحــر..
اسمحلنــا عالتأخيــر...
تدري .. من يوم ما قريت موضوعك.. يعني قبل يومين.. قلت ما برد إلا و أنـــا متغديه مــالح..

و يوم كــــامل &nbsp;و أنا أحن و أزن على راس الوالــدة.. لين ما تم تحقيق مطــــالبي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
و &nbsp;عقب الغــدا قلت يالله بسير أقهــر اللي خاطرهم بمـالح <img src="http://oasis.bindubai.com/emoticons/devil.gif" border="0" valign="absmiddle" alt=':dev:'> &nbsp;

بس الله فـــوق.. و رقدت <img src="http://oasis.bindubai.com/emoticons/crazy.gif" border="0" valign="absmiddle" alt=''>

موضوع و لااااااا ألذ.. قصدي أروع أخوي...
هيه و نسيت أقولك جان أصيّح يدتي و السبة موضوعك.. جان أذكرها بالشيبة الله يرحمــه يوم كان يسويلها المــالح <img src="http://oasis.bindubai.com/emoticons/confused.gif" border="0" valign="absmiddle" alt='???'>
السمـــــــوحة