ملك قلبي وانا ..اكرهه

[بن دبي]

<font color='#000000'>بسم الله الرحمن الرحيم
السلام عليكم .... شخباركم ؟ عساكم بخير ....هذي قصة من تأليفي إنشا &nbsp;الله تعجبكم &nbsp;<img src="http://oasis.bindubai.com/emoticons/blush.gif" border="0" valign="absmiddle" alt=':b:'>

.................................................. ...............

مريم بنت حلوة ما شا الله عليها ما خذه جمال امها الله يرحمها ومن ابوها عيونه السود الوساع ... وهي تدرس في جامعة زايد ومتفوقة لها سمعة طيبة بين الناس ولها أخوان اكبر منها أولهم عيسى عمره 24 سنة يدرس في لندن وخاطب بنت خالته ريم وهي اكبر بنات خالته موزة .
خالد : اخوها الثاني عمره 22 سنة ترك دراسة الجامعة ودخل زكلية الشرطة ....بعده مريم وعمرها 20 سنة واخر العنقود منال الدلوعة عمرها 17 ثانوية عامة

يوم الاربعاء
&nbsp;مريم طلعت من غرفتها وهي معصبة على خالد .... اليوم حظها نحس اللبس اللي كانت تبي تلبسة اسكب عليه شاي من عجلة منول الدلوعة ...
ابو عيسى : اصبحنا واصبح الملك لله ... بسم الله الرحمن الرحيم من صباح الله خير صراخ ... الريامي تعال بنتي
ومريم مستحية من ابوها : صباح الخير ... يا احلى اب في الدنيا
وتدخل منول عرض عليهم .: توج تصارخين علي وين جى المستحى
وتنقز مريم منول ويبتسم عيهن ...
مريم : اقول منول سيري طالعي خلاود شو اخره ...
ابوعيسى : الغالية يلسي تريقي بعدين روحي ... اكيد خالد يتسبح .
منال : لازم &nbsp;....اليوم اجازة عطوه كيف ما بكشخ .... وانا متاكدة بسير المول عشان ... تعرفين
ويضحك ابوعيسى ومريم عليها وعلى سوالفهم .. مع ان منال كبرت بعدها في عينهم هي راعيت سوالف وهي نور البيت ... ظهر خالد بكندورة اليدية والعطر يعامي وهذيج السفرة الحمدانية ويغني .. واول ما شاف الولد قال : استغفر الله واتوب اليك ... هلا والوالد شخبارك ؟
الريال يبي يغير الموضوع ..
ابو عيسى : هلا خالد ...الحمد لله بخير ....( ويي خالد ويحب راس ابوه) &nbsp;ويكمل ابو عيسى .... يا ولدي ود خواتك ..وايد تاخروا على دوامهن ..
منال في خبث : خلود لا لا عادي خذ راحتك انا ما محد يركض وري ..
ويضحك خالد عليها : تموتين ولا تداومين المدرسة ... هذي لا اخر &nbsp;سنة لج استانسي .
مريم : يله ...يله توكلنا على الله
خالد وبطلع من الباب بعد خواته : ابويه تامرني شي قبل ما تسير العزبة
ابوعيسى : سلامة راسك الغالي ..
طلع خالد وهو يحس ان ابوه كرس حياته وهو يحاول يربيهم احسن تربية وما قرر انه يزوج على امهم الله يرحمها مع انه كان بعده شاب .. لكن كان هذا هدفه الأول والأخير

.....................................

في الجامعة

مريم تي ورى ربعتها اسماء وفي نفس الوقت بنت خالها حمد : السلام عليكم
اسما ء وحليله خافت وفزعت منها : بسم الله الرحمن الرحيم ... حشى تبي تيني سكته قلبية ..
مريم تضحك عليها : انزين ردي السلام
اسماء وهي محطيه ايدها على قلبها : وعليكم السلام ورحمة الله وبركاته ....شحالج يا الشبح ؟
مريم وهي ما تت من الضحك : اللحين صرت شبح بس عشان خوفتج ..... الحمد لله بخير يسرج الحال ... انتي شخبارج ؟
اسماء : الحمد لله بخير وعافية ... اقول عندي بشرى ... باجر في عزيمة في بتنا .
مريم مستغربه لانا محد خبرها : العايلة كلها بتجتمع صح .. يدتي ويدي وقوم خالتي موزة واهلج ... احلوة الجلسة ..
اسماء : وفي شي بعد .... كايد اخوي بيرجع من امريكا خلص من الاختبارات ..
مريم وهي فرحانة لانها تشوف اسماء فرحانة : تستاهلين سلامته ... تصدقين من فترة ما شفته .. ( طبعا مريم واخوانها وعيال خالها حمد وعيال خالتها موزة وخالها مبارك كانوا متربين معا بعض وهم صغار )
اسماء مفتخره باخوها : اكيد كايد بيب الشهادة اللي بترفع الراس وبيظهر احسن من اخوج عيسوه .
بدا الكلاسات فقالت مريم وهي تمشي مع اسماء : لا تقولين عيسوه ليش هو اصغر عيلج ( على فكرة كايد نفس عمر عيسى بس اختصاصه مختلف عمن عيسى &nbsp;كانوا ربع روح برالروح لكن السفر خلهم يبتعدون عن بعض فترة )
رجعت مريوم البيت وهي تعبانه وساعدت الخدم يحطون الغدا عشان لما يجي ابوها وخالد ومنال يلقونه وبعرفون انها سارت ترقد .. بعد ما غيرت ثيابها وانسدحت على السرير يلسة تفكر وهي تحظن دبدوبها اللي امها اشترتى لها لما كانت عمرها سبع سنوات (انوا الناس لما يشفون مريم وطيابة قلبها يذكرون روضة (ام عيسى ) لان كا ن في شبه كبير منها ) قالت مريوم في خاطرها : انا من زمان ما زرت قوم خالي حمد ويقطع تفكيرها ... نغمت جوالها ... شافت الرقم وابتتسمت كان ولد خالها حمد ...منصور اللي كان من عمر منال وهو وايد متعلق بمريم ويعتبرها اخته ...وكانت وايد تهتم به وهو صغير ..</font>

[دولي]

وأنا أتصفح القصص شاهدت تكملت جوزء من القصة
من الأخت لؤلؤة العرب


وسأنسخها هنا
ملاحظة أنا لا أعرف تكملت القصة

صباح يوم الخميس .....

قامت مريم على أذان صلاة الفجر وصلت وعينت خير بعدها انسدحت بس ما قدرت تنام وفكرة ( في خاطرها ) كايد وايد تغير عن قبل .... بس المفروض اسامحة على اللي صار .... لا لا ما بسامحة .... هو كان السبب في وفاة اماية الله يرحمها ...... مريم والسالفة اللي صارت قبل ثلاث سنوات ما قدرت تنساها .... وكل عارف انه كايد ما له أي ذنب بس مريم ما تكذب عينها ابد ..... قامت مريم من الشبرية وفتحت الدريشة ...
مريم وهي تتأمل شروق الشمس : الله ..... الجو حلو اليوم ... وانشا الله تكون العزيمة حلوة بعد ... نزلت مريم بعد دقايق تشوف الحوي مالهم اللي كان مزروع كله بورد انواع واشكال بس هي كانت نفضل من بينهم الياسمين لانها كانت تحمل ذكريات حلوة من أيام طفولتها يوم كان ابوه يشلهم ويسيرون المزرعة ....ويسبحون في الحوض هي وأخوانها وذكريات الاحلى يوم هي وامها (ام عيسى ) زرعوا هذي الشجرة اللي تعتبرها مراكبر هديه من أمها الله يرحمها ... جلست مريم قربها وهي تشوف قطرات الندى على ورد الياسمين اللي كان ريحتها الزكية تملي الحوي كله وتدخل البيت ... قلت مريم في خاطرها : دام اني ما برقد بسوي عقد ياسمين لأسماء ... وراحت يبات خيط من غرفتها ، وهي تركب الدري شافت أبوها : صباح الخير الغالي
ألتفت ابو عيسى وابتسم يوم حبته على راسه : صباح النور الريامي ..... ها الغالية اشوفج قايمة بدري اليوم ؟
مريم وهي مبتسمه : اليوم الجو حلو وحبيت اجلس في الحوي ...... بدل الرقاد لحقه عليه ... ويضحك عليها ابوها وكملت : تبي تتقهوي ولا لا ؟
ابوعيسى وهو يظهر مفتاح السيارة من مخباه : لا الغالية أنا بسير الزريبة شوي ليل ما يقومون اخوانج .... وراح كل واحد في طريقة بعد دقايق كانت مريم يلسة تسوي العقد وخلصت منه الساعة 7 ونصف كان حلو ومتوسط وريحته تجنن ... فكرت مريم في كايد مرة ثاني وقالت : ليش هو دايمن في بالي .... مريم وهي تفكر حست ان احد وراها يوم لفت لقت خالد اخوها واقف عند الباب ويتأملها ... ابتسمت مريم ووقامت تروح عنده : صباح الخير
خالد وهو بعد تأملها : صباح النور والياسمين .... وهو يشوف العقد .
مريم مستغربة من نظراته : خلودي شفيك ..... ليش جذي طالعني ؟
ابتسم خالد واعتدل في وقفته : مريم بخبرج سر ...... الصراحة انتي حلوتي وايد وايد عن الايام اللي قبل ..
استحت مريم من مدح خالد : تسلم اخوي اول مرة اشوفك تمدحني اكيد شي ورها هذي المدحة
ويضحكون على بعض ... وتطلع منولة الدلوعة وتسلم عليهم وقامت مريم وفرشت الحصير في الحوي لان الجو كان حلو وايد ورتبت الريوق والقهوة وبقوا يسولفون
مريم : خلود متى بيي عيسوه من السفر ؟؟؟
خالد : بعد اسبوع انشا الله .... لا يكون تبين تخبرينه شو تبين هديه ؟؟
مريم +منولة : ههههههههههههههههههههههههه هه
مريم : صدق خالي يسلم عليكم وأهله بعد ...
خالد +منولة : الله يسلمهم من الشر
خالد وهو يغايظ مريم : الريامي ..... الغالية شفتي كيوووووووووووووووود ؟
منولة انفجرت من الضحك عليه
سكت مريم وهي تتذكر الموقف اللي صار في غرفته واحمرت اخدودها
خالدلاحظ هذا الشي : الريامي هالكثر تستحيتن احيدج ما دانينة بعيشت ربج ....
سكت مريم ولا قالت شي بعدها قالت : خالد ارجوك لا تتكلم عنه اوكي
خالد : خلاص ما باج اخرب عليج يومج
وتبتسم ووقف خالد وقال : اخواتي آنساتي اليوم انشا الله العصر بعد الصلاة بوديكم البحر ....
طارت منولة من الفرحة (عاد انتوا تخيلوا عماركم ثانوية عامة لازم شي بسيط يفرحكم )
وقامت تبي تحب خالد وبسرعة ركض ورى مريم : تخيلج لا تخلين هذي الغول تحبني وتضحك مريم عليه بس منال عصبت عليه : ما عليه انا محبتي عسل ..
ويضحكون على سوالف خالد بعدها يدخل ابوهم من الباب الرئيسي ويسلمون عليه عياله وجلسوا يتريقون وخلصوا وصلت الساعة 10 الصبح كان كل واحد بشوف شغله فقالت مريم : ابويه انا بسير بيت خالي حمد ... بشوف اذ يبون احد يساعدهم
بو عيسى : الله يحفظج بس انتي وين بتتعدلين ؟
مريم وهي تشوف منول : بشل كندورة مخورة وملبسي اللي ابيها وبتعدل عند اسماء
بوعيسى : انشا اله اشوفج هناك ... خالد ابوي روح ود اختك بيت خالي
خالد : انشا الله من عيوني ..
بعد دقايق جهزت مريم ملابسها بس بقت الكندورة محتارة شو تاخذ معها ودخل خالد غرفتها : ليش تأخرتي ؟
مريم وهي تعالط الكنادير : ما اعرف شو اخذ معي .... خلودي اختارلي انت ؟
خالد : انت اللون الوردي حلو عليج .... وبعد هذي خورها حلو
وقفت مريم تشوف في عيون خالد ... سكت خالد ما قال شي يعرف انه مريم تطالعه كذا لانه هو الوحيد بين اخونه اللي طبق الاصل من امه ... وقف وحب خد مريم وطلع يترياها في السيارة، استغبت مريم من تصرفه بس هي تعرفه انه يموت فيها اكثر من منولة الدلوعة .. وابتسمت وقالت بصوت واطي وهي تحط الكندورة مع الملابس الباقية ... : الله لا يحرمني منك الغالي ... ونزلت وراح السيارة ، في الطريق قال خالد : الريامي
ألتفت مريم عليه : عونك
خالد وهو يطالع المرآة الخلفية : شفتي بروك امس
مريم وهي تطالعه : لا بس كان منصور موجود .... وخواته والعايلة الكريمة كامله ..
بقوا على الطريق يسولفون لين ما وصل بيت ابوكايد .... وقف خالد السيارة وقالت مريم : خلود انزل وسلم عليهم ..
خالد :لا لا ...... بعد ين بعد صلاة الظهر بجي انا واهلي كلهم ... يله نزلي خلصين ( وهو يغايظها ) وتضحك عليه ... في هذي الفترة كان كايد طالع رايح المجلس يشوف شو الترتيبات فيه وهو مار شاف سيارة نيسان بيضاء براع جدام بيتهم فطلع يشوف عند الباب شا ف بنت تنزل من السيارة وتذكر ان هذي سيارة خالد وطلع بسرعة يسلم عليه قبل ما يروح .... مريم : بخليك خلود ... الله يحفظك
فجأة تسمع صوت من وراها : يا مرحبا الساع مليون ولا تسد ابو وليد
وعرفت انه كايد فتغشت على طول وتفاجأ خالد ونزل يسلم عليه وخالد ما قدر انه يستحمل فضمه وبقوا كذا دقايق وقال كايد : عاش من شافك يا بو وليد
خالد وهو يبتعد شوي عنه : عاشت ايامك وشحالك كايد ؟
كايد وهو يبتسم لانه من زمان ما شاف خالد : بخير ونعمة الله يعافيك...... شحالك انت ؟
خالد وهو يبادله الابتسام : بخير الله يسلمك .... وتم خالد وكايد يسولفون شوي ومريم خنقتها العبرة بسبب الموقف الحلو اللي صار ودخلت البيت على طول ...

مشكورة أخت لؤلؤة العرب

[الجنية الحلوة]

مشكووووووووووووووووووره اختي لؤلؤة العرب على هاي القصه الحلوه
ويالله ترانا نتريا التكمله

الجنيــــــــــ الحلوة ـــــــــــــــة