ملك قلبي وانا ..اكرهه

[بن دبي]

<font color='#000000'>بسم الله الرحمن الرحيم
السلام عليكم .... شخباركم ؟ عساكم بخير ....هذي قصة من تأليفي إنشا &nbsp;الله تعجبكم &nbsp;<img src="http://oasis.bindubai.com/emoticons/blush.gif" border="0" valign="absmiddle" alt=':b:'>

.................................................. ...............

مريم بنت حلوة ما شا الله عليها ما خذه جمال امها الله يرحمها ومن ابوها عيونه السود الوساع ... وهي تدرس في جامعة زايد ومتفوقة لها سمعة طيبة بين الناس ولها أخوان اكبر منها أولهم عيسى عمره 24 سنة يدرس في لندن وخاطب بنت خالته ريم وهي اكبر بنات خالته موزة .
خالد : اخوها الثاني عمره 22 سنة ترك دراسة الجامعة ودخل زكلية الشرطة ....بعده مريم وعمرها 20 سنة واخر العنقود منال الدلوعة عمرها 17 ثانوية عامة

يوم الاربعاء
&nbsp;مريم طلعت من غرفتها وهي معصبة على خالد .... اليوم حظها نحس اللبس اللي كانت تبي تلبسة اسكب عليه شاي من عجلة منول الدلوعة ...
ابو عيسى : اصبحنا واصبح الملك لله ... بسم الله الرحمن الرحيم من صباح الله خير صراخ ... الريامي تعال بنتي
ومريم مستحية من ابوها : صباح الخير ... يا احلى اب في الدنيا
وتدخل منول عرض عليهم .: توج تصارخين علي وين جى المستحى
وتنقز مريم منول ويبتسم عيهن ...
مريم : اقول منول سيري طالعي خلاود شو اخره ...
ابوعيسى : الغالية يلسي تريقي بعدين روحي ... اكيد خالد يتسبح .
منال : لازم &nbsp;....اليوم اجازة عطوه كيف ما بكشخ .... وانا متاكدة بسير المول عشان ... تعرفين
ويضحك ابوعيسى ومريم عليها وعلى سوالفهم .. مع ان منال كبرت بعدها في عينهم هي راعيت سوالف وهي نور البيت ... ظهر خالد بكندورة اليدية والعطر يعامي وهذيج السفرة الحمدانية ويغني .. واول ما شاف الولد قال : استغفر الله واتوب اليك ... هلا والوالد شخبارك ؟
الريال يبي يغير الموضوع ..
ابو عيسى : هلا خالد ...الحمد لله بخير ....( ويي خالد ويحب راس ابوه) &nbsp;ويكمل ابو عيسى .... يا ولدي ود خواتك ..وايد تاخروا على دوامهن ..
منال في خبث : خلود لا لا عادي خذ راحتك انا ما محد يركض وري ..
ويضحك خالد عليها : تموتين ولا تداومين المدرسة ... هذي لا اخر &nbsp;سنة لج استانسي .
مريم : يله ...يله توكلنا على الله
خالد وبطلع من الباب بعد خواته : ابويه تامرني شي قبل ما تسير العزبة
ابوعيسى : سلامة راسك الغالي ..
طلع خالد وهو يحس ان ابوه كرس حياته وهو يحاول يربيهم احسن تربية وما قرر انه يزوج على امهم الله يرحمها مع انه كان بعده شاب .. لكن كان هذا هدفه الأول والأخير

.....................................

في الجامعة

مريم تي ورى ربعتها اسماء وفي نفس الوقت بنت خالها حمد : السلام عليكم
اسما ء وحليله خافت وفزعت منها : بسم الله الرحمن الرحيم ... حشى تبي تيني سكته قلبية ..
مريم تضحك عليها : انزين ردي السلام
اسماء وهي محطيه ايدها على قلبها : وعليكم السلام ورحمة الله وبركاته ....شحالج يا الشبح ؟
مريم وهي ما تت من الضحك : اللحين صرت شبح بس عشان خوفتج ..... الحمد لله بخير يسرج الحال ... انتي شخبارج ؟
اسماء : الحمد لله بخير وعافية ... اقول عندي بشرى ... باجر في عزيمة في بتنا .
مريم مستغربه لانا محد خبرها : العايلة كلها بتجتمع صح .. يدتي ويدي وقوم خالتي موزة واهلج ... احلوة الجلسة ..
اسماء : وفي شي بعد .... كايد اخوي بيرجع من امريكا خلص من الاختبارات ..
مريم وهي فرحانة لانها تشوف اسماء فرحانة : تستاهلين سلامته ... تصدقين من فترة ما شفته .. ( طبعا مريم واخوانها وعيال خالها حمد وعيال خالتها موزة وخالها مبارك كانوا متربين معا بعض وهم صغار )
اسماء مفتخره باخوها : اكيد كايد بيب الشهادة اللي بترفع الراس وبيظهر احسن من اخوج عيسوه .
بدا الكلاسات فقالت مريم وهي تمشي مع اسماء : لا تقولين عيسوه ليش هو اصغر عيلج ( على فكرة كايد نفس عمر عيسى بس اختصاصه مختلف عمن عيسى &nbsp;كانوا ربع روح برالروح لكن السفر خلهم يبتعدون عن بعض فترة )
رجعت مريوم البيت وهي تعبانه وساعدت الخدم يحطون الغدا عشان لما يجي ابوها وخالد ومنال يلقونه وبعرفون انها سارت ترقد .. بعد ما غيرت ثيابها وانسدحت على السرير يلسة تفكر وهي تحظن دبدوبها اللي امها اشترتى لها لما كانت عمرها سبع سنوات (انوا الناس لما يشفون مريم وطيابة قلبها يذكرون روضة (ام عيسى ) لان كا ن في شبه كبير منها ) قالت مريوم في خاطرها : انا من زمان ما زرت قوم خالي حمد ويقطع تفكيرها ... نغمت جوالها ... شافت الرقم وابتتسمت كان ولد خالها حمد ...منصور اللي كان من عمر منال وهو وايد متعلق بمريم ويعتبرها اخته ...وكانت وايد تهتم به وهو صغير ..</font>

[مخاوية الامل]

<font color='#736AFF'>اتريااااااااااااا ا التكملة ..</font>

[الهيثــم]

<font color='#000080'>في انتظـار التكملـــة</font>

[بن دبي]

<font color='#000000'>حرام عليكم وين التكملة

<img src="http://oasis.bindubai.com/emoticons/mad.gif" border="0" valign="absmiddle" alt=':angry:'>

<marquee>دلوعة البحرين</marquee></font>

[بن دبي]

<font color='#000000'>اشكركم على الرد ... ترقبوا التكملة <img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>

[ماوحشتك]

<font color='#000000'><img src="http://oasis.bindubai.com/emoticons/smile.gif" border="0" valign="absmiddle" alt=':)'> اكيد ابي الباجي <img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>

[بن دبي]

<font color='#000000'>مريم : الووووو....السلام عليكم
منصور : هلا وغلا بالريامي ... وينج يا القاطعة ما تزورنا الحين
مريم وهي تضحك :ههههههههههههههههه شفيك رد السلام قبل بعدين عاتب
منصور ..: وعليكم ..مطول اذنيكم ... شحالج مريامي ؟
مريم : ههههههههههههههه شو هذا بعد مطول اذنيكم ...بخير يسرك الحال .....شحالك منصور وشحال خالي واهلك ؟
منصور : كلهم بخير ونعمة ...ما تعرفين الوالد من زمان يقول ويمن مريامي ليش قاطعة ؟
مريم :فديته والله ...اشتقتلهم وادي ..بس شو اسوي الجامعة تخليك تعيش في عالم ثاني ...
منصور وهو يغايظها : افاااااااا بنت عبدالله ...هالكثر هامتنج الجامعة والا الشباب اللي فيها ؟
مريم : هههههههههههههههههه سكت والا بغير راي
منصور : على شو تغيرين رايج ؟
مريم :افكر اليوم ازوركم العصر ما دام خواتك بين عشان ترتيبات العزيمة
منصور :هلا والله نورتي البيت ...الحين الحين بروح احط اعلام الشيخة مريم بتي بتنا
مريم وميت من الضحك عليه وتسمع حد يفتح الباب وتظهر منولة : منو تكلمين اللحين ؟ (منول تستهبل تعرف انه منصور )
مريم تبي تعصبها : اونج ما تعرفين هذا ربعي من الجامعة
منال : هههههههههههههه ياذكية لا تستهبلين ..اعرف انه منصور ... دايمن يدق عليج بيحرق تلفونج من كثر ما يدق
مريم :هههههههههههههههههه روحي روحي لا (وتفر عليها الدبدوب عشان تسكر الباب
مريم هلا نصور...سمحلي هذا منولة الدلوعة
منصور :ههههههههههههههه ليل الحين تسمونها منولة الدلوعة ....اقول مريامي
مريم :عونك يابعد طوايف مريم ...امر
منصور مندهش : هذا كله عشاني
مريم :لا عشان عيوني انا وتضحك عليه
منصور : منو بيبج بيتنا ؟ (يبيها تقوله عشان ايها ) شرايج انا أي ؟
مريم : لا لا ما اريد اثقل عليك ...بس خلها مفاجئة لا تخبر احد .
منصور :اوكي ....بس تخيلج انا بيبج ..عند مفاجئة لج
مريم : انشا الله من عيوني ..خلاص الساعة خمس ونصف العصر تعال
منصور : اوكي مريامي .... ردي السلام على خالتي وخالي واخوانج
مريم : يله وداعة الله
منصور : صدق انج عيوز معبره الليالي
مريم : هههههههههههههههه باي نصور
تبند مريوم التلفون وتشوف الساعة وانسدحت شوي تفكر في كايد اللي كانت تكره من قلبها عشان قصة طويلة ما تستاهل كل اهلها يعرفون انه ما له ذنب وهي معتبرتنه السبب في موت امها ... بعد دقايق والا وهي راقده ..

العصر ................
نزلت منولة من غرفتها ورتبت الفواله والقهوة حق ابوها واخوها اللي كانوا توهم رادين من الصلاة..
ابوعيسى : سلامتي الغالية .. والله اليوم غلبتي مريم .. الا وين مريم بعدها راقده ؟
منال : ما ادري
خالد :روحي وعيها ...خلها تلاحق على الصلاة ..
منول معصبة من خالد : لا انت روح ...انا بس علي يوم رتبت الفواله عشانك
ابو عيسى يضحك عليهم تذكر انه دايمن مهما كبروا منال وخالد بيتمون هم الثنائي المتعصب اللي في بيتهم .. اخر شي خالد ركب فوق يوعي مريم .. دق الباب شوي شوي بس ماحد رد عليه .. دخل وشافت اخته قايمة .. وقال وهو يدخل : مســـــــــــاء الخير
مريم كانت تحط جحال &nbsp;حق عيونها : مساء الورد هلا خلود ..قرب ..
خالد وايد يحترم مريم اكثر من منولة ..لانه وايد متقارب معها في العمر وهي متفهمة مو مثل منال ...
خالد : اعتقدت انج راقده ,...وين بسيرين ؟
حطت الجحال على جنب وقالت : انشا الله بسير بيت خالي حمد ... بتخاويني ؟
خالد وهو يطالع عيونها : لا ...... بس باجر العزيمة ليش اليوم يتروحين ؟
مريم وهي تتنقى شيلتها : ابي اشوف اذ خالتي يبون أي مساعده وابي اسلم عليهم من فترة ما طحت بيتهم ...
خالد : عيل سلمي على خالي وخالتي والعيال كهم خصوصا ..بروك ..والله هذا الريال اشتقتله .. ( مبارك ولد خال خالد وربيعه الروح بالروح بس مبارك اصغر من خالد بسنة .. ولكن ما شي فرق وهو يشتغل في كلية زايد ) &nbsp;
مريم : انشا الله واصل .. على فكرة خالد ليل متى اجازتك ؟
خالد : شهر ونصف ...ليش شي في خاطرج ؟
مريم : افكر نطلع نحن والوالد نغير جو في البلاد ...احسن عشان منولة وعشان ابوي ..احشهم متمللين من البنت
خالد : هيه والله بشاور الوالد بشوف شو الراي
مريم : تسلم خالد ..
تسمع مريوم تهرين في حوي البيت ... كان منصور .. قام خالد وشاف من الدريشة : هلا والله بشيبت الدار .. تضحك مريوم عليه .. خلنا ننزل عنده قبل ما يطفش ..
نزلوا ولقوا منصور في الصالة عند الوالد ...
خالد : مرحبا الساع مليون ولا تسد بالغالي .. ... وينك يا شيبت الدار ..
منصور يقوم يوايه خالد ويضحك : هههههههههههههه صرت شيبه اللحين ياريال بعدني 17 سنة ههههههههههههه
خالد : شحالك يا منصور ؟
منصور : بخير دامك بخير ..
خالد : بخير الله يسلمك شخبار الدراسة ؟ ........نباك انت ومنول تبون علامة ترفع الراس ..
منصور :خلها على الله يا ريال ... مدام من البيت ليل العزبة بنجح
وتنزل مريم ومنال &nbsp;
منصور : هلا والله بالريامي ومنولة الدلوعة ...
ضحكوا على منصور وسوالفه اللي ما تخلص .. شحالج مريامي ؟.......شحالج منال ؟ عساكم بخير
مريم : بخير يعلك الخير ...شخبارك منصور ؟
منال : بخير الله يسلمك (اونها تستحي منه )
منصور : بخير الله يعافيج
بعد ما تقهوي منصور ترخص من عمه وراح هو مريم لبيته وهو في الطريق شاف اعلام معلقة وعلق عليها : مريم
مريم : امر
منصور : ما يامر عليك عدو .. ما قلتلج اني حطيت اعلام عشانج ..
مرمي : هههههههههههههه يا الذكي هذي اعلام عشان عرس ربيعتي
منصور: مبروووووووووووك منها المال ومنه العيال ..
مريم : الله يبارك فيك وفي حياتك
منصوروهو يقلد صوت العيايز : انشا الله انشوفج عروس يامريم ... يا رب وانت منصور متى بتعقل وبتعرس ؟
مات مريم عليه من الضحك ..... :صدق انك شيبت الدار
منصور ابتسم وهو يطالع الطريق : لقطيها على....في الاصل انا يسموني بسمة الحياة .
مريم : والله انك بسمة الحياة ... انسى كل همومي معاك ..
منصور مندهش : وانتي لج هموم ؟
سكتت مرمي ما ردت على سؤاله وهي ما تبي تفضح شعورها اتجاه اخوه كايد جدامه .. بعد شوي وصلو البيت اول ما وصلوا تم منصور يهرن ويهرن ... مريم :شفيك ؟
منصور : اوووووووووه تذكرت ...تحرك منصور بالسيارتة وراح طريق غير
مريم : وين منصور بتوديني ؟
منصور : انتي نسيتي المفاجئة .... سكت مريم وبقت تشوف الطريق وتذكرت ذكريات قديمة يوم كانت هي صغيرة افعلهم الشيطانية اللي كانوا يسونها وتبتسم وقال: منصور .. تتذكر يوم طحت من السدره
منصور ابتسم : زين اني طحت على يونيت الشعير وما طحت على الارض كان تكسرت
مريم : انت مودني العزبة صح ؟
منصور : ذكيه ما شا الله عليج تفهميها على الطاير ...
اول ما وصلوا .. سارت هي ومنصور عند البوش وشافت خالها حمد : هلا والله بالريامي وينج يالغلا تولهنا عليج ؟
مريم مستانسة انها شافت خالها وتسلم عليه : شخبارك خالي ؟
ابو كايد : بخير دامنا شفناج ... وينج من زمان يا بنت عبدالله
مريوم مستحيه من خاله : واله الجامعة عالم ثاني يا خالي
ابو كايد : الله يعنا على الجامعة ... الا شحال اهلج ؟
مريم : بخير وسهاله .. كلهم يسلمون عليك وانشا الله باجر بتشوفهم ..
ابو كايد : الله يسلمهم من الشر ..
ابو كايد : منصور راوي بنت عبدالله البكرة اليدية منصور : انشا الله
وراحت مريم مع منصور كانت مريم تحب النقات وايد &nbsp;دخلت بعد ما قنعت منصور انها ما بصيرلها شي .... وتمت تتقرب من البكرة في ذيج اللحظة ما كنت توصف سعادتها يوم البكرة بدت تاكل من ايد مريم شويت حشيش .. كان خالها يشوفها فقال في خاطره : ما شا الله عليج يا الريامي كبرتي وحلوتي ..صرتي حرمة وغزال ..
بعد ما كملوا جولتهم قال منصور : شرايج مريم نرقي العرقوب ؟
مريم تتطنز عليه : شو درت الطياشة ؟
ويضحك منصور : ههههههههههههههههههههههههه هههههههه
بعد ما حاطوا &nbsp;نصور ومريوم .. دق جواله : مرحب الساع بالوالدةام العيون السود والوساع .....
مريم تتسمع منصور : انشا لله &nbsp;...انشا الله &nbsp;.....شي تامرين الغالية ......الله يحفظج
بعد ما سكر عن الوالدة قال : امي متلومه فيج ... تقول وهو يقلد صوتها ..... ليش شليت البنت العزبة وما خليتها تتقهوي اول بعدين تروحبها ... لومتني في البنت
تمت مريم تضحك على منصور
مريم : حرام عليك هذي امك وان ما ابي قهوة ولا فواله ولا شي بس استانس معاكم واسوالف .. صدق على فكرة ....مشكور كانت مفاجئة كانت وايد حلوة
منصور وهو يمد ايده ،استغربت مريم منه : شو تبي ؟
منصور وهو يضحك : ابي بخشيش ؟
وتضحك عليه مريم : ما عليه مفاجئة واتب بخشيش عليها .. اثريك انت اللي تغير مو انا
ويضحكون على سوالفهم ويرجعون البيت ....تقولون شو بتلقى مريم على الايام الجاية ؟؟


اختكم &nbsp; &nbsp;لؤ لؤة العرب</font>

[ماوحشتك]

<font color='#000000'>مشكور لؤلؤتي عالتكمله ..
&nbsp; &nbsp; &nbsp; &nbsp; &nbsp; &nbsp; &nbsp; &nbsp; <img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;بس ما تكفيني .. بعد ابي الي بعده ..

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; اختج
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;ماوحشتك</font>

[مخاوية الامل]

<font color='#736AFF'>ثانكس ع التكملة وبانتظار الباقي</font>

[شواطي الحب]

<font color='#000080'>تسلم الأنامل الي خطت النا القصه ,,,,


في انتظار البقيه ....

<img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>

[بن دبي]

<font color='#000000'>المغرب بعد الصلاة ...................

نزلت مريم عند خالتها بس ما لقتها ، ولقت فطوم في الصالة &nbsp;
مريم : هلا والله بالغلا كله ,.....شحالج شيخة البنات ؟
فطوم مستغربةلانها ما تعرف ان مريم في بيتهم : مرحبا الساع بالريامي وينج من زمان ؟ ....محد قالي انج هنا ؟
مريم ضحكت من ردة فعلها : والله توني راده من العزبة مع منصور ...
فطوم : شخبارج الريامي ؟
مريم : بخير يعلج الخير ...اقول فطوم قومي خلنا نحط الفواله والقهوة تعرفين ان خالي ما يحب قهوة البشاكير ...
فطوم تبتسم عليها : انشا الله من عيوني ..
وتسير فطوم ومريم في المطبخ وتلقى اسماء : هلاو الله مريم ... وتسلم عليها ..
بعد دقايق فرشن الحصير في الحوش وحطن القهوة والفواله.....يلسن يسولفن وطلعت خالة مريم وسلمت عليها وقعدوا يسوالفون بعد دقايق دخل منصور وابو كايد
ابو كايد : السلام عليكم والرحمة ..
مريم وام كايد وفطوم واسماء : وعليكم السلام ...جلس منصور وابو كايد يتقهويون ويسولفون
ابو كايد : ما شا الله القهوة اليوم طماشة منو اللي مسوتنها ؟
ام كايد تبتسم ...ويقول منصور : هذي اكيد الريامي ...
ابو كايد : ماشا الله بنت اصول بنت مطر
وتستحي مرمي من هذا المدح كله ويضحكون عليها وتتدخل فطوم : وانا ابوي ؟؟؟
يقوم منصور يغايظها : انتي ؟؟ انتي ما تسوين شي من الريامي ..
وصير ويه فطوم ملون من الضيقة .... : شو تقول ؟ يضحكزن عليها
وتقول مريم : منصور حرام عليك فطوم نور بيتك
فطوم استانسة وايد : فديتج يا بنت خالتي .. انتي الوحيدة اللي تحس في ام منصور شاطر في المغايظ
ويتضاحكون علي منصور وفطوم
ويقطع عليهم رنه جوال ابو كايد ... ويشوف رقم كايد في جواله ويرد عليه
ابوكايد : مرحبا الساع مليون ابو خليفة ...
كايد : مرجبتين ابوي .....السلا عليكم ...ويرد عليه ابو كايد ...شخبارك كايد ؟
كايد : الحمد لله بخير .. ابوي
ابو كابد : عونك
كايد : رحلتي تقدمت اليوم انشا الله في ليل بوصل عندكم ...
ابو كايد : ما شا الله توصل بالسلامة ... منو بيي ياخذك ؟
كايد : طرش حد من اخواني ..
ابو كايد : انشا الله .. الله يحفظك يالغالي
كايد : ويحفظك شي تامر الوالد ..
ابو كايد : سلامت راسك
وبند ابو كايد .. وتسأل ام كايد : شفيه كايد ؟
ابو كا يد مستانس : اليوم بيي رحلته تقدمت بيوصل بعد ساعة
وهني تغير لون مريم هي ما تبي تشوفه ولا تبي حتى تسمع طاريه ...
اسماء وهي فرحانة : بسير ارتب غرفته .. يله مريم ..وتشوف مريم متغيره ..
مريم ما تبي تخرب فرحت اهل خالها : لا ما شي ابد بس متفاجئة ..
وراحت مريم واسماء يرتبوا غرفتة كايد .. وفطوم تتري خواتها ..ام كايد راحت تتطبخ العشا عشان اهلها ومنصور راح مع ابوه عشان يبون اخوهم .. دخلت مريم غرفة كايد وهي تتدفق في ذاكرتها الذكريات الحلوة وهم صغار وشقاوتهم ... بعد نصف ساعة خلصت مريم واسماء من التنظيف وراحت المطبخ تيب المدخن عشان تدخن الغرفة
في هذي اللحظة كان منصور وكايد معه &nbsp;، اول ما نزل كايد امن السيارة تم يطالع بيته ويتذكر ايامه وهو صغير وهو في المدرسة وربعه .. وغيره والا ويسمع امه ترحب من مسير يوم (وحليلها فرحانة ان ولدها رجع )
ام كايد تلوي عليه وهو يسلم عليها وحبها على راسها ... كايد :شحالج ام كايد والله تولهت عليج ؟
ام كايد بعدها لويه عليه : بخير يعلك الخير......فديتك الله لا حرمني منك ...
كان كايد لابس قميص اسود وبنطلون جينز اسود طالع كشخه ..بعد ما سلم على فطوم سأل عن اسماء قالوله يمكن تلقهافي غرفتك
طبعا كايد محد خبره ان مريم هنا ...في هذي اللحظة طلعت مريم من المطبخ ...والدخون في ايدها سارت في غرفة كايد اول ما فتحت الباب انتبهت للشنطة فا عرفت ان كايد وصل حوالت تدخن الغرفة بسرعة بس سمعت انه حد في الحمام يسبح فقالت في خاطرها : الحمد لله هو يسبح ...فطالعت اذ ظهر ملا بس له فقالت : بظهرله ملابس ...حطت المدخن على الطاولة وسارت تفتح الكبت وطلعت كندورة عربية وسفرة وفانيلة ووزار ...يوم كانت مريم تدخن كندورة كايد طلع من الحمام وهو لاف على عمره فوطة واستغرب منو في غرفته اعتقد انها اسماء لان مريم كانت عاطتنه ظهرها
وقف كايد فترة وقال : اسموووه
قامت مريم ولفت وطاحت عينها في عينه ما قدر كايد ينزل عينه لانه ما عرف هذا الملاك ، تمت مريم وكايد يطالعون بعض وساكتين بعدها انتبهت مريم ان كايد ما لابس شي غير فوطة لفنها على وسطه ...استحت وتغشت ولفت ويهها وقالت : اسمحلي ...وطلعت من الغرفة ..
كايد تم ساكت ما يعرف شو يقول او يفعل غير انه واقف محله ...ويحس ان قلبه يدق بسرعة كانه راجع من سباق ركض ....تتوقعون شو بتكون فكرة كايد من مريم
شو الشعور اللي انتاب مريم ؟
شو موقف اسماء من مريم اذ1 خبرتها بالسالفة ؟
ترقبوا الجزاء التالي

اختم لؤلؤة العرب</font>

[سماريه]

<font color='#000000'>السلام عليكم
ماشالله قصتج حلوه ماعليها كلام..بس اتمنى انج تنتبهين وانتي تكتبين <img src="http://oasis.bindubai.com/emoticons/down.gif" border="0" valign="absmiddle" alt=':dd:'>
لان في اخطاء..يعني اخطاء كتابيه او املائيه.. ويكون احسن انج عقب ماتخلصين من الكتابه اتراجعين القصه مره ثانيه عشان اتصححين الاخطاء &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>
والسموحه..</font>

[بن دبي]

<font color='#000000'>مشكورة اختي سماريه....انج نبهتيني على هذي النقطة ...وانا ارحب بكل انتقاداتكم ... وانشا الله بكملها على اسرع ما يمكن

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; تحياتي العطرة لؤلؤة العرب<img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>

[التايهة]

<font color='#000000'>حبوه ..لؤلؤة العرب ..

&nbsp; &nbsp; &nbsp; &nbsp; &nbsp; &nbsp; يالله بسرعه أنا ما أروم أتريا أكثر من جذي ...

لو سمحتي بسررررررررررررررررررررررر رررررررررررعة ..

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;كملي القصة...

السمووووووووووووووووووووو ووووووووووووووووووووووووو وووحة

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; أختج التايهة...</font>

[بن دبي]

<font color='#000000'>ماشاء اللله عليج ...

مشكوره اختيه ...</font>